[2026.05] 關西獨遊48小時

Waiyin12 發表於 2026-7-31 04:53
東海道/山陽本線本身應該比較直，Super Hakuto 行呢段路程，唔知 tilting 感覺明唔明顯？

恭喜樓主搭到 He ...

Super Hakuto 行幹線過彎時都有 tilting，感覺應該唔係好明顯，但睇住大銀幕會見到。點都唔夠 2024 年去九州搭 883/885 系咁犀利，過彎時起身走動係「篩」到幾乎行唔郁。

Hello Kitty 新幹線劃位時只想盡量貼近主題車廂，當時無諗過 Green Class，畢竟實際上坐低只係一個站距離，其餘時間都在 1/2 号車影相購物。

臨出發前幾日先諗到可以用 Kansai Wide Area Pass，即使搭唔足五日，但一早已訂了 Hello Kitty 新幹線，唔想退票。撇除手續費問題，心理上覺得送殯期實好多人，驚退票之後去到日本劃唔返（搭上車才發現並非全滿）。同埋原本計劃係想搭齊京阪同阪急，只不過當日實際行動趕唔切搭阪急。

今次我臨出發問 AI 先醒起去姬路一程新快速會好迫，第一次自己撳機加訂 Super Hakuto，早期規劃時完全未有這部分。經一事長一智，其他地區通常睇日數同範圍就夠，係關西先咁多款 Pass 揀，應該計好條數先訂飛。

唔少事態發展都同自己預期有出入，例如原本預計第一晚去天保山摩天輪，但搭緊中央線時已經攰到唔想行，時間亦太晏，所以去夢洲打個卡就算。宇治停留時間過長，於是京都搭唔到阪急。Haruka 諗住兩年前坐過右邊，今次想坐左邊，但左邊唔太好睇。成日用香港心態，覺得 7pm 後仍然可以做好多事，但無預計活動一整日個人會好攰，其實天黑後完全靠意志力死頂。北海道段同朋友天黑後返酒店浸溫泉就最嘆。