香港鐵路是龍定係蟲

原帖由 acctlkk 於 31/12/2007 14:02 發表


如果硬係要追究有無誤點, 總會有方法, 全日企o係個站度抄低晒o的時間, 拎去鐵路公司同佢對質, 無滿意答覆就遊行示威都可以。但我相信一般乘客在大部分情況來講唔會太 care o個數分鐘誤點, 因為班次已經夠密。為o左 ...

算數喇，當有啲人被人停好幾次板都唔肯改，
你遇到一班立場、態度都一樣嘅人，點可能期望佢哋有任何唔同？

原帖由 acctlkk 於 2007-12-31 14:02 發表


如果硬係要追究有無誤點, 總會有方法, 全日企o係個站度抄低晒o的時間, 拎去鐵路公司同佢對質, 無滿意答覆就遊行示威都可以。但我相信一般乘客在大部分情況來講唔會太 care o個數分鐘誤點, 因為班次已經夠密。為o左 ...

絕對同意你講法。

一個好既系統就係要令user 覺得 user friendly。
但係對作為 user 既我黎講，我完全唔覺得show 埋幾點有車會對我有咩幫助。
要我望錶對時間? 根本就一d 都唔 user friendly。

有一個準時既倒數系統就已經足夠有凸，何必要塞多d 資訊出黎?
資訊多唔等如d 資訊有用。

如果個時間表系統用係巴士就非常有用，巴士班次遠不及鐵路咁密。
有實際時間就可以預到時間幾時有車。
但係鐵路基本上已做到又密又準時，何必再加埋個時間落去?

我覺得無論用邊種顯示方式，如果係做到準時的話根本冇人介意用邊種。
不過地鐵最弊係條條線、個個站都可以唔同，例如尖沙咀往中環係報大數既，顯示兩分鐘往往一分鐘就到，金鐘往荃灣呢？成日都要去到車來前一分鐘先有野睇。將軍澳線更加唔使講，好多時乜都冇。而東鐵就好多站都報細數。樓上講個 3 變 4 我都見過，真係啤一聲。
不過總括黎講，落差往往都係幾十秒，同埋香港鐵路班次密，事故少，延誤少，亦甚少因為工程令行車減慢甚至停駛 (紐約就一到 weekend 成日就會 express 變 local，無端端又唔見減幾條線...)，真係算係好好好好好。
唯一我覺得冇咁好既反而係對車廂內秩序既管理。我好欣賞日本有真正既靜音車廂。紐約巴士亦有貼告示叫乘客談話音量收細，同埋唔好用喇叭式收音機。香港印象中只有新巴貼過叫人講野細聲 d 既告示。東鐵果 d 爭位坐呀，嘈喧巴閉呀，真係... 諗起都驚。
當然作為鐵路迷，我都會欣賞紐約地鐵、日本鐵路既複雜同多元 (起碼如果香港有 express 線... 就正喇~)，不過站在用家角度，香港鐵路又真係非常易搭，好 user friendly。呢樣已經好足夠。

我認同 acctlkk 站友的意見

綜觀咁耐的討論... 其實香港真的有必要行日本的那種方法嗎?
有沒有想到為甚麼日本要這樣行, 和每個站都貼上開出班次?
因為係俾人去就時間駁車, 特別係轉線或者 特急 <--> 各停
從而去選擇最合適的班次

香港呢?, 俾盡咪東涌/機場線, 又或者間唔中的直通車要讓路者
否則, 咪班班車都係停咁多個站
或者我好彩, 又或者我要求低
一來沒有遇上顯示板和實際相差太遠的情況
再者, 前後相差左 1 分半分鐘, 普遍乘客都唔會太覺得 (甚至介意)

連搭車都要 concern 埋 01 秒定 59 秒到達, 係咪差左一分鐘就喊打喊殺
咁唔覺得你既生活委實太 stress 了嗎?

其實在車站上之所以倒數較有用, 係畀o的客知道重有幾耐可以上車, 呢個係呢一刻乘客最想知o既o野。但無論係顯示倒數定係實際時間, 都對最終乘客能否準時到達目的地無直接關係, 因為車準時到唔代表行走過程都無延誤。所以就更加唔需要嚴格地介懷候車時車係咪準時到站 (given 大部分情況準時或只屬輕微誤點)。

不過公開時間表可以使鐵路公司透明度提高，也可方便一些有行程規劃習慣的人，他們可以藉此把等車時間計得更好。

還有，「準時」定義是？如果沒有公開「準時」標準及公開時間表，那些準時率只是鐵路公司的空談。

[ 本帖最後由 qewsad 於 2007-12-31 19:37 編輯 ]

