南記頂爛市WOR...

原帖由 hksf 於 2007-9-25 22:24 發表



962系有大量非低地台巴士(近10年車齡)
一樣大把人捧場

962都好盡量中新車行，繁忙時間主要用半客車版Trident行962P，
初初唔用2232-2261批車，近來都用埋，
如果城巴當年唔係諗住全面奪取港島區的專營權，你估佢想唔想換新車呢？
仲有962批6頭豪真係好廢，如果俾我寧願要4字頭那批車。

仲有乘客唔係唔想坐新車，962成功的原因，可能係城巴本不該絕掛.......
我同我老婆放工，在中環想搵部碼頭村巴都好難。
村巴本身多數係圍攻屯門市中心的市場，屯門市中心本身係一個客倉。
現在主要係經屯門市中心往蔡意橋至大興良景及建生成為主幹，
其次間中可能會搵到經屯門市中心及豐景園，跟住一部分去屯門碼頭，一部份去山景。

仲有唔知係唔係好邪，我老婆上過兩次環球大廈至屯門碼頭非法村巴，
一次在中環臨開車先抄牌，在中環罰坐左九個字。
一次去到安定村抄牌，成車人落哂。
所以佢轉左去搭X962，但係X962都有時脫班脫得好誇張，
星期一當日，無左一班18:40的班次，我到18:50排隊時，
條龍排到永隆銀行門口後調頭後，已經去到環球大廈。
反而960A就沒有脫班。

不過，我就唔敢諗係唔係當中有甚麼特別政府監管問題，
不過可能因為非法村巴營辦商知道經屯門市中心才有利可圖，
如果直接開往屯門碼頭唔經安定友愛，班次可能要較疏，
但班次上一定唔夠城巴密，因為城巴有黃金海岸幫補客量。
但經安定友愛，塞一塞屯門市中心，又唔夠962快，
所以好少營辦者搞呢條線。加上環球大廈門口長期有差佬駐守。

原帖由 AVW56 於 2007-9-26 07:17 發表


同意

乘客最著重的係班次同行車時間
呢兩樣野同普通乘客先有最切身的關係

對普通乘客而言, 車型新舊與否唔太重要
只要內龐唔太殘冷氣足夠便ok


特別係大西北居民
當年屯門公路時代
咩野殘車未搭過
大西北居民根 ...

未敢認同，坐得巴士的人，有好多人都好厭倦3+2座位的巴士或村巴，
俾個OL同個地盤佬坐，個OL落車係度係咁話自己當黑，
呢種情況幾乎一個禮拜都肯定有聽一次。
內籠係一個問題，呢方面，城巴拍馬追唔上九巴。
城巴近來才有返少少改善，但唔知點解城巴舊蘭及舊豪永遠都有一種怪味，
唔同九巴新車的味道......（九巴新車就係有那一種坐椅質料的味道）

一朝早962P成行成市，因為村巴班次唔夠多，
講地利，962P行經地方，每個屋苑一條村巴線，都係得兩班左右，
富健花園有一條非法，新屯門中心一條合法，兆山苑一條，湖景村一條，
邁亞美一條，悅湖山莊一條......頂盡都無十五班車。
而且運輸署又限制村巴出牌，城巴又能夠用盡佢可以有的資源。
962P真係服務得好，但係村巴都係一樣爆。
服務質素本身都好關係到乘客需要。
即係你可唔可以叫返屯門班客坐熱狗過海一樣，就算俾架3+2後備車，
佢地都未必上，班次密的話咪等下班囉。

其實城記做到咁密,邨巴好難打得入屯碼

即使入到既都只係食到962X既時段,仲要都只係用廿九座...