[轉載某討論區消息] 運輸署將出手勒令部份巴士路線停辦

原帖由 petcity 於 2007-12-23 00:03 發表


巴士可以用石油氣咩？

咁答到你問題掛

今晚諗到一d謬論，如果真係有人用，真係.....

一‧巴士載客量大，有意外時，最壞死成百人，以AP69做例子，跌落去係一架小巴，極其量死十七個
　　都比原本死亡人數少，更遑論真係最壞情況，當 ...

巴士的確可以用石油氣,廣州而家咪用緊石油氣,不過一日要加兩次氣,
而且全部都係單層車,香港要轉做石油氣唔係唔得,只係配套同巴士公司
點法運作

原帖由 petcity 於 2007-12-23 12:03 AM 發表
四‧係全球，經濟發達城巿有邊個係要咁多甚至需要巴士，多D私家車同塞車至可以體現香港繁榮一面

呢個真係謬論中的謬論

原帖由 238X 於 2007-12-23 01:53 發表



問心，我諗三、五兩點呢度可能好多人 buy！

應該係矛盾
小巴係快
但係如果成街都係塞小巴，同埋成條街塞巴士比，睇得出小巴有幾浪費....

原帖由 ricky619 於 2007-12-22 17:50 發表


巴士從不知何時起成為空氣污染的元兇之一, 但並不包括小巴.
把短途巴士線並成小巴線, 除了巴士迷外似乎反對的人不多,
巴士公司慳點成本, 污染減少, 乘客等車時間短還保証有位坐,
還能配合運輸署積極把紅小轉綠小 ...

部分人士認為小巴用石油氣,
比巴士用柴油環保云云,
還請專家指教.

原帖由 orange 於 2007-12-23 02:07 發表

巴士的確可以用石油氣,廣州而家咪用緊石油氣,不過一日要加兩次氣,
而且全部都係單層車,香港要轉做石油氣唔係唔得,只係配套同巴士公司
點法運作

廣州有冇香港咁多山?
話晒上山要好大爆發力喎
石油氣做唔做到?

原帖由 ksmbh 於 2007-12-23 02:10 發表


部分人士認為小巴用石油氣,
比巴士用柴油環保云云,
還請專家指教.

好多數計喎...
同埋唔同計法又有唔同效果...

[ 本帖最後由 HF3204@243M 於 2007-12-23 02:11 編輯 ]

其實小巴配額係固定,
那麼有更多新的與巴士競爭激烈的地方,
亦代表某d地方少左小巴行,
即係小巴有辦法揾位去做客量高有潛力的市場.

好似ams咁,
06年度車隊數只係增長幾部,
但載客里程收入同乘客量都有唔錯的上升,
代表佢地 真係提高度運作效率同吸引到新的乘客.

反而巴士近幾年因為種種原因,
無力開拓新既市場,
就算現有路線附近有新旺點,
巴士公司都好似無心無力做咁.
好似Megabox咁,門口就有小巴兜入去,
但我估冇幾個 人會知門口行幾步有巴士搭,
同樣地,知道巴士去佐匯可以
去到圓方商場既亦冇幾多客.....

去完大尾篤出黎,
巴士站要行埋去先見到75K開去邊,
小巴站大大條banner掛住<<直出火車站>>,
小巴車到人上,
巴士車到息埋燈司機走左,
咁.....點同人爭....!?

香港公交市場始終係寡頭壟斷局面,政府監察市場運作之餘,亦是
各大運輸機構必然董事甚至持有相關公司股物

四間專利巴士公司可以做既實在有限,始終權在政府手,任你點做
都要睇政府頭,政府今天要限制路面車輛數量,難道各公司可以不
跟蹤?

不少版友話巴士公司點解唔做更多事去搶市場,開路線買車,講真
各公司做既係生意,巴士未出街已經有大量成本同開支,一條路線
連收支平均都做不到,又何以叫人再投放更多資源去做.

開路線更加係難上加難,而家新路線採用投標制,巴士公司入標申
請,中標者需跟政府規劃去行走(當然可以作出更改,但大前題係
需符合政府標書內容同要求)

路線改動部分要去區議會討論(行政指令要求改動除外),各公司
近年不少改動都被否決,雖然相關公司建議未必百分百滿足當區
居民要求,但議員本身有否提出合理建議,以達至雙嬴局面,不少建
議都因為某一兩個區的議員反對而告吹

班次控制係一件深奧而又難明的事,如果條路暢順,當然易於跟隨,
但以香港路面情況,加車又齊齊塞唔加車又搞到成村客,一係上唔
到車,一係就轉投其他交通工具,更重要係手上資源,人客數量同
政府是否批准

以上內容睇落離題萬分,但返回起點,巴士線擁有權乃政府,巴士
公司只是有獨家專利行走該線,當大家諗邊條線要執要增,甚至
話巴士公司不思進取,倒不如問政府一句:你想呢個公交sim city
係點玩?

原帖由 fcfhkmelb 於 2007-12-22 23:50 發表



681又密又快，
完全唔認同你話巴士疏

繁忙時間馬鞍山駕車用紅隧過海，
閒閒地都要成粒鐘以上，
絕對係浪費時間

一個人的話, 小弟絕對支持681...不過4個人, 就真係駕車泊車平d...
681係密係快, 小弟一向都好like...
唔like既, 係另一程駁腳....
而呢程駁腳, 就係令小弟而家成日出街駕車都唔搭車既主要原因!
講開又講, 呢兩日好有興趣去TD port一port呢程駁腳...
最好換埋營運商, 咁可能會好d..

