[2026.05] 北海道定格

DIH · 發表於 2026-8-2 12:34

本帖最後由 DIH 於 2026-8-2 17:38 編輯

繼續五月行程分享。獨遊關西後會合好友一齊上北海道，自駕期間到幾個於不同時期廢線的舊站／遺址參觀，各處知名度及待遇大相逕庭。

快速跳轉：
Part 2　富内線振内駅：振内鉄道記念館
Part 3　広尾線愛国駅：愛国交通記念館
Part 4　広尾線幸福駅：幸福交通公園
Part 5　然別湖湖底線路
Part 6　根室本線幾寅駅：《鉄道員》幌舞駅
Part 7　JR Tower

延伸閱讀：飛行報告

——————————

Part 1　王子軽便鉄道山線鉄橋

這部分當成鐵路內容其實有點牽強，不過來都來了就加埋入去。行程目的係去支笏湖觀光，湖畔有一條紅色鐵橋，稱為「山線鉄橋」，係過百年歷史的產業遺產。山線鉄橋簡史如下：

1899年
由英國工程師C.A.W. Pownall設計，並於英國製造部件，架設於北海道官設鉄道上川線，砂川至妹背牛之間空知川上。

1908年
王子製紙株式会社敷設「王子製紙苫小牧工場専用鉄道」，通稱「王子軽便鉄道：山線」，連接苫小牧與支笏湖，以供興建發電所，原以木橋橫跨千歳川。有山自然有海，「海線」係1909年由三井物產於苫小牧—鵡川間敷設的專用馬車鐵道，於1913年成為苫小牧軽便鉄道，1927年國有化為日高線，即今之日高本線。

1924年　王子製紙株式会社買入鐵橋，由空知川搬至現址。
1951年　王子軽便鉄道（山線）廃止，鐵橋改為行人專用橋。
1994年　千歳市政府着手修復鐵橋
1997年　鐵橋修復完成
2007年　獲経済産業省指定為近代化産業遺産
2018年　獲土木學會認定為選奨土木遺産

▲支笏湖遊客中心的王子軽便鉄道模型，遊客中心外面有山線湖畔驛遺址，不過無去睇。

▲2015年已經來過，但當時係秋末，寒風凜冽，只能短暫停留。今次初夏到訪，天氣怡人，可以仔細端詳。

▲簡介牌

▲1899年英國銘牌

▲近代化産業遺産及選奨土木遺産銘牌

▲向南望

▲橋上燈柱

▲去到另一邊向北望

▲有一段假軌道，但無鋪到上橋面。

若非有段假軌，我就唔會加入此部分，之後內容會真係見到火車。

DIH · 發表於 2026-8-2 13:15

本帖最後由 DIH 於 2026-8-2 14:20 編輯

Part 2　富内線振内駅：振内鉄道記念館

振内鉄道記念館前身為振内駅，位於連接勇払郡鵡川駅至沙流郡日高町駅的富内線上。富内線歷經多年變遷，1922年北海道鉱業鉄道開通連接沼ノ端至生鼈的金山線，1923年延伸至富内，1943年國有化改稱富内線。1958年延長至振内，1964年延長至日高町，全長82.5公里。當初曾有經占冠連結根室本線金山駅的計劃，但一直未能成事。1970年代受汽車興起及人口下跌雙重打擊，富内線與多條地方交通線同樣面臨需求下降的問題，遂於1986年廢線，全通時間只有短短22年，振内駅亦只使用了28年。

▲振内鉄道記念館外觀

▲義經號係1880年由美國輸入北海道的7100形蒸汽機車之一。一查之下發現，這批機車曾因銘牌丟失而「認錯車」，1922年將7101運去東京時認為佢係「義經」，後因關東大震災而在黒磯暫存，直至1936年才由鐵路迷指正其應為「辨慶」。現時在大宮鉄道博物館的7101為「辨慶」號、京都鉄道博物館的7105為「義經」號。

