香港鐵路是龍定係蟲

原帖由 ilovebbq 於 2/1/2008 01:56 發表
你咁講法，即係想話香港人係次等D，要次等對待？咁樣似乎悔玉左香港人喎。

香港人只係要求唔同，你就夾硬話香港人次等，
點解唔係你侮辱香港人？

在批評香港鐵路較日本鐵路誤點較多,
或顯示牌的到站時間不準時的時候,
大家又唔諗下,
係邊個造成誤點呢?
咪就係果d 衝門呀,
迫唔到入車廂都仲要夾硬迫,
攪到車門又開又閂幾廿次的乘客囉.
如果車門幕門可以順利關閉,
列車順利開出,
要準時到下一站有何難?

原帖由 bustop 於 2008-1-2 16:33 發表
在批評香港鐵路較日本鐵路誤點較多,
或顯示牌的到站時間不準時的時候,
大家又唔諗下,
係邊個造成誤點呢?
咪就係果d 衝門呀,
迫唔到入車廂都仲要夾硬迫,
攪到車門又開又閂幾廿次的乘客囉.
如果車門幕門可以順利關閉,
...

日本都有衝門,迫車的問題,差在D人會讓少少位同有推人上車的站務
不過衝門的人唔會按住度門搞到車門又開又閂
仲有車門design的問題,JRE E231系為例度門夾到野唔會全車彈開,只會彈返開幾CM再關
不過呢咁就係之前出事

我認為如果相對黎講，唔係香港唔好，而係日本太好，講真全世界除左日本，仲有邊度係連幾分鐘一班既通勤路線，都站站有詳細時間表公開，仲真係做到咁準時呢？

如果全世界都有，係香港冇，咁就係香港差喇

另外，大家都習慣左聖誕新年大時大節時候，去玩去街去到三更半夜，都有通宵地鐵/九鐵/港鐵服務，但以我所知，日本鐵路係冇呢枝歌仔唱，話知你乜野大時大節，一樣咁上下就收工(有錯請指正，或者近年已有改善)，聖誕固然冇(呢樣唔鬧得佢，日本聖誕係唔放假)，但連佢地最重視既新年都冇就真係有點那個......呢樣野，也許係日本鐵路唯一缺點，亦可能係少數，甚至唯一不及香港之處。

可能崇日人士會話「咁做係確保鐵路系統每晚均可作檢查及維修，係重視安全既表現，邊似得香港咁，大時大節就同你班嘩鬼顛埋一份，將鐵路安全拋諸腦後.....大時大節出得黎玩就唔好孤寒o個多少，搭的士啦，幾個人夾有幾貴姐.....」我冇意見。

原帖由 mckhgc 於 2008-1-4 21:26 發表
我認為如果相對黎講，唔係香港唔好，而係日本太好，講真全世界除左日本，仲有邊度係連幾分鐘一班既通勤路線，都站站有詳細時間表公開，仲真係做到咁準時呢？

如果全世界都有，係香港冇，咁就係香港差喇

另外，大家都習慣左聖誕新年大時 ...

我上網睇果D時間表，發覺四點幾已經有頭班車，而且過左一點先開尾車。

其他地方，我真係唔熟，有冇人可以講下其他地方既鐵路服務呢？

其實東鐵線係有詳細時間表的, 但是不公開給乘客
而且果個時間表係廢的! 因為實際上班車會同時間表差3-5分鐘不等

原帖由 herman15hk 於 2008-1-2 04:38 PM 發表
日本都有衝門,迫車的問題,差在D人會讓少少位同有推人上車的站務
不過衝門的人唔會按住度門搞到車門又開又閂
仲有車門design的問題,JRE E231系為例度門夾到野唔會全車彈開,只會彈返開幾CM再關
不過呢咁就係之前出事 ...

繁時衝門係抵打，但非繁忙時間，有時地鐵的班次的確疏落，衝不到門下班車要等頗久的時間如3分鐘才到達，但對面車長又不會等多一陣讓乘客上車(原車開門，轉的車即刻加速關門，廣播都理得佢)
另外，關門廣播不清晰及無統一標準，引致不少人無心衝門(唔通行到貼埋車門，都不衝上去嗎？這是人的自然反應)
車長又常常未能因應乘客上車情況強行關門，月台助理又不識反映給車長叫車長等多陣，關門似是投鞭斷流，但人不是水，不夾人才出奇。

早幾年聽過網友講，地鐵車長若果開車過鐘，係會比人鬧，所以關門這麼心急，相反九鐵就好少理，況且關門權在月台長手上，想快都不能。

最蟲的地方，在於鐵路公司(東鐵線、西鐵線、輕鐵除外)多年來間接訓練乘客衝門，也沒有在硬件/軟件上解決上述問題(例如把關門權交給月台上的人，在月台上叫人小心車門等)，而是把大部份責任推到乘客身上，大家可以比較一下其它地區的鐵路，會不會有這種情況。