月台上的顯示系統上墨爾本set可以show到所有各位要的information
當然無論用邊種顯示方式，
如果班車唔準時/倒數唔準確，都一樣係無用

某鐵自稱99%班次無誤點,如果沒有公開時間表,一切都只係空談

港鐵班次密係人都知,大部份線的確無乜必要出哂所有班次
不過就算唔每個站都貼上開出班次都至少學巴士站張紙
等人有個大概的時間 如0730-1000 2-3分鐘 ,等
不過東涌線同東鐵線班次唔密,又有唔同總站同有回避時間
如果每站整時間表都好合理

換個topic,
AV115講到的車廂內秩序既管理,個重點唔係廣唔廣播
而係教育,要知道香港的公民教育係何其差

昨晚 黃昏坐地鐵...金鐘轉車去太古,
去到金鐘, 行到對面月台, 部車剛剛開走,
見到個牌寫2分鐘, 心諗, 咁耐gei, 繁忙
時間 wor.....點知, 係前車開左後, 20秒左右,
已經有另一車到站.....但個牌仲係2min,
似乎原來壞左了....

其實我對於現時的倒數顯示方式, 已經好滿意,
對於香港咁密的班次, 大部心較心急的乘客,
倒數的確最直接同有用

你講俾我聽呢班車遲左, 意思唔大, 因為我用意
唔係去捉港鐵有幾準點, 我坐車亦唔係諗要一定
坐邊一班車...而是我去到月台, 幾耐有車....
可能習慣問題...

不過近年有個問題, 好似係地鐵好多牌都壞壞地咁,
多數係顯示唔到, 唔明 有d好耐都唔整......

原帖由 3ASV196 於 1/1/2008 09:39 發表
昨晚 黃昏坐地鐵...金鐘轉車去太古,
去到金鐘, 行到對面月台, 部車剛剛開走,
見到個牌寫2分鐘, 心諗, 咁耐gei, 繁忙
時間 wor.....點知, 係前車開左後, 20秒左右,
已經有另一車到站.....但個牌仲係2min,
似乎原來 ...

金鐘平日繁時成日都係咁，個兩分鐘好可能係指緊再下一班車。

有個有趣的問題：倒數時間是令乘客大約知道幾時有車，
咁如果乘客落到月台見到個顯示器咩都冇，一定要1分鐘前先有顯示（而且中文極不通順），
但係我之前在沒有預算下等了3分鐘，咁個顯示器要來做乜？
心水清的朋友應該知道我講緊哪條綫......

出個時間表都可以繼續用倒數，倒數是基於與時間表所列時間相差（即係預計10:00有車到，09:57就顯示有3分鐘），
這個系統適用於人手操作的鐵路（如日本），因為駕駛者可以自行調整行車速度來符合時間表。

香港現時的制度，列車行ATO，倒數時間是基於列車與車站的距離，以「正常」車速推算出來，
在一條無乜外來影響的鐵路當然冇問題，但如果列車有快有慢，
班次係好密，密到入站前要等的話，個時間冇乜意思。
你不如顯示架車有幾多米才到（），或者只顯示下兩班車目的地，
因為無論架車幾時到，我已經付錢到了月台，都一定要等。

而即使係倒數，都應該大致準確，比如一位行動不便的老人家，
見到3分鐘的話會搵個位坐低，1分鐘的話會企住等，
如果見佢話1分鐘於是唔坐，結果架車3分鐘後先到，咁咪真係「辛苦晒」？

香港鐵路轉乘方便（就算十字交叉車站都有清楚指示）、
班次頻密（睇下我地見到8分鐘一班車已經想腳軟）、
價格相對便宜（東京最低消費係130円=HK$9）*謝板友更正、
車站規劃得宜（唔會失驚無神有三兩部閘機衝幾個人出來）、快捷、安全等等，都是優點。

可以話，以現行香港制度，係冇可能做到日本那種準時度，
因為香港安全排第一位，電腦駕車，月台冇相撲手推人上車。
要求公開時間表，唔係用來等車或者畀火車迷捕車，
而係既然向外公布有「準點率」一項，應該有責任公開有關資料，讓公眾自行決定是否屬實，
這的確由頭到尾都是誠信和透明度問題，而不是鐵路運作與乘客資訊問題。
我唔介意因為其他更重要的理由而做唔到好高的準點率，如果係咁的話唔該直情唔好講。

如果兩鐵／港鐵不公佈甚麼準點率的話，也沒有很多人會覺得有甚麼不妥，
係佢地自己公佈，係自己公佈的話應該有充分理據支持這個結論，
但正正就係兩鐵以至港鐵都冇向公眾公佈時間表，有點「講ｄ唔講ｄ等你心思思」，先至令我有這個感想。

[ 本帖最後由 DIH 於 2008-1-1 18:39 編輯 ]