288過度減班導致爆鑊 行政失當問題

288返放學客量一向誇張，話哂係水泉澳嘅命根，暑假前本身上繁都不時留後，但係TD就喺暑假批准永久減上繁班次。開學梗係爆煲，0740尾班288A走咗之後，0748有班288喺水泉澳廣場留後，月泉樓飛站，50人上唔到。下一班都係清唔哂啲客。顯然係趁暑假減班種下禍根。

唔知TD係根據乜嘢數據批准上繁減班，減之前已經頂閘留後，好奇今次可以交出咩數據證明減得啱。定係其實未睇真現場情況就批？點解會出現行政失當？

至於區議員所謂視察後，對減班安排「收貨」，根本笑話一則。企喺山頂個站，都未上哂客就梗係睇唔到留後，落返山腳睇吓，咪知道現實情況，就係過度減班導致連環爆鑊。

288呢啲咁荒謬嘅情形，直接證實咗討論區某啲人話「XX區出唔到客」、「夠客谷到頂閘就唔使減」係無稽之談。因為現實係本身頂閘都獲批減班，連續3日爆煲都冇加返車。將錯誤反而歸咎於市民，係為營運商同有關部門開脫責任嘅講法。

https://www.facebook.com/share/p/1Ez2nWYE5S/

嗰班人淨係識得嘅係總站到望下

估計會好似 87K 咁之後加返班

288 要另開 288B 288C 等分支方便學生
睇得出水泉澳返學時段的需求一定唔細
( 另外 287X 都有好多學生來往大圍 )

一班車上唔到就係到瓜瓜嘈，好似成班大帝咁

3bx 發表於 2026-9-4 15:29
一班車上唔到就係到瓜瓜嘈，好似成班大帝咁

因為決策失當、過度減班搞到留後，3班車都清唔到條隊，市民承受惡果仲要俾人指責係大帝，真係可笑

RX1322_284 發表於 2026-9-4 16:19
因為決策失當、過度減班搞到留後，3班車都清唔到條隊，市民承受惡果仲要俾人指責係大帝，真係可笑 ...

九巴同運輸署做錯野，當然係乘客問題

佢哋暑假唔搭車返學導致的

GK9509@39A 發表於 2026-9-4 16:26
九巴同運輸署做錯野，當然係乘客問題

佢哋暑假唔搭車返學導致的

揾啲人嚟鬧返啲街客係西客梗係最易

RX1322_284 發表於 2026-9-4 16:19
因為決策失當、過度減班搞到留後，3班車都清唔到條隊，市民承受惡果仲要俾人指責係大帝，真係可笑 ...

你要講清楚係等3部車都上唔到，定係3班車之後車站都仲有人排隊等車

而家288B停埋博泰樓可能會有少少幫助，始終返學時間288喺博泰樓落到半車

不過288B本身自己都爆..