▲館內一覽

▲機車車輪

▲站牌與振内駅模型

▲鐵橋與富内線名牌

▲Memorabilia

▲時刻表

▲運賃表

▲閉塞機

▲閉塞牌

▲可能係鎖住閉塞牌個箱

▲制服

▲保線作業

▲線路標識

▲警戒及注意牌

▲富内線平取町路段

▲通車時的舊照

▲由右邊開始讀起的展板，我已排成左至右。

▲廢線前的情況：全通22年、振内駅使用28年就廢線，既可惜又浪費。回望香港，沙頭角支線亦只使用了16年，但無心保存遺跡，幾已完全消失於歷史長河中。

▲參觀完室內就去室外展區，從衞星圖見到有一部蒸汽機車及兩卡客車，實際去到發現情況慘不忍睹。

▲從網上資料搵到兩部客車係スハ(Suha)45 37與スハフ(Suhafu)42 519，但我唔識分。

▲兩節車廂分別名為すずらん（Suzuran 鈴蘭）号及ほろしり（Horoshiri 幌尻）号

▲月台上有幾個舊站牌

▲客車兩端都有條柱，兩條柱都係歪的，懷疑係打風、融雪或地震，令地基或車廂移動所致。

▲車身油漆斑駁脫落

▲車底喉管都已生鏽

▲車廂曾經用作夏季電單車友留宿設施，但現已停業，留下氣錶。

▲另一端都係斜柱，但對準角度可以影成唔斜。

▲從車窗望入車廂內

▲蒸汽機車狀況較佳，可能當初造工較好。這部D51-23係1949年向樺太（當時已成為蘇聯薩哈林島，清朝稱庫頁島）輸出版本，與日本本土版本相比，主要特徵為密封式駕駛室及編號中間有hyphen而非空格(D51-23)，亦並非冠上西里爾字母(Cyrillic script)。

▲煤車

▲煤車的台車

▲駕駛室右側

▲右側動輪

▲右前方

▲正面

▲左前方

▲平成3年（1991年）由福本次雄送贈，暫時查到此人係北海道事業家及賽馬馬主。

▲左邊動輪

▲可以走入駕駛室

▲最光鮮係呢張簡介

▲從密封窗中望出去

▲號誌、站舍、機車、客車合照

▲離遠影機車及客車

▲幌毛志方向（西／南行）

▲仁世宇方向（東／北行）

振内鉄道記念館每日開放時間為09:00-16:00，我地去到時就快閉館，四周只有烏鴉聲，一片荒涼。廢線40年仍能保留記念館已算唔錯，但打理車廂要用唔少錢，不知車況會否一直衰敗下去。

DIH · 發表於 2026-8-2 14:36

本帖最後由 DIH 於 2026-8-2 14:42 編輯

Part 3　広尾線愛国駅：愛国交通記念館

今次旅程初訪十勝帶廣，發現有「愛国駅」及「幸福駅」兩個舊站，在旅遊資源不多的十勝算係打卡熱點，當然不能錯過。

広尾線1929年開通帯広—中札内（愛国駅此時開業，線路經過幸福駅位置但未有站），1930年延伸至大樹，1932年到達広尾。1956年幸福駅開設，1966-1974年間夏季有臨時急行直通士幌線糠平駅。踏入1970年代，広尾線與前篇富内線一樣因汽車普及而沒落，至1987年初全線廢線，愛国駅服役57年左右，幸福駅則為30年餘。

兩站名稱特別，1974年歌手芹洋子發表歌曲〈從愛的國度走向幸福〉（愛の国から幸福へ）使愛国駅至幸福駅車票熱賣，吸引大量觀光客。廢線後，兩站人氣不減，獲地方政府妥善保存，分別展示蒸汽機車及柴油客車，狀況比富内線各站好得多，尤其幸福駅，在打卡文化盛行下連旅行團都會去。