[ 本帖最後由 hkbw 於 2007-12-23 15:30 編輯 ]

原帖由 hkbw 於 2007-12-23 15:29 發表


一個人的話, 小弟絕對支持681...不過4個人, 就真係駕車泊車平d...
681係密係快, 小弟一向都好like...
唔like既, 係另一程駁腳....
而呢程駁腳, 就係令小弟而家成日出街駕車都唔搭車既主要原因!
講開又講, 呢兩日好 ...

最佳既方法係政府,九巴,新巴,城巴,嶼巴,同一眾小巴佬成立一個新公司,叫香港公交建設(人地有中交建,我地可以有港交建).
將所有香港公交都由同一間公司做,任何策劃都由股東負責.咁就唔會唔公平啦(唯一唔公平既係市民).

原帖由 HF3204@243M 於 2007-12-23 02:10 發表

[quote]原帖由 ksmbh 於 2007-12-23 02:10 發表
部分人士認為小巴用石油氣,
比巴士用柴油環保云云,
還請專家指教.

好多數計喎...
同埋唔同計法又有唔同效果... [/quote]

真係好多數可以計：

單就排氣方面計…
- 一加石油氣小巴比柴油巴士排較小廢氣是肯定的
- 但石油氣小巴每個座位平均污染排放量同柴油巴士比較，就唔知有無學者做過…

運載效率計…
- 香港年報2006指，九巴有4,013架領牌巴士，每日載客量平均為276萬人次，平均每架巴士每日載客量約688人次
- 香港年報2006指，新巴有694架領牌巴士，每日載客量平均為501,600人次，平均每架巴士每日載客量約723人次
- 香港年報2006指，城巴有909架領牌巴士，每日載客量平均為569,200人次，平均每架巴士每日載客量約626人次
- 香港年報2006指，年內綠色小巴數量為2,813架，每日載客量平均為1,364,000人次，平均每架綠小每日載客量約485人次
- 香港年報2006指，年內紅色小巴數量為1,536架，每日載客量平均為434,500人次，平均每架綠小每日載客量約283人次
- 以上述數字計算每輛營業車的運載效率計，九巴/新巴/城巴對綠色小巴的數字為1.419/1.491/1.291倍
- 以上述數字計算每輛營業車的運載效率計，九巴/新巴/城巴對紅色小巴的數字為2.431/2.555/2.212倍
- 換句話說，其他因素不變的情況下，若果柴油巴士每個座位平均污染排放量同石油氣小巴比例，
（取用每個座位平均污染排放量而非每車輛的原因，是因為前者是實際運作的數字，後者只是最大載空量之下的比較…）
少於以上數值的話，巴士的每位乘客平均污染排放量較低；相反則小巴的數字較低

對交通的影響…
- 同樣，若果以綠小取代巴士，在運作效率不變之下，需要以1.419/1.491/1.291架次取代九巴/新巴/城巴
- 即以相同的運作效率之下，取代九巴/新巴/城巴的服務，需要最少：
  取代九巴—1.419 x 4,013 = 5,694部綠色小巴
  取代新巴—1.491 x 694 = 1,034部綠色小巴
  取代城巴—1.291 x 909 = 1,173部綠色小巴
- 在運作效率不變之下，需要增加超過7,900部綠色小巴才能應付九巴/新巴/城巴的總載客量
- 香港年報2006指，九巴/新巴/城巴的全年行車里數分別為3.36億/5,090萬/8,240萬公里
- 若果以綠色小巴取代九巴/新巴/城巴，在運作效率不變之下，所需的行車里數則為：
  取代九巴—3.36億/4,013部 x 5,694部 = 4.767億公里
  取代新巴—5,090萬/694部 x 1,034部 = 7,584萬公里
  取代城巴—8,240萬/909部 x 1,173部 = 1.063億公里
- 在運作效率不變之下，以綠小取代九巴/新巴/城巴的話，總行車里數會由三巴的4.69億公里，增至綠小的6.59億公里
- 香港全境共有1,984公里道路，巴士和綠小的全年每公里道路的行車流量平均值比較：
  九巴/新巴/城巴 => 4.69億公里 / 1,984公里 = 每公里226,391車次
  綠小 => 6.59億公里 / 1,984公里 = 每公里332,157車次
  換句話說，每公里道路的平均車架次會由三巴平均的620架次，上升至綠小的910架次
- 有兩點要提示一下：
  1. 鄉郊道路行車數量小，市區道路行車量大，轉用綠小對市區路面交通的實際影響會較以上比例大
  2. 紅小的運載效率較綠小低，在運作效率不變之下，轉用紅小所需車輛數、行車里數及道路每公里的車次所需數字更大

其他因素…
- 以上述數字計，紅小/綠小的客滿率較巴士為高。以乘客較喜歡選擇客滿率低的交通工具的實際情況計，
以紅小/綠小取代巴士實際上需要較以上計算更多的車輛架次
- 以同等距離計，同樣的交通流量下，紅小/綠小所需的運載時間較巴士短
- 以上數字未計算紅小/綠小與巴士車資差距的影響
- 別忘記每部巴士/小巴的製造所需成本/環境成本、燃料的運輸及開採的所需成本/環境成本、人手（車長）增加所帶來的
  管理及營運所需成本/環境成本的上升等等因素…

真的很複雜…