B1/B2

原帖由 kj9021 於 2007-12-14 16:59 發表
正因68X拉去了洪水橋才能原站轉乘B1啊！B1只做元朗客？那只有大幅減價才能有望不輸給綠小75。

要出油尖旺,有幾多人會唔搭東鐵綫搭B1/75轉車?
搭得B1/75轉九成都係貪平,如果唔係搭東鐵綫一程過仲方便
既然係咁,有邊個會介意過條馬路?

原帖由 da54 於 2007-12-14 17:07 發表
歸根究底，B1 客量低不是在元朗東西走向的問題，而是價錢和班次的問題。

我都同意 B1 元朗東西走向唔係客量低的主因
班次方面, B1 15分鐘一班都唔算太差

連去落馬洲的東鐵線客量都唔太好
我覺得主要都係口岸的吸引力問題

原帖由 limited 於 2007-12-14 17:28 發表


我都同意 B1 元朗東西走向唔係客量低的主因
班次方面, B1 15分鐘一班都唔算太差

連去落馬洲的東鐵線客量都唔太好
我覺得主要都係口岸的吸引力問題 ...

福田口岸附近搵部的士都唔易
地鐵四號線又唔係密又唔係直接(大部份人要去既站都係1號線沿線)
搭巴士去元朗都要時間, 等B1可能等15分鐘, 等4號線又唔知等幾耐, 係會展中心轉1號線都要時間
加埋既時間唔可以忽視
行番羅湖果邊, 雖然多人, 但起碼東鐵+1號線又密又直接

福田口岸既吸引力主要都係口岸附近既人同4號線沿線, 但咁既客源實在有限
唔似羅湖,皇崗咁去深圳邊度都方便
又唔似深圳灣咁去某D地方會有明顯既時間優勢

用福田口岸去好多地方既距離同時間都唔慳得好多(什至無慳過), 大概係落馬洲東鐵,B1客量比預期低既主因

[ 本帖最後由 HV7025 於 2007-12-14 17:59 編輯 ]

如果B1在元朗站直上搏愛，相信不用十五分鐘便可到達落馬洲站，
呢ｄ先至係條線最大的吸引カ。

若到時再減番價（或加分段），相信大把西鐵客會轉乘B1。（即係
好似B2咁，西鐵客大都在天水圍上車）

如果B1只靠九龍轉乘客真係唔多得
因為在九龍的過境客唔一定要使用落馬洲過境
例如有直通巴,而且比較快,就算使用落馬洲過境亦有東鐵線競爭
所以九龍轉乘B1的客真是不多
相反,在元朗那邊,B1&小巴就比鐵路更有優勢
因此我認為B1要同小巴爭元朗客才是正路

至於拉去屯門.....那裡不是有B3&B3X嗎??

原帖由 limited 於 2007-12-14 17:28 發表


我都同意 B1 元朗東西走向唔係客量低的主因
班次方面, B1 15分鐘一班都唔算太差

連去落馬洲的東鐵線客量都唔太好
我覺得主要都係口岸的吸引力問題 ...

港鐵的落馬洲線客量需考慮它是興羅湖線過境同價的這個因素，港鐵到達的兩個口岸都是服務東鐵沿線的，且坐東鐵到兩個口岸是同價的。既然如此，用得港港鐵當然是沿用羅湖口岸較方便了，雖然羅湖人較迫。

原帖由 FA9671 於 2007-12-14 18:28 發表
如果B1只靠九龍轉乘客真係唔多得
因為在九龍的過境客唔一定要使用落馬洲過境
例如有直通巴,而且比較快,就算使用落馬洲過境亦有東鐵線競爭
所以九龍轉乘B1的客真是不多
相反,在元朗那邊,B1&小巴就比鐵路更有優勢
因此 ...

首先直通巴或東鐵都是比B1或綠小75貴很多的選擇，而直通巴到達的皇崗口岸與落馬洲支線連接的福田口岸是兩個不同位置、服務不同目的地旅客的口岸(皇崗可轉長途巴、福田可轉深圳地鐵)。而東鐵對新界西南(荃、青、葵以至東涌)及九龍西北(如美孚、深水埗)等非東鐵沿線也非方便及亷宜的選擇。當然最合理是由九記多開一條往落馬洲支線總站的欖隧過境線，但在目前運吉限制開新線的前提下；現在B1的行車路線就是最符合大部份乘客的要求了。

原帖由 laikingsouth 於 2007-12-14 18:15 發表
如果B1在元朗站直上搏愛，相信不用十五分鐘便可到達落馬洲站，
呢ｄ先至係條線最大的吸引カ。

若到時再減番價（或加分段），相信大把西鐵客會轉乘B1。（即係
好似B2咁，西鐵客大都在天水圍上車） ...

如此是否要B1只做元朗西鐵一個站的客？間接放棄大部份的巴士轉乘客？

依家B1/277係「內鬥」中，要合拼才避免浪費資源。

原帖由 kj9021 於 2007-12-14 19:27 發表
如此是否要B1只做元朗西鐵一個站的客？間接放棄大部份的巴士轉乘客？

巴士轉乘客都有兩個方向
往天水圍同出市區
現時行法只是方便市區客,
往天水圍轉乘客,一樣要過馬路,
調轉方向後
往天水圍客可以同站轉乘.

以B1的行車時間,
如果可以由元朗東入大馬路,
我係恆香轉車出市區,
分分鐘可以搭早一班車,
我寧願早d轉車行兩步,
好過架巴士行大運....

而且現時B1由於行車路線迂迴,
在行車時間上比小巴冇優勢,
對於西北區用唔著巴士轉乘優惠既部份居民來說,
吸引力十分低,
改道後可望在行車時間上取得優勢.

同埋點解個轉乘冇968既!?

[ 本帖最後由 ksmbh 於 2007-12-15 01:38 編輯 ]