九 巴 將 申 請 加 價 逾 5%

原帖由 DD2113 於 2007-9-5 20:17 發表


九巴如果申請得加價, 當然會拋出一堆堂而皇之的理據支持,
不過以各種公共交通工具的競爭角度看, 在兩鐵及政府不斷吹噓合併後可即時減價的形勢下,
如果九巴申請加價, 肯定會令市民對其形象大打折扣, 及流失客量!
至 ...

兩鐵合併後表面上有減價空間,實際上唔見得合併會帶來
甚麼益處,減價只係為合併製造較易令市民(同股東)接受
既理由

講真而家部分小巴線已經加o左價,的士又話要收附加費,
渡輪早就加o左價,巴士公司話唔想加,現實環境係個個都
加價(或準備)中

如果九巴加價真係成事,
我想請本板裡面那些專門為民請命的板友向區議員施壓,
要求將嚴重過時兼不切實際的收費等級表(fare scale table)掉進垃圾桶,
讓佢成為歷史.
所有路線不再設立最高收費上限,
又或者話, 加價後收費就係上限.
不能再容許九巴擺出那一副
「我本來收你廿蚊都得, 而家收你十蚊仲想點」的嘴臉.

原帖由 DD2113 於 2007-9-5 20:17 發表

九巴如果申請得加價, 當然會拋出一堆堂而皇之的理據支持, ...

如果九巴申請加價, 肯定會令市民對其形象大打折扣, 及流失客量!
至於是否得不償失, 就只有九巴自已知了...

九龍公司呢個環境下申請加價，一早預o左有強大反對聲音，到時申請加價被拒或者削加幅，咪同大家還價囉，到時佢同班為民請命o既議員講，你o地死攬住Ｄ蝕本爛線唔放就冇偈傾，點拆局？

而家唔少線擺明唔夠客做唔起，重組又俾人ban，惟有不斷減車減班，搞到班次勁疏神憎鬼厭，但又唔執得，生意只有愈來愈難做。尊貴o既議員們，知唔知貴區o既居民要其他區o既客津貼幾多錢俾佢o地搭吉車呢？

原帖由 KR1691@102 於 2007-9-5 21:12 發表

而家唔少線擺明唔夠客做唔起，重組又俾人ban，惟有不斷減車減班，搞到班次勁疏神憎鬼厭，
但又唔執得，生意只有愈來愈難做。尊貴o既議員們，知唔知貴區o既居民要其他區o既客津貼幾
多錢俾佢o地搭吉車呢？

佢 D 選票邊度來？

而且大部份選民可能都同我一樣，有一大堆建議但又無乜點公開發表。

原帖由 KR1691@102 於 2007-9-5 21:12 發表
九龍公司呢個環境下申請加價，一早預o左有強大反對聲音，到時申請加價被拒或者削加幅，咪同大家還價囉，到時佢同班為民請命o既議員講，你o地死攬住Ｄ蝕本爛線唔放就冇偈傾，點拆局？

而家唔少線擺明唔夠客做唔起，重組又俾人ban，惟有 ...

我唔記得呢個板定隔離板曾經開過一個題目
大約係「條線攪成咁 都係公司自己做成」
由此可見 有唔少"旺場"0既線 係巴士公司自己唔想做
夾硬左改右改 務求逼原有路線乘客轉乘其他路線(更甚可能係貴幾倍0既線)
跟住佢就大條道理減車減班 最後cut走條線

有唔少所謂0既"蝕本線" 偏偏係0個條線服務地方0既"唯一選擇"
佢可以選擇放棄俾小巴做 但問題係小巴數目已經限死4350部
近期立法會先通過繼續凍結呢個數目 即係未來一段唔短時間都唔駛望有更多小巴
如果轉村巴 無人知TD會唔會諸多限制
所以唯有要巴士公司蝕都要做落去
同埋大家要記住一樣0野─「無一盤生意係必賺」
有賺必定有蝕 如果巴士公司唔要所有蝕本線
假如大家心裡有數0既 可以諗到影響會有幾大...

原帖由 virus 於 2007-9-5 20:17 發表


正確來說應是早幾年全冷的路線「有水位」，
這些路線多於早年已經加冷，
冷價比熱價高出超過三成。

在冷價三成以上基礎再減的，
我只想到有81k與一眾城隧線。

但近年加冷/全冷的路線，
冷價通常已是熱價三成，故「無法」減 ...

81C 同86C是高過三成的早期加冷線,九巴見馬鐵無影響客源宜家當然唔想减

原帖由 orange 於 2007-9-5 20:32 發表

兩鐵合併後表面上有減價空間,實際上唔見得合併會帶來
甚麼益處,減價只係為合併製造較易令市民(同股東)接受
既理由

講真而家部分小巴線已經加o左價,的士又話要收附加費,
渡輪早就加o左價,巴士公司話唔想加,現實環境 ...

老實講，
話晒兩鐵合併都係「減價」啦…
好過而家話加價呀…

之前廖秀冬仲響度懶勁咁話爭取到個乜乜可加可減機制…
邊有減到丫？
果個即日回程優惠仲衰過之前既單程折扣…

其實好難講應不應該加價
作為市民，當然希望不要加價，
如果真的是加價5%即是$10加5亳
加幅算不算驚人??
現在老麥一個餐，不經不覺已經去到廿幾元
大x樂一個普通午餐更加過了$30
作為公司和員工，當然希望加價
如果巴士公司收入或盈利不斷下降
公司必定會採取不同措施來減低支出和減少投放資源
因為九巴是上市公司，要對股東有所交代，再加上市民對巴士公司
的要求越來越高，有理無理的投訴九巴都遠較十年前為高。
例如削減員工薪酬，減少福利開支，減少盈利較差班次
不會隨意開辦新路線。(因為有潛在風險+運吉限制)
至於員工更加不用多說(特別是新入職的員工)，
什麼OT，雙糧樣樣都沒有，但工作量和乘客要求卻不斷增加
同工不同酬的差距的情況更加嚴重。(公司會說盈利不好，不能改善待遇)
流失率不斷上升，導致某些班次因車長不足，以削減服務。乘客又會責怪員工，
新員工何來有士氣??(難道要學社工和建築工人一同罷工和集體請假)
以月薪車長為例，雖然連續兩年都有加薪，但實質加幅只有一百多少少。
即使日薪車長也不好過，由於日薪車長OT人工較貴，巴士公司一定會
採取措施減少不必要的支出，例如提早收車或退休，我相信大家一定聽唔少。
最終結果，苦了乘客，苦了員工。對整個社會都是一個問題。
唉多言了

[ 本帖最後由 DK9913-曼聯人 於 2007-9-6 00:01 編輯 ]