九巴及龍運申請加價

原帖由 dippy 於 2007-9-10 14:57 發表
咁有冇人諗過重新購入AT行走
273,71B,78K,79K等線呢

完全睇唔出
九巴有興趣買得十幾二十個位嘅「巴士」
一定要選擇,九巴寧願cut走條線好過

其實各位版友講o左咁耐, 有無人諗下,
佢上得市, 又買新車(先唔好理 d 車去咩曬命線先)
加上 10 年無加過(對岸加o左 1 次定 2 次 ?? ),
averge 都係加得 $ 0.5 姐, 咪比佢賺囉, 點會加 9 % 呢, 放下風o既姐佢
(當然佢某 d 路線o既服務水準係點就........., 至少起碼仲可以有選擇先)

原帖由 咖喱 於 2007-9-11 02:02 發表
其實各位版友講o左咁耐, 有無人諗下,
佢上得市, 又買新車(先唔好理 d 車去咩曬命線先)
加上 10 年無加過(對岸加o左 1 次定 2 次 ?? ),
averge 都係加得 $ 0.5 姐, 咪比佢賺囉, 點會加 9 % 呢, 放下風o既姐佢
(當然佢 ...

強烈要求九巴取消上市,歸入新鴻基旗下股份,改善服務.

雖然一直不太喜歡九巴的運作模式，包括班次、
車務調動與及路線制定，但今次加價我並不反對，
說實在，眼見幾年來油價由廿幾蚊升到現在七十幾
美元一桶，漲價三倍，九巴現在才提出加價相比起其他
機構已經是很有禮貌，假若是賣油的公司，若是要他們
遲一點調高價錢，可能他會跟你死過，而且距離上一次
加價已經有十年以上，就算真係加9%亦唔算太過份，
當然有人會覺得通縮時沒有減價，通漲時加價好不合理，
但我相就算03年減左，04、05、06年都加返唔只一次。

補充一點，通漲來了好久是事實，麥記呢一兩年唔覺唔覺
都加左幾次價，加加埋埋比率都唔少，行去超市睇下，
好多罐頭加幅都唔只10%，出前一丁都由$2.5加到$3.2，
比起9%，這些加幅更是驚人，況且我相信最終都係加到4-5%，
加得果一個幾毫係咪真係要反對呢？

原帖由 32 於 2007-9-11 13:58 發表

眼見幾年來油價由廿幾蚊升到現在七十幾
美元一桶，漲價三倍，九巴現在才提出加價相比起其他
機構已經是很有禮貌

我想問：油價佔九巴運作成本多少？
油價大升後，九巴多了多少支出？少了多少盈利？

而且距離上一次
加價已經有十年以上，就算真係加9%亦唔算太過份，
當然有人會覺得通縮時沒有減價，通漲時加價好不合理，
但我相就算03年減左，04、05、06年都加返唔只一次。

先不說可加可減制，計算加價幅度時為甚麼要和通漲/通縮掛勾？
不是應該著眼於成本嗎？

補充一點，通漲來了好久是事實，麥記呢一兩年唔覺唔覺
都加左幾次價，加加埋埋比率都唔少，行去超市睇下，
好多罐頭加幅都唔只10%，出前一丁都由$2.5加到$3.2，
比起9%，這些加幅更是驚人

你覺得這樣比較完全不同的東西合理嗎？
難道豬肉加價九巴就要加價？

加得果一個幾毫係咪真係要反對呢？

討論加價，不是應該談合理性嗎？
如果不合理的話，一個仙也不應該加。

我不是反對加價，但請各位更客觀和合理地討論，
不要說甚麼麥當勞加價九巴就應該加價。

1) 我只可以答：我又不是九巴，你問我，我問邊個???

2) 我沒辦法知道成本，相信大部份人亦不會知道吧，
如不跟據通漲/通縮，那你認為應跟據什麼？

3,4) 我沒有說某一樣物品加價九巴就應該加，
我只從通漲方面想，如果大部物價包括豬肉都上漲，
而九巴員工又因為公司加價失敗導致沒法加薪，
到最後反對加價究竟是制裁九巴，還是制裁那些員工？
如果你是他們一份子，你會堅持現有想法嗎？

好像我說什麼你也覺得不合理，
那我想聽聽你的見解，看看怎樣才算合理

[ 本帖最後由 32 於 2007-9-12 01:28 編輯 ]

原帖由 virus 於 2007-9-10 20:09 發表


如果依然維持返巴士既班次，
換咩野車都無用。

養一架只可行指定路線的小載客量巴士，
其成本效益並非想像般高。

養一堆小巴，即係同專線小巴惡性競爭。最慘係本身果邊Ｄ小巴都係
繁忙時間先多人，非繁忙時間其實都係車等人…

俾著我係九巴，開架小巴都係冇乜肉色，仲要浪費自己既 quota 買架
唔等駛既車，不如將條線送俾小巴算數啦…

原帖由 32 於 2007-9-12 01:25 發表
1) 我只可以答：我又不是九巴，你問我，我問邊個???

2) 我沒辦法知道成本，相信大部份人亦不會知道吧，
如不跟據通漲/通縮，那你認為應跟據什麼？

3,4) 我沒有說某一樣物品加價九巴就應該加，
我只從通漲方面想，如果大部物價包括豬 ...

多口插咀
1) 當然我們不清楚實際相差有幾遠，只是即使原油價上升三倍，
也沒見到香港電油/油渣價格同樣升三倍。

2) 這個要問九巴了，何解通縮時不跟通縮，通漲時跟據2%的數字
申請加幅高4.5倍？

3,4) 反對加價等於與員工為敵？10年冇加價，人工一樣試過有得加。
申請加9%，難道人工又會加這麼多？

況且，作為公用/專利/寡頭壟斷的行業，可以和快餐店比較嗎？

[ 本帖最後由 pochi 於 2007-9-12 02:00 編輯 ]

1) 我沒有留意電油/油渣價格，所以只能從油價升幅去估計，
不過就算電油/油渣升幅沒跟貼油價，升幅相信亦不會少到那裡。

2)通縮時不跟通縮明顯係之前政府無政策所至，
至於今次話加9%我相信只是一種姿態，開天殺價，落地還錢，很正常吧，
況且，既然佢講得出9%，相信會有我們不知道的理據。

現時我們能看到的，就是一頭半個月就會出一、兩次某某路線調整班次，
加班雖然有，但絕大部份都是減班，係節流，定係有生意唔做？
很多蝕錢路線取消不得，皆因區議員唔肯放，但他們又要求開新線，
運輸署亦要保鐵，巴士公司的處境真的如想象中好？

3,4)十年無加價，人工都試過有得加，這可能之前收支尚可維持，
不過若今次提出了加價不獲通過，我相信將來一定成為不加薪的借口；
這個很難講，如果政府真係咁奇加足9%，佢加足9%人工亦唔算一件奇事。

我只想說出既然大家能接受其他物價上漲的同時而不容許巴士加價，
究竟係針對巴士公司定係從客觀層面看他是否應該加價，
當然他是專利巴士公司，應該有多少社會責任，但同時他也是一間私營公司，
若然沒有錢賺，試問誰願意做，難道要減價補貼甚至免費才算合理？

原帖由 pochi 於 2007-9-12 01:59 發表


況且，作為公用/專利/寡頭壟斷的行業，可以和快餐店比較嗎？

如果麥當勞獲政府免舖租,
有稅務豁免, 或者可以同九巴比較o既