我早3日係大埔某7仔增值100,個店員唔收我500,要我比現錢

如果真係有心玩o野，我就會企硬，話只係得張五百！冇散紙~

雖然我冇做過七仔，但係理論上作為公司當然係應該先收錢、後俾貨品/服務，
即係先收錢，後幫客增值。

而家佢唔肯收我錢，我作為顧客大可以唔增值去第二度增~
佢「偷步」幫我增值係佢問題，
我未俾錢就夾硬俾o左服務/貨品我，之後唔係我唔俾錢，係佢收唔到我錢。

論蝕底，係佢蝕，佢真係唔收張五百蚊，你大可話唔增兼走人，
佢幫你增o左值(假設 冇得退返)都冇計，最多佢自己要俾返一百出o黎貼…

原帖由 virus 於 2007-10-9 21:38 發表


唔好做孑民，
職員拒絕接受懷疑有問題鈔票同弄錯增值金額是兩回事，
前者絕對合法合理，後者涉及顧客服務「聞過」，不可混為一談。

樓上有人話去7-11增值有得取消，
但據我所知只係用一個「唔見得光」既手法「修正」 ...

我都有在7仔職員的角度想過,但佢好話唔好聽增錯值, 佢程序上係錯
佢遇著我,算佢好彩,我冇去企硬
可能馬會好快認到張大牛係真,我就更加慶
奉勸各位渣住大牛金牛小心d

小弟曾經係油麻地某便利店買野時，遇見以下情況：

有位男士拎住張大牛，話要增值 $200，點知個 staff 一噤就噤左三個 $200，
變左增值 $600，跟住個男士拍卡，「0都」一聲搞掂，
個 staff 先至知道錯左，係咁問個男士銀包入面仲有冇錢。
個男士拎埋個銀包出黎，開俾個 staff 睇，入面得番一張廿蚊紙，
（因為我正正企係個男士後面等買野俾錢，所以睇得咁清楚）
個 staff 就開始騰雞喇，問另一個 staff 點算好，但係佢都唔知。

我見咁既情況，都唔知要等幾耐，就索性唔再等，擺低要買既野走人。

果次我都想知間便利店應該之後要做咩。

原帖由 da54 於 2007-10-9 13:11 發表
我曾經聽過有七仔職員話內部有指引，
一定要先收錢，先可以幫八達通增值。

我諗呢點係唯一的問題。

無錯..
的確係有講過話先付款後增埴..~
我有個同事試過叫一個阿叔介唔介意比左錢先增..
結果比個阿叔鬧到阿媽都唔認得..~
個阿叔話"我間間都係咁架啦..係你咁麻煩..驚我走左你既咩!!?"

正常程序都係比左錢先..
好似樓主件事咁..
萬一係增之前發現張500有問題..
[係有問題..唔係假~如果佢話你係假錢而最後証明左張銀紙唔係假..個員工就會變左拒收...呢個係之前經理同我講..]
都可以即刻問個客比其他錢..
無錢既話大不了都係CANCEL單生意~


PS~:順便講埋比樓主知..如果你真係得果張500係手..又増左既話呢..
都唔係無辦法既~不過個店員要做多少少野lu..
佢可以先過一張$100電話卡..然後係你張8達通扣錢...[即係你張8達通餘額變番未增之前]
然後再退番張$100電話卡,取回現金[抵消番幫你增埴果$100RU.]

其實樓主可以要求退款...係張卡度扣返一百，樓主又唔會蝕左一百
蝕只係蝕間七仔...因為佢變相做多一個transaction，8仔公司會扣多佢一次手續費

另外呢...果位店員其實係咪將張大牛反轉左黎照？
呢D大紙好似得一邊有500字樣既水印...

[ 本帖最後由 LA16-3ASV465-51 於 2007-10-10 11:05 編輯 ]

原帖由 LA16-3ASV465-51 於 2007-10-10 11:00 發表
其實樓主可以要求退款...係張卡度扣返一百，樓主又唔會蝕左一百
蝕只係蝕間七仔...因為佢變相做多一個transaction，8仔公司會扣多佢一次手續費

另外呢...果位店員其實係咪將張大牛反轉左黎照？
呢D大紙好似得一邊有500字 ...

最新果隻係一邊有500字
一邊有螢光纖維

原帖由 CPY 於 2007-10-10 09:57 發表


我試圖再次理解站友gn3509的回文。

簡單來說：

(1) 職員沒有按既定程序，先收錢後才增值。

(2) 職員沒有認清楚大牛的真偽。

如果第一個程序正確，職員之後便會出現(2)的問題。

若此時職員拒收，而樓主堅持所付之現鈔 ...

這７仔有紫外燈機，只係７仔職員唔識睇水印，去到馬會一照紫外燈就知係真
職員有認清
我最衰趕時間，否則７仔職員會好麻煩

chicken bus兄講的case,應該等出面的經理來攪,不過個男人要等好耐

LA16-3ASV465-51兄，你所講即是７仔只蝕手續費？
個職員有可能反轉張大牛照，睇不到水印就唔收　

七仔以前果款收銀機增值仲有個漏洞, 係有一次我響某間七仔增值時發現的, 當顧客過卡成功增值後, 在數秒內按取消交易掣, 就可以幫顧客增值之餘, 收銀機亦無紀錄.

最衰我冇證據, 唔係我實報警.

跟住不久後就換左新收銀機, 個漏洞都相信......