[討論]皇崗可以有咁多出市既巴士線, 但深圳灣就無

dennis28a 發表於 2026-10-18 15:47
蓮塘口岸個用途唔係咁用
佢只係一個日均 3 萬口岸，只係方便人過關返工做貨檢

蓮塘口岸擺明係計錯數低估人流啦，得一條行人天橋連接出面仲要兩邊啲柱霸咗一部份空間，另一邊又要駁商場扶手梯又少

LN9267 發表於 2026-10-18 16:02
皇崗口岸深圳那邊地鐵只有7號綫，而福田有4號綫和10號綫，的確方便一些。

皇崗未來有20同穗深城際喎

jpoon 發表於 2026-10-19 02:26
蓮塘口岸擺明係計錯數低估人流啦，得一條行人天橋連接出面仲要兩邊啲柱霸咗一部份空間，另一邊又要駁商場 ...

冇香港資助兩蚊雞，冇深圳地鐵免費比老人家搭車，冇疫情封關㩒住大家旅遊癮，冇成堆大型超市 (S字頭/C字頭)開幕吸人，冇成堆網媒起勢 sell個新口岸，冇成班村民改啲爛地做停車場，都唔會谷到咁多人啦，粵東加埋貨運本身需求都冇咁大...

重點係，以前過關只係寄件再回程大把人嫌煩，依家大家得閒冇野做就上去轉個圈，計劃點都趕唔上變化。

dennis28a 發表於 2026-10-18 15:45
錯到難晒大譜咪係你地依種諗法

唔方便係現實，係深圳政府一意孤行起新皇崗出黎

咩叫一意孤行？

舊皇崗咁好好咩？過完關又要上車搭去另一邊再過多次關好好玩？
皇崗口岸嚟緊多埋穗深城際同20號綫，舊皇崗跟本唔夠用

蓮塘／香園圍就係深圳力主興建啦，因為佢唔想啲跨境貨車行深圳市中心，所以皇崗要停用，將跨境貨車分流去深圳灣同蓮塘／香園圍

嗱，沙頭角咁少人用都要重建，唔通又係深圳一意孤行？

dennis28a 發表於 2026-10-18 20:09
點解一定要搞一地兩檢？
咁係咪應該港珠澳都轉一地兩檢？

認真咩？幾個關口排隊安檢都要打蛇餅，等緊時間都耐喎，反而新皇崗行兩次都唔駛點排


仲未計羅湖／蓮塘安檢完行／迫去地鐵站時間

dennis28a 發表於 2026-10-18 21:29
其實你今日同琴日無去皇崗
都應該見到今日網上 threads 發生咩事

你星期六日行落馬洲、羅湖過關時間咪仲長


B1落車上到去離境大堂都要2-3分鐘啦

99MAN 發表於 2026-10-18 23:13
其實係，南山雖則冇咩香港人去，但其實加埋前海一帶係幾多嘢玩

點會無咩香港人去


去深圳灣萬象城、海岸城都遇到唔少香港人

jpoon 發表於 2026-10-19 02:55
認真咩？幾個關口排隊安檢都要打蛇餅，等緊時間都耐喎，反而新皇崗行兩次都唔駛點排

你知唔知蓮塘、香園圍口岸起果陣
有一大疊港深兩地文件討論過「一地兩檢」定「二地兩檢」
你又知唔知港深兩地政府當時結論係點？

1.「採用「一地兩檢」運作模式的需要並不明顯」
2.「採用「一地兩檢」運作模式的理由並不充分」
3.「實施「一地兩檢」運作模式可能須徵用很多私人土地，使落實新口岸非常困難及繁複」

我只能夠講，今日由香園圍口岸要變返做「一地兩檢」
係完完全全「今日打倒昨日的我」

邊個同你講「一地兩檢」安檢唔會打蛇餅？
「一地兩檢」需要係閘機同埋安檢要有好長既排隊動線

當日蓮塘、香園圍口岸咁大面積（成 36 公頃）都話無位起
一個新皇崗得 8.75 公頃，你覺得夠能力去消化人流？

所以新皇崗有個特別 SOP，當深圳部 X 光機散唔切人
咪直接減慢北上過境人流速度，然後由香港特區政府自己搞人流管制
即係星期日入面所出現混亂情況

如果你覺得「一地兩檢」可以令到深圳過 X 光機快過其他口岸
簡直痴人說夢，人多其實根本無分別，其實仲要慢左

「一地兩檢」唯一快左，只係排少一次閘機隊

jpoon 發表於 2026-10-19 02:50
咩叫一意孤行？

舊皇崗咁好好咩？過完關又要上車搭去另一邊再過多次關好好玩？

係一意孤行，因為成個新皇崗口岸規劃
香港政府完全被動，完全係被規劃

講緊係深圳政府設計埋北環綫個月台大約位置
特區政府你自己考慮點去起

你口中穗深城際同20號綫
都係 2019 年拍版新皇崗口岸點重建先出現產物

沙頭角重建都係一意孤行呀
你地不如諗下沙頭角起好之後，香港政府要運幾多人出市區
一個初期 4 萬人流，長遠 10 萬人流人口

你知唔知沙頭角口岸重建果陣，
深方已經又幫香港政府劃好左鐵路延伸條件？
所以先要拍板重建？

99MAN 發表於 2026-10-18 22:06
B12呢條路線比九公、城巴求其一間做都唔會垃圾

比九公做可以運用廣福、錦駿苑轉車站駁九龍東、大埔各區、 ...

坐完一次之後我已經覺得唔係邊間公司做嘅問題
係成條線只會出到一個方向嘅客源
佢去嗰啲轉乘點係冇人想轉
去廣福邨，錦駿苑轉出市區點解唔B10去欖轉
玩唔到轉乘就玩點到點
問題唔啲點真的出單向客
下晝5點幾出皇崗離開馬鞍山最慘得車頭3個人