九巴及龍運申請加價

原帖由 Mahoumatic 於 2007-9-8 16:38 發表


九巴唔係褔利機構，無義務做蝕本生意。

非常認同！
如果我係九巴老闆，投資咁多個億先得個少少return，俾我都退兵喇！
難怪當年顏氏無心戀戰

原帖由 Mahoumatic 於 2007-9-9 00:38 發表

不妨再諗一諗兩個問題：
- 拆細左專營權/無左捆綁式專營權，重有無人做Rt. 51
或者每程收少過HKD 3之類既線？

定係有 D 確實已經唔應該存在？
問心，我地呢度有幾多人搭過 51？

(當然，呢句擺明火燒後欄，
因為 238M 同 38A 八成係你講既範圍之內，
但至少當年 238M 都做到風生水起...)

原帖由 Mahoumatic 於 2007-9-9 00:38 發表

- 如果非法村巴同紅小唔可以做到超速行車以及唔可以
隨便上落客，你估重有無團體接黎做？

限制係死既，人係生既。
我唔係話佢地會公然漠視法紀，
譬如華富紅小用法定速度、唔隨便上落
(其實隨便上落先至最慢)，都快過新城多多聲。

原帖由 Mahoumatic 於 2007-9-9 00:38 發表

我唔敢講九巴響成本控制做得好好，但若果
交返九記既線俾其他人做，
1. 又要跟歐四，
2. 又要俾到車長足夠工資和休息，
3. 又要跟法例車速，
4. 又要派車派到人人上到車，
5. 又要跟足班次和quota（不多不少），
6. 又要只係收加左9%之後既九巴車費，

唔好話D擺明蝕本既線，就算係 D 好睇唔好食既線（例如33A），
我敢講，都一定一係無人接，一係接左都要蝕做。

首先第六項直情「不如」，即係當佢無得咁收錢先...
因為個收費準則本身有問題...

第一項好多村巴都有遵守，而且佢地無免稅柴油，
成本應該仲高 D 先係，但唔少仍然收平過巴士，
變相證明到第二項本身係有 D 問題。

第三項頭先講左，
第四項正正係小巴 / 非法村巴做到，九巴做唔到。

第五項又係九巴做唔到在先...
而家已經周街有人話九巴成日自己收車，
頭先又親身經歷巴士脫班 (雖然小巴都一齊脫)，
三來仍然係果句：限制係死既。
甚至加大村巴其實都係減輕佢地佔用多餘 quota。
(我傾向將村巴同專利巴既佔用路面情況合併計算)

仲有一樣：佢地可以唔上市、唔似九巴要睇股民眼色。

講到尾，我唔係反對九巴加價，但個服務係咪值得加？
我個答案頗為否定。雖然好似 238X 呢 D 十五年無加價既線，
只加五、六毫，拉勻都只係「討債」...

突然想到一個問題，睇晒咁多版都好似未提及。

九巴加價，咁d隧道聯營線點搞？   
一係一齊加價，一係一齊唔加，絕對冇可能因唔同時段搭要畀唔同車資...

原帖由 238X 於 2007-9-9 01:02 發表
第四項正正係小巴 / 非法村巴做到，九巴做唔到。

補充的問一句，你係咪真係覺得小巴 / 非法村巴
響非繁忙時間，收返九巴個價，都可以做到九巴時間表個班次先？
如果有人做得到，我都舉腳贊成九巴快快交返個專營權出黎！

原帖由 4056 於 2007-9-9 01:10 發表
突然想到一個問題，睇晒咁多版都好似未提及。

九巴加價，咁d隧道聯營線點搞？   
一係一齊加價，一係一齊唔加，絕對冇可能因唔同時段搭要畀唔同車資... ...

我覺得似第二個情況...
不過獨營線好似要加，因為《明報》有講 968 加幅...

原帖由 4056 於 2007-9-9 01:10 發表
突然想到一個問題，睇晒咁多版都好似未提及。

九巴加價，咁d隧道聯營線點搞？   
一係一齊加價，一係一齊唔加，絕對冇可能因唔同時段搭要畀唔同車資... ...

以往就係你講既兩個情況之一，因此這亦有一半正是新巴/城巴可以大大聲
講自己無計劃加價既原因—九記加，隧道線如果加，兩間公司間接得益。
老實講，新記/城記所有港島線新算加價，以近九成都係蝕本線計，
加左都無咩幫助，只會過更多既客俾地鐵、電車同紅小。

原帖由 Mahoumatic 於 2007-9-9 01:11 發表

補充的問一句，你係咪真係覺得小巴 / 非法村巴
響非繁忙時間，收返九巴個價，都可以做到九巴時間表個班次先？
如果有人做得到，我都舉腳贊成九巴快快交返個專營權出黎！ ...

調返轉頭，又係咪值得開咁多車呢？
(如果係的話，新巴就唔會成日搞呢樣又搞果樣...)

有時開得車多唔係叫服務好...
只不過個人認為九巴、村巴、小巴而家都係
係唔適當時候做唔適當既事。

原帖由 238X 於 2007-9-9 01:18 發表


調返轉頭，又係咪值得開咁多車呢？
(如果係的話，新巴就唔會成日搞呢樣又搞果樣...)

有時開得車多唔係叫服務好...
只不過個人認為九巴、村巴、小巴而家都係
係唔適當時候做唔適當既事。 ...

好多非法村巴"幫手"o既線線如268B,268C等非繁時都開緊成15分鐘一班,
平均 50-60 個客公路, 你話算唔算多車?
咁果時又唔見非法村巴幫手, 係繁忙時間先走出黎?

原帖由 EE9255 於 2007-9-9 01:24 發表

好多非法村巴"幫手"o既線線如268B,268C等非繁時都開緊成15分鐘一班,
平均 50-60 個客公路, 你話算唔算多車?
咁果時又唔見非法村巴幫手, 係繁忙時間先走出黎? ...

我只想講一句：有更多線非繁時載緊空氣。
(P.S. 此情況唔止適用於九巴)

原帖由 4056 於 2007-9-8 23:06 發表


以小弟公司為例，加薪幾多係以入職時既title同埋年資計算，多勞多得，唔會隨住通賬通縮而改變。而花紅方面，亦唔太會因ge通賬而有所改變。

唔係所有公司都會因通賬而加人工，無論係一個月定一年加$1000...都冇

九巴咁大規 ...

觀乎九巴是次申請加價的理由不是通脹吧!
原因是成本上升但收入未有隨之增加,與規模沒有關係
除了油價,還有隧道費,最受影響的是九巴
我認為九巴有理由加價,只是幅度太大了,
但是這跟工會跟公司議價的情況差不多

要說九巴貴也找個好的做對比吧!
你用的例子跟無理反九沒兩樣
城巴48號不錯是收$3.0; 九巴296M也是$4.2
單看這兩條路線是296M比48貴四成
但是它們的行車里數分別是6.1公里和9.8公里
296M的行車里數比48多出一半也不止
你想說港島人比較富有?

[ 本帖最後由 hjhj 於 2007-9-9 01:46 編輯 ]