怎樣可以減少紅隧塞車及增加西隧的使用量？

原帖由 pakchi70 於 2007-10-13 22:08 發表

用得西隧點都要經中環先過得返去紅隧出口附近嘅地方
咁樣設計法咪最多吸引啲中環以西嘅人用西隧

如果以港島北岸來講是對的，但以港島南區就未必了。雖然海洋公園至赤柱一帶，它們都是中環以東的，最近的海隧也是紅隧；但如果由海洋公園或赤柱經西隧過海，並不一定要經香港仔隧道和中環，也可以經香港仔中心及薄扶林來避開市區的塞車，就像城巴 973 號隧巴一樣。

原帖由 Ka-Lun 於 2007-10-19 11:11 發表


但上班繁忙時間東區走廊入灣仔／中環的龍尾在哪裏？是不是北角和富中心？

東往西的車龍.
係關過隧道事..

入中環通常都係慢車..

原帖由 hk_ayu 於 2007-10-14 19:21 發表
4 號幹線會唔會舒緩到南區交通我唔知，
但反而一定會generate更多新增車流量

其實新公路本身並不會直接增加車流量。真正會增加車流量的，應該是市區或新市鎮的發展。不過新公路和新鐵路會鼓勵相關地區的發展，因交通方便了，自然會吸引居民搬入，也會吸引不同公司進駐，因而會增加往返該區的交通需求，所以新幹線及新鐵路只會因新發展而間接增加車流量。

雖然香港在這幾十年來已有很多的公路和鐵路落成啟用來疏導交通，為何香港的交通反而變得愈來愈擠塞？這是因為市區和新市鎮的發展速度快過交通網絡的擴張。只要交通網絡的擴張快過市區和新市鎮的發展，交通情況就會得到紓緩。

原帖由 hk_ayu 於 2007-10-14 19:51 發表
西隧唔係剩係服務西九龍架，
深水埗、荃灣、葵青、大嶼山、屯門、元朗、天水圍都係西隧的服務對象，
但哩d地方d人出港島都係搭地鐵巴士，
唔似紅隧要服務蚵氓填、狗聾塘、貸子道西、嘔吐山等等哩d私家車重災區 ...

不但只九龍新界有這現象，就算港島區的渣甸山、跑馬地和司徒拔道等的私家車重災區也是近紅隧的。西隧的服務對象也包括西環、置富及華富等，但這些地區都是比較依賴公共交通工具的。

原帖由 Ka-Lun 於 2007-10-20 12:36 發表


其實新公路本身並不會直接增加車流量。真正會增加車流量的，應該是市區或新市鎮的發展。不過新公路和新鐵路會鼓勵相關地區的發展，因交通方便了，自然會吸引居民搬入，也會吸引不同公司進駐，因而會增加往返該區的交通需求，所以新幹線及新鐵路只會因新發展而間接增加車流量。

雖然香港在這幾十年來已有很多的公路和鐵路落成啟用來疏導交通，為何香港的交通反而變得愈來愈擠塞？這是因為市區和新市鎮的發展速度快過交通網絡的擴張。只要交通網絡的擴張快過市區和新市鎮的發展，交通情況就會得到紓緩。

這是對的,
但新公路本身係會吸引更多人駕車,
好多有錢人依然選擇鐵路上班就係要迴避塞車,
如果道路供應多左暢通左,
肯定會多左比例嘅人揸車,
任何駕車比例的上升都係不可接受

新鐵路落成引致地區發展而間接增加車流量,
整體私家車流多左但駕車比例係不變甚至下降的,
我地應該著眼駕車比例而唔係駕車數目

用新公路減少塞車係斬腳扯避沙蟲,
因為塞車可能冇左但駕車比例卻多左

[ 本帖最後由 hk_ayu 於 2007-10-21 08:47 編輯 ]

原帖由 Ka-Lun 於 2007-10-19 12:42 發表


如果以港島北岸來講是對的，但以港島南區就未必了。雖然海洋公園至赤柱一帶，它們都是中環以東的，最近的海隧也是紅隧；但如果由海洋公園或赤柱經西隧過海，並不一定要經香港仔隧道和中環，也可以經香港仔中心及薄扶林來避開市 ...

如果經香港仔+薄扶林
里數同時間相對長左

如果係薄扶林係快,973 唔會用左超過2/3 時間用左係港島路段.

我相信紅隧就算塞晒車, 都已經過左海而且到埋尖沙咀啦。

就算我要行西隧, 用薄扶林去西隧里數都比行香港仔隧道再出中環長...

原帖由 FAST 於 2007-10-25 14:00 發表

如果經香港仔+薄扶林
里數同時間相對長左

如果係薄扶林係快,973 唔會用左超過2/3 時間用左係港島路段.

我相信紅隧就算塞晒車, 都已經過左海而且到埋尖沙咀啦。

就算我要行西隧, 用薄扶林去西隧里數都比行香港仔 ...

其實一個好重要嘅原因係南區同西區之間無一條
好似香港仔隧道咁直而又無交通燈嘅路做連接。

點講都好，薄扶林道唔係高速公路呀...

問題,點解有板友要迫人搭車唔比人楂車?
點解有板友要針對私家車車主?
點解D人唔諗下一D屋企門口仲要繁忙時間等緊
三四個字一班車出去只係為左轉車仲要唔係架架
都上得到?

我覺得一樣野,
係人都會揀一個方便自己既方法去番工或者出街,
地球污唔污染亦唔係單單係私家車形成!
睇左咁耐,只係見到一D自私想法!
唔係個個一落街就有大量交通公具等你!

言歸正傳,當要減少紅隧負荷時,
西隧私營轉為公營,劃一收費
某D時段內對某D車種做一D優惠
西隧既然已經蝕緊錢,
就應該要做一D事黎吸引人!
肚餓唔係度嗌就有飯食!

原帖由 CZ_6686 於 2007-10-27 12:28 發表
問題,點解有板友要迫人搭車唔比人楂車?
點解有板友要針對私家車車主?
點解D人唔諗下一D屋企門口仲要繁忙時間等緊
三四個字一班車出去只係為左轉車仲要唔係架架
都上得到?

我覺得一樣野,
係人都會揀一個方便自己既方法去番工或者出街,
地球污唔污染亦唔係單單係私家車形成!
睇左咁耐,只係見到一D自私想法!
唔係個個一落街就有大量交通公具等你!

唔知仲以為你講緊外國
香港新市鎮/市區有邊d地方嘅接駁線係繁忙時間三四個字一班兼冇其他選擇??


住郊區揸車可以理解，我一向唔係針對哩班人；
我係針對一d 新市鎮←→市區、市區←→市區都鍾意揸車返工嘅人


全球溫室效應50%成因係私家車，
如果新市鎮←→市區、市區←→市區都死要揸車返工，
唔係自私唔通係偉大??

原帖由 238X 於 2007-10-26 23:01 發表


其實一個好重要嘅原因係南區同西區之間無一條
好似香港仔隧道咁直而又無交通燈嘅路做連接。

點講都好，薄扶林道唔係高速公路呀...

南區人口唔係多，
冇需要2條高速公路咁多

建議將香港仔隧道2個行車方向各設一條全日公交專用行車線，
好讓搭公交的大眾可以免受揸私家車的小眾阻塞，
唔想塞車嘅唔該搭公交，
仍依戀私家車的就唔好意思喇

同樣措施可以放落紅隧/獅隧度

[ 本帖最後由 hk_ayu 於 2007-10-27 15:29 編輯 ]