香港鐵路是龍定係蟲

原帖由 ilovebbq 於 2007-12-29 10:36 發表
實際時間應該係時間表已經編左出黎既時間，港鐵員工要準力確保響果個時間到達，唔係臨場睇仲有幾多分鐘。

那個顯示是給乘客看的，不是給港鐵員工看的。

原帖由 ilovebbq 於 2007-12-29 10:34 發表
搭車番工出門口預到太盡確係唔晏，唔等如鐵路公司可以以此為籍口，唔提供準時服務，根本呢個係鐵路公司既責任，就算自己控制唔到，都要話比人知道，不少香港人選搭鐵路，都係希望時間可以響預料之內。唔講準唔準時，過往有咩事，都比人 ...

咁要睇下延誤幾耐啦 ... 五分十分以上的, 我認為應該通知乘客啦, 如果五分鐘內, 你話畀乘客知，乘客都無興趣知啦。

長文。

我並不是盲目支持或反對任何人，我想在此表達我對「時間表可以吸收延誤」的理解。

我書讀得少，成日掛住打機，要睇下日本點做，就以我目前為止最滿意的「電車Go! Final」做例子。
要在預定時間到達車站，其實多數情況下列車都不必去到好快，
例如極速140可以開90就夠，山手線大部分路段都指示係55-75行車。
如果開得太快太早到，反而會被訊號系統截住。
這個遊戲很大程度是依照真實時間表製成，亦即是說現實中列車都不是經常去到極速。

為什麼要這樣呢？豈不是資源浪費？
架車極速咁快，得物無所用？

就是為了萬一發生延誤，列車可以在不影響安全的情況下，加快速度來追回時間。
平時行90，趕時間行120，速度已經上升33%，一個站的小延誤在下一個站已經追返。
此為之「時間表可以吸收延誤」。

再看看香港。
地鐵市區線，列車性能差不多，而且同一條線上的目的地都一樣，好易搞。
大嶼山兩條線，都唔係太密車，等車等得耐係意料中事，誤點少少你都未必知。
西鐵及馬鞍山線都係非常homogeneous（我唔識個中文），應該很少普通延誤（大事另計）。

東鐵線就唔同喇，本地客運列車兩種，性能都幾懸殊；又有直通車同貨運列車；
一星期三日有馬場車，會影響火炭站；北行有去羅湖落馬洲大埔墟火炭，南行可去旺角東或尖東。
車有十二卡咁長，客量多，一個九龍塘都有排上落客。
這樣的線路就如外國的鐵路主線，一個理想的時間表，應該照顧到不同列車的性能及定位，
使每班列車都無需有任何意料之外的延誤（或早到），
例如翻新車後面係千九的話，應該留多點空位；兩班千九之間可以少位一點；
本地車後有直通車，也要拉開一點；大站應該預留更多時間等。

我相信大部分情況下，各線都能依照本身的時間表行車，我想表達的是，
有時候有些事受現實情形限制，做唔到就係做唔到，在這些情況下應該預留多點buffer time。
我相信如果港鐵在月台當眼處公布時間表，乘客也不在意某時段列車比較疏。
為了在不增加資源及不更新設備（硬件）的情況下「改善服務」而下下去到盡（這是田二少時期給我的感覺），
結果是高不成低不就，拖低整體效率。裂紋事件正好是一個警號。

到呢道我又想岔開少少，講一個親身經歷。
某天（工作天）夜晚七八點左右，我在鑽石山站月台等由觀塘過來的朋友，
我打給他時，我聽到他那邊剛剛由牛頭角開出，而我呢邊剛剛有一列車到站。
那班車開走後（大約20-30秒後），月台顯示器話下一班車係「3分鐘」，
我自己估由牛頭角到鑽石山唔止3分鐘（港鐵網頁話需時7分鐘，即使九龍灣至鑽石山都要5分鐘），
所以估計當時應該有一列車在九龍灣至彩虹之間。
結果，下一班到達鑽石山的列車，便是我朋友坐的那班！
我沒有看錶，可能真係3分鐘，但如果係咁，港鐵網頁咪報大數？
所以其實地鐵都未必特別好，只係島式月台你唔知對面係咪準時，
東鐵線你可以睇到對面個display，有個比較咋～

