一架小巴載十九人(不計司機)?!

我最盡果次試過一架綠小坐23人, 係十六年前金煌某架車.

當然係16個坐座位, 7個踎在通道.

我在馬場工作
試過凌晨三時半
放工坐落馬州-觀塘紅小
在馬場上車回觀塘
由於個個都歸心似箭
等呀等，車來了，可是只有數個空位
有幸我成為了第十七個乘客(我坐車尾中間梳化)
最後小巴載了廿一個乘客(連司機共廿二個)
以時速八十多九十左右向獅隧疾馳
沿路好快，好飄，由於我坐梳化，轉彎時感覺屁股快要飛出去，讓我直冒冷汗
最難忘的還是出獅隧後，在天馬苑對出的龍翔道一路向下衝..........
感覺比坐過山車還要刺激
那一次真是經典

哈哈   而家落馬洲紅小無咁多人坐
我走o個時仲打去mark定位
馬場返觀塘

原帖由 papajelly 於 2007-10-19 03:55 發表
我在馬場工作
試過凌晨三時半
放工坐落馬州-觀塘紅小
在馬場上車回觀塘
由於個個都歸心似箭
等呀等，車來了，可是只有數個空位
有幸我成為了第十七個乘客(我坐車尾中間梳化)
最後小巴載了廿一個乘客(連司機共廿二個)
...

小弟都坐過西貢<-->觀塘紅小
小弟又係做第十七個乘客(坐車尾sofa)
喺鄭植之嗰個成個人飛去左邊最尾嗰位度
真係似坐緊過山車

我試過坐606S 係屯門未到市中心前上左19個客

去到屯中落左就冇超載

我今早坐中環專線55, 有一小段載左17個人, 因為有個客上車拍卡後冇位......

好多年前我仲讀小學果陣試過翠林斜路炒車全封，當時我坐架校巴上唔到山
結果個跟車阿姐就上山搵晒d人一齊坐13小巴返學
仲記得果陣時16個位坐滿之餘成條通道都係企左人
而家諗返起，唔知會唔會同當年DBay果四架Shopping Rosa頂閘時差唔多Feel

仲有一個月之前成班麻甩佬搭埋某人既女友共十七人入石澳玩
出返泥果陣，全場最輕既我就去左坐車頭膠箱
諗住可以一路飛出筲箕灣，點知石澳道撞車
司機就叫我去後面，又叫個身型最矮小既屈埋o係車尾單丁位果度
但最終個司機就叫我地行前去轉第二架紅小返出去
今次我就正正常常咁坐啦，難為有兩個人要坐同一張單丁位（定唔知係咪坐大脾啦）

另外, 海下果條小巴線經常都被迫超載, 咁樣都係冇辦法中既辦法

小巴超載不時都有，我坐過門口樓梯，因為太平門張梳化仔同engine蓋已經有人坐了。