▲十勝道路又直又少車，我都操一操個冰封牌，由十勝川温泉駕車到此。

▲介紹牌

▲兩張巨型車票

▲時刻表

▲運賃表

▲閉塞機兩部

▲歷史圖片

▲少許歷史

▲年度別乘車人員

▲經營成績

▲北海道曾幾何時滿布鐵路

▲文物展示

▲線路封鎖牌

▲幸福駅全力做打卡點，広尾線歷史展示集中於愛国駅。

▲車票牆

▲走出室外

▲此站展示的9600形19671号於大正7年（1918年）製造，昭和50年（1975年）停止使用，服役57年，退役51年，已經過百歲。

▲比起振内駅明顯光鮮好多

▲銘牌

▲車頂

▲動輪

▲煤車

▲正面

▲左面

▲與駅舍合影

▲站前有個已拆轆的超舊車廂

▲裡面一片狼藉

▲後面商店無開門

DIH · 發表於 2026-8-2 15:09

本帖最後由 DIH 於 2026-8-2 15:22 編輯

Part 4　広尾線幸福駅：幸福交通公園

幸福駅係今次到訪舊站之中最touristy的一個，即使並非鐵道向的旅遊資訊都一定會介紹。

▲從愛国駅揸多半個鐘就到幸福駅，出面有個簡易郵便局，可以寄明信片。

▲公園簡介牌

▲打卡位後面係薯仔田，旁邊有塊牌，私人農地閒人免進。

▲出售記念車票及其他精品的小店

▲經修復的幸福駅駅舍，貼滿車票造型明信片。

▲事前無特別研究，只知幸福駅有「車票」賣，以為係一般車票咁細張，原來係成隻手臂咁長的明信片。可能有細車票，但我無留意。

▲幸福駅保存了兩部柴油客車，分別係Kiha 22 238（前，1965年製，下稱238）及Kiha 22 221（後，1963年製，下稱221），後面另有一部黃色除雪車。

▲238正面

▲238右面

▲238後面

▲238車底

▲221

▲221的位置可以砌到景

▲221車底

▲221配有月台

▲幸福駅站牌

▲幸福駅簡介

▲可以登上221參觀

▲乘務員室

▲車廂

▲除雪車

▲臨走見到狐狸，感覺幸福。

DIH · 發表於 2026-8-2 15:26

Part 5　然別湖湖底線路

然別湖湖底線路其實係遊覽船瀡落湖的軌道，都係志在分享奇趣擺幾張。

▲去到當日遊覽船未開始營業，取景角度有限。

▲船底

▲高角度一定影到船身

▲唔穿煲只能影成咁

DIH · 發表於 2026-8-2 15:36

本帖最後由 DIH 於 2026-8-2 17:27 編輯

Part 6　根室本線幾寅駅：《鉄道員》幌舞駅

幾寅駅於1902年開業，1999年上映的《鉄道員》電影以此作「幌舞駅」場景，並於2005年放置電影佈景。2016年受颱風「獅子山」影響停止列車服務，東鹿越至新狩勝隧道一段（包含本站在內）一直無再重投運作，直至2024年4月1日隨根室本線富良野至新狩勝隧道一段廢線而正式廢站，服務年期114年、有名無實8年。資料通常會寫「富良野至新得廢線」，但新得至新狩勝隧道一段仍為石勝線所用，實際廢止區間係去到新狩勝隧道西口。

▲站前布景，有一截Kiha 40車頭，無法入內。

▲精神分裂駅舍

▲駅舍內仍然放有2023年代行巴士時刻表，現已過時。

▲廢線記念牌

▲舊相

▲《鉄道員》場景照

▲少量器材展示

▲2024年廢站簡介

▲上月台睇睇

▲枕木尚算新鮮

▲精神分裂站牌

▲向西望富良野方向

▲向東望新得方向

▲這個角度望向布景車頭剛好隱藏其「無後」的缺憾，並見到背後的十勝山脈。

DIH · 發表於 2026-8-2 16:04

本帖最後由 DIH 於 2026-8-2 17:59 編輯

Part 7　JR Tower

返到札幌後，登上札幌駅JR Tower觀景。JR Tower於2003年落成，樓高173米，共38層，以香港標準唔算好高，但已經係北海道最高建築物，之前到過札幌幾次都無上去，今次一於把握機會。

▲午間札幌駅

▲JR Tower外觀

▲展望室名稱就叫T38

▲入場費740円

▲樓下有展板介紹塔上可以見到的新幹線施工範圍

▲大堂見到的施工區

▲Kiha 261系

▲與世界其他高樓比較，香港淨係中環廣場都高佢一倍有多。

▲這幅圖標示JR Tower的視野範圍及天氣好時見到的山峰，要望到十勝岳甚至旭岳應該極高難度。

▲上到展望室，北面係札幌駅月台上蓋，髹上主要車站名及附近地標。

▲向東望向苗穂方向

▲731系