而我個人習慣，約了等人而自己未到時，我係會用實際時間的（例如「我會在七點鐘到」），
這樣自己和別人也不用計時，只需到了七點再confirm能否準時。
每個人有每個人的習慣，鐵路系統也如是，「3分鐘」與「22:48」都有人喜歡有人不喜歡，
怎樣顯示不是問題的核心，核心是鐵路公司的準時率與透明度。
作為一個乘客，家中也有人是小股東，我認為我有權知道確實的時間表，否則甚麼準點率的報告都係閉門造車。
你理得我係咪真係會去逐班車睇，至少我都可以知道咩時段會比較少車，預多點時間去等車。
外地會將個時間表公開，並且容易取得，就係因為佢地真係當乘客係服務的對象，
而唔係入了閘收了錢就乜都唔需要知的羊牯。

多言了。

原帖由 DIH 於 2007-12-29 19:05 發表
到呢道我又想岔開少少，講一個親身經歷。
某天（工作天）夜晚七八點左右，我在鑽石山站月台等由觀塘過來的朋友，
我打給他時，我聽到他那邊剛剛由牛頭角開出，而我呢邊剛剛有一列車到站。
那班車開走後（大約20-30秒後），月台顯示器話下一班車係「3分鐘」，
我自己估由牛頭角到鑽石山唔止3分鐘（港鐵網頁話需時7分鐘，即使九龍灣至鑽石山都要5分鐘），
所以估計當時應該有一列車在九龍灣至彩虹之間。
結果，下一班到達鑽石山的列車，便是我朋友坐的那班！
我沒有看錶，可能真係3分鐘，但如果係咁，港鐵網頁咪報大數？
所以其實地鐵都未必特別好，只係島式月台你唔知對面係咪準時，
東鐵線你可以睇到對面個display，有個比較咋～

講下小弟的一次經歷；
有晚七、八點（平日），搭東涌線0係荔景站轉荃灣線返屋企。
去到荃灣線月台，電子板顯示6分鐘後先有車，雖然比正常耐D，都算啦。
東涌線就照樣8, 6, 4, 2分鐘咁倒數。（東涌線列車離站後過佐一陣，先至由8分鐘開始倒數）

點知，下一班東涌線的列車去到荔景停定開埋門，下一班荃灣線列車先至0岩0岩開入荔景站！

原帖由 pakchi70 於 30/12/2007 00:09 發表

咁a門夾完人就b門夾,b夾完可能a又夾住另一個迫上車嘅人 ...

而家都好少見彈多過三次門，
我懷疑夾到咁上下就唔再理，開車走人。

原帖由 238X 於 2007-12-30 00:31 發表


而家都好少見彈多過三次門，
我懷疑夾到咁上下就唔再理，開車走人。

我近來最多試過 5 次,

夾到o野度門閂唔到, 點開車呀 ??

原帖由 acctlkk 於 2007-12-30 00:48 發表


我近來最多試過 5 次,

夾到o野度門閂唔到, 點開車呀 ??

同埋如果有, 上左報紙俾人鬧左十世了...

真係唔知有無知情版友, 知道點解地鐵會用一個咁的關門手法?

因為我覺得地鐵D人都唔會係無理由....

(前)東鐵本身都唔會一道門夾到, 一抽車開, 只是(前)地鐵咁樣...

原帖由 davidng 於 2007-12-25 14:13 發表


JR 山手線的服務水平....
怎樣看 ??
我未坐過, 可以介紹下嗎 ?

好多師兄都主觀感受歐洲和日本的鐵路,
有無 d 客觀數字, 如誤差率, 滿意指數, ISO , 全球10 大優秀鐵路 (好似航空公司)等,
人地文化國情唔同, 我 ...

日本可以確切咁出到每個站的開出時間

http://www.jreast-timetable.jp/0712/timetable/tt0866/0866040.html

對於班次疏同有唔同目的地的路線我覺得幾好(如東涌線,東鐵線)
方便就出門口時間嘛

[ 本帖最後由 herman15hk 於 2007-12-30 02:33 編輯 ]

原帖由 acctlkk 於 2007-12-29 18:21 發表


咁要睇下延誤幾耐啦 ... 五分十分以上的, 我認為應該通知乘客啦, 如果五分鐘內, 你話畀乘客知，乘客都無興趣知啦。

我就同意你既講法，不過應該是三分鐘為限，五分鐘太長啦。