家陣d 巴士司機係咪無懼俾人投訴既呢？

原帖由 HY671 於 2007-12-5 09:17 發表


呢果係個人品格問題，事實上如果出黎打工有咁既性格，
打乜野工都唔會做得長。

可能果d後生車長仲算係未定性, 屋企又唔等佢開飯
最多就唔做, 自然就唔會受你氣, 惡過你都仲得
不過我覺得一間大公司整頓一下員工士氣都好緊要, 我見而家果批年資長既車長,
傾開自己公司都唉聲嘆氣, 有d車長仲同我講話而家對公司冇咩歸屬感, 做得一日得一日

唔知路人兄返工會唔會日日都抱住"做得一日得一日"既心態, 咁大
間公司咁多員工, 人人品格唔同, 但愈來愈多員工都係咁諗的話, 間
公司響士氣方面都好有問題

原帖由 葵盛東居民AMN36 於 2007-12-5 10:34 發表
唔知路人兄返工會唔會日日都抱住"做得一日得一日"既心態, 咁大
間公司咁多員工, 人人品格唔同, 但愈來愈多員工都係咁諗的話, 間
公司響士氣方面都好有問題...

我做工既地方都有咁既心態既員工，但大部份都以「不搞事、不多事、
不理事」為「工作目標」，但其工作表現絕不等於「搏炒」。

以本文幾個違規表現來說，部份不止是做得一日得一日，而似係搏炒。

[ 本帖最後由 HY671 於 2007-12-5 11:47 編輯 ]

司機和乘客永遠是對立的.....!
你投訴得個司機,除非你以後不坐他揸的車...!
否則個司機以後日日都玩你....!
試過某一線頭班車,每個師兄都先被投訴行得快....!
之後這班師兄用正常時間行車,結果每日又被某乘客罵和投訴班師兄行慢咗3分鐘....!
最後班師兄每日見到這名乘客坐車就行慢超過15分鐘.....!
班師兄還對該名乘客講:「我就到總站收工喇,你趕時間返工我唔趕!你趕時間就坐通宵巴啦!!你坐得呢班車我就日日玩嘢....!」
聽聞這名乘客坐這班車也不敢出聲!

原帖由 ej4474 於 2007-12-4 02:14 發表
個案1 & 2 是可以避免發生的,正如樓主開題時所言,樓主的親戚唔熟路,
點解唔早一些同你的親戚作一些簡介及俾地圖用作參考.
把目的地既資料清楚地講一次等佢有些少印象:如附近有啲乜野大廈或公園.
因為當車長有時答又 ...

其實之前我都教過佢既
不過佢實在對青衣唔熟
所以一見到一個類似巴總既地方
都不其然懷疑自己到左步未

其實佢都算醒架喇
識得問司機
(雖然個feedback... )
我更識得唔止一個人
搭44入青衣都當左長安巴士總站係青衣村巴總添呀！)

原帖由 CTBVolvo637 於 2007-12-4 10:34 發表

6號那case 根本就係d 親戚錯!!!

人地一早落車你唔落係要個司機關門先至話
我要落車!! (遲講就係遲講錯啦!!!)  嘩...呢d咩理論黎架....
仲話要投訴....你投咩訴0者...
自己唔0岩仲度嘈生晒.....

仲有1號個Case ,
自己搭車之前有責任看清楚
路線資料紙 , 及車上留意報站

個報站咁大聲冇理由聽唔到卦...

係又port唔係又port 真係打橫黎...

個司機0岩架 , 道理在自己度

你咪port 囉...怕你??!!!

有樣野真係好對唔住
我唔記得左話當時我親戚係有按鐘既

不過... 我想問閣下使唔使用咁既反應黎回應呢？
我有感無啦啦俾人鬧喎...

仲有我想逐點講講你所講既野
我親戚要投訴
主要係個司機「回應」佢地既態度
真係問佢地野(兩單一齊講)
使唔使咁先？
(第二單個司機淨係俾阿婆上車而唔俾佢地落車
佢地反而係對個司機當佢地冇到
比起佢唔開俾佢地落車更不滿)

路線圖問題
老實講我班親戚全部上哂年紀
最細果個都五十幾
仲要個個有老花
叫佢地睇乳豬紙咁細粒既字
就真係要佢地準備定老花眼鏡
叫佢地上車睇
老友... 唔係個個人上車都可以細心閱讀而唔暈車浪架...
不過你話每個乘客都有責任上車前睇清楚路線圖
就算呢一點真係成立
(其實我都部份贊同既)
但係問個司機有關果條線既路線
唔係咁都有錯呀話？
咁都要俾人鬧？
仲有6號果個case
我d 親戚淨係知佢地要去既大廈
而唔知果度係響邊條街
家陣d 乳豬紙都唔係座座大廈(甚至條條街)都有寫明啦
唔係要我班親戚查哂地圖先出門口呀話？

