討論2012年立法會及特首的選舉辦法

原帖由 238X 於 2007-12-30 01:23 發表


而家成個泛民係自我綑綁成強硬派，無人會妥協
你見湯家驊都咁口硬就知

你順便評論下我的推測合唔合理

我自己就覺得, 反口機會唔大

人大今次, 其實大可以唔提時間表....你地有你地班人繼續爭取,
我有我唔理...只是否決左2012就算.....好似07/08 唔俾一樣...
本身無事的....橫掂之前一直都咁拖住....香港呢家又唔係好大
問題

但今次算突破...佢肯提一個確定時間 wor...講真, 如果反口,
到時真係暴動都似....亦會令港人對中央完全失去信心, 風險
比唔講更大...

至於點解用可以, 而唔係必定, 我覺得原因除左係留一線外,
亦因為普選係要立法局通過, 人大唔可能話定一定要2017,
這是違反基本法...

不過當然呢d係我自己較樂觀睇法....

另外我都同意238X講既得利益者問題, 呢d都可能影響個局面


其實我要講的都差不多了, 始終信任黎講, 每人唔同, 而實際係點,
我地唔會知....都係希望今次人大決定, 係對香港, 中央, 都係一件好事..

[ 本帖最後由 3ASV196 於 2007-12-30 01:57 編輯 ]

極之憤怒,不可理喻-野蠻的決定,並不失望,因為跟本沒有寄望,學毓民在myradio.com.hk話,民主派唔好再有執政的夢想,準備回到街頭抗爭吧!

2007/2008退到2012都算啦,2017都未知有沒有,真係好不知所謂!

如果田少所引述的話(即喬曉陽及張曉明說將來
立法會普選後，功能組別仍會以另一種形式存
在)是真的話，我想泛民派或會將行動升級。

原帖由 leslie 於 30/12/2007 02:38 發表
極之憤怒,不可理喻-野蠻的決定,並不失望,因為跟本沒有寄望,學毓民在myradio.com.hk話,民主派唔好再有執政的夢想,準備回到街頭抗爭吧!

2007/2008退到2012都算啦,2017都未知有沒有,真係好不知所謂! ...

如果真係想做嘢，應該諗下叫國際介入。

原帖由 238X 於 2007-12-30 12:17 發表


如果真係想做嘢，應該諗下叫國際介入。

我們千萬...千萬不要再批評他,以及泛民,免得他們再話我們
舐共、擁曾、親商。

根本極端的民主派看不起我們從事/修讀會計的人、以及公務員及非公務員。

我不反對他們這樣想,因為這是他們的自由。只想講的是:他們在這20多年行動,
的確是有意無意傷害從事/修讀會計以及在政府部門任職的人。

無疑,香港的民主路已走了廿多年,當中的爭取88直選更成是經典中的經典。
無奈立會直選議席要到91年才得區區18席。但是會計界的功能組別,卻可以
在88年設立。我不排除有些極端民主派對此事耿耿於懷,再加上特區政府親商
形象深入民心,會計在泛民的形象又豈及法律、醫學、教育那麼崇高。(不要擺
譚香文上枱,我真的很憂慮她會淪為雙失議員)

仲有那些公務員,他們只是打份工而言。他們下班後,咪又係與普通人一樣,既不可以
選特首,又耍交足稅。為何極端民主派耍這樣看他們。我最看不過眼的是有示威者
手持身份證,向警察挑釁說:「拉我呀!」這是甚麼態度?有時真的不可以怪紀律
部隊支持葉劉淑儀(即是他們口中所講的「孽瘤」),這一切都是這些人逼成的!
(先旨聲明,我無投她一票的)。

此外,那些香港的演藝人士是叫「藝人」,不是叫「偽人」!

寫到此處,我老早知道人大一公佈,各政黨的人態度是如何。只是憂慮08年一開始,
這些極端的人士厲行四罷之餘,仲會叫人罷交稅、罷交差餉;繼而衝擊稅務大樓、
香港會計師公會會址等...... 希望這些事不會發生吧。

[ 本帖最後由 marklam 於 2007-12-30 13:11 編輯 ]

原帖由 238X 於 2007-12-29 20:51 發表


我個「無咁風光」嘅意思係自由黨無得再做大黨，唔係完全無議席。
衰啲講句，田少同周太個位都係自己行出去直選爭返嚟，
爭在無得同功能組別比。

一日搞佢哋唔掂，就算民建聯支持，普選立法會都會好唔容易。 ...

只要建制派在來屆立會直選取得過半數,令中央更決心取消功能組別,
他們想保留也沒用!

原帖由 tonytsang_hk 於 2007-12-30 01:28 發表


你順便評論下我的推測合唔合理

那便要看李柱銘、司徒華以及民主黨的大老們
有無牙力綁住他們。

不過更重要的都要看來屆立會泛民會保住多少議席。
林和立預測如果香港形勢不變,建制派可得議席會增
加一倍至最多37、38席。亦即說政府只需撬三、四張
泛民議員(估計是馮檢基之類),其政改方案通過的機會會較大。

原帖由 053h4 於 30/12/2007 18:07 發表

不過, 鬥爭要技巧
一些没有經過同共產黨鬥爭過的年輕民主派, 最好唔好提罷工罷課

咁你認為應該點樣鬥爭？
(以中國咁嘅國家，好難用經濟鬥倒佢)