你話架車開緊既就話唔可以同司機談話o者
但係架車停低左都唔問得？

車上既報站呀話...
一黎唔係個個報站都係有聲
有聲亦唔係個個清楚
而且報站器既準確性有幾高...
我至少試過搭兩次車
都可以報左唔係果條線既路線囉
(一次41A變42，一次92變98D)
而且報慢報快既次數亦係有排數

請問又點解要講到我親戚好似錯哂咁先？

(註：本人絕非挑起罵戰
我只係對板友既批評作出反駁)

原帖由 dicksonboy 於 2007-12-4 12:21 發表


同個司機講：我真係唔識字架！你可唔可以話我聽你個名同員工編號?

我個親戚真係答佢「我真係唔識字架！」
不過佢係得到以上所講既態度先至咁答
(查實識唔字同識唔識路又有乜野關係呢？)

但佢果陣冇咁醒
唔曉得抄低員工編號同車牌

不過之後我就教佢下次再遇到咁既情況就記得咁做
結果去到第二個case佢就識做喇
(其實其中一個親戚係兩個case都有涉及)

總括黎講
其實我d 親戚都唔係話想搞大件事
佢地只係針對個司機態度先至投訴o者
碌車、開快車、衝燈、架車冇冷氣/太凍、roadshow太嘈/冇得睇呢d 野
佢地都話知你

原帖由 Ketsu 於 2007-12-5 21:08 發表


其實之前我都教過佢既
不過佢實在對青衣唔熟
所以一見到一個類似巴總既地方
都不其然懷疑自己到左步未

其實佢都算醒架喇
識得問司機
(雖然個feedback... )
我更識得唔止一個人
搭44入青衣都當左長安巴士總站係 ...

你呢個事件我是遇過的,所以才有以上回應.

原帖由 ej4474 於 2007-12-4 02:14 發表
個案1 & 2 是可以避免發生的,正如樓主開題時所言,樓主的親戚唔熟路,
點解唔早一些同你的親戚作一些簡介及俾地圖用作參考.
把目的地既資料清楚地講一次等佢有些少印象:如附近有啲乜野大廈或公園.
因為當車長有時答又死唔又死,再者當時雙方的態度如何真係得佢地至知啦!
希望各位朋友唔好隨便去投訴啦!

我想問下, 會0係咩情況下, 車長會答又死唔答又死?

要去一個唔熟悉ge地方, 就算之前問好晒人, 查晒地圖, 上巴士公司網站check過晒, 到搭車果陣, 再問多次個車長, 問清楚d, 唔係罪過ze下嘩. 點解有d人會講到個發問者十惡不赦咁ga?

原帖由 pstommy 於 2007-12-5 00:01 發表



正是，正是兩件事

我無話78K停外線不是好事，但我想指出的係，d人為左投訴，會將事實扭曲誇大，由2人變為7-8人，由停外線睇唔到變為飛站

呢個係投訴者的人格問題, 並唔代表樓主親戚都一定會係咁.

講返樓主講的果件事, 如果我冇理解錯, 打去投訴的係當事人, 亦即係樓主親戚, 並非樓主. 樓主並冇只聽親戚的片面之詞而做任何行動.

至於樓主親戚點投訴, 有冇誇大扭曲, 同埋實情係點, 我地都係唔知. 但閣下唔使咁快就認定樓主親戚會加鹽加醋吧.

其實我覺車長已經有改善，因為大部份車長(資深)學術水平及公民教育比其他人遜色，比以前部份車長已經XXX你啦....點會唔出聲。

呢 d 野
你有你講 , 我有我講
事實上有幾多成係真 , 有無吹水成份
who knows ?

我唔會話樓主親戚吹水
只係既然無人係真係個 situation 之下
一面倒傾向某一方
其實並不公平

今日先o係總站見到以下對話內容︰
車長A︰xyz~ 頭先有個客話我飛站，又話投訴喎！
車長B︰日日都有唔知幾多呢d客啦，算數啦，冇事o既~
車長A︰明明我已經埋站慢車，見冇客上車又冇人打鐘，咪抽頭走lor，點知到下個站佢又話我飛站，又話抄我number~
車長B︰由得佢抄囉，你記低佢，到時上面問到解釋返咪得囉，日日都唔知有幾多呢D無理取鬧o既客啦~
之後就講o既內容就同本主題無關了…

日日咁多客投訴，車長都見慣見熟啦…

ps: 以上的車長B一定係老經驗，坐佢好多年車，車長A就睇落年青一點…