馬英九特別費案, 會點?

原帖由 SunnyJacky9094 於 1/1/2008 12:34 發表
1. 台灣問題影響最大嘅都係台灣人, 台灣人一日搞唔掂, 一日都係僵持緊....中共打到黎, 你估台灣仲可唔可以好似而家咁?
只怕台灣民主紀念館變做"中共侵占紀念館", 國父紀念館變做"統一紀念館", 比中共伸隻腳埋黎, 台灣陸沉都似.....

我無否認過，不過對我而言，反共係一回事；
而中國作為一個國家，應該點用戰略考量對待台灣，又係另一回事。
況且，以後者角度睇，粗體字所述現象唔合符戰略利益。
問心喇，香港有無你所講嘅呢啲情況出現？ (除咗金紫荊廣場之外)
(難聽啲講，除咗反共反上腦，我諗唔到第二個原因可以令一個人講得出嗰堆嘢)


其實陳水扁成日又話大陸用導彈指住佢又呢又路，
唔知係佢唔明定我唔明：同一個國家嘅兩個政權對砌，
做個樣都要用導彈互指架喇，咁而家最多係無藉口唔增加導彈
(無理由整堆嘢出嚟唔用)，佢就係要講到「見佢咁做，
都知同大陸行埋就係世界末日」... 邊有咁簡單架？

原帖由 SunnyJacky9094 於 1/1/2008 12:34 發表

2. 你都唔係幾明...我話即使而家北京比人打, 台灣會出手救佢咩...
國防根本唔會係問題, 乜台灣獨立左會沉左咩...

咁你自己睇下台灣被日本霸咗嗰五十年中國係咩樣...
保唔住的話，象徵意義唔係台灣自己走到咁簡單。

即係話，唔係法理上講唔講得通，而係佢要透過呢個宣示話俾大家知
佢仲有能力保住台灣，你哋唔好借啲意幫佢搞獨立，然後就用台灣嚟做跳板侵略 / 威脅中國。
仲有，台灣對大陸海路安全都好重要。如果對面真係獨立咗，做咗一個有實力嘅敵國，
石油之類嘅重要物資可唔可以安全到達大陸都成問題。

有時唔好以為「保住台灣」等於改變現狀，對中共而言，
現階段可以保持現狀亦非壞事。

如果大家到咁樣都仍然認為陳水扁比較啱，
咁我唯有叫兩岸快啲開戰，仲要結果係中國被打殘嗰隻。

[ 本帖最後由 238X 於 2008-1-1 12:58 編輯 ]

"即係話，唔係法理上講唔講得通，而係佢要透過呢個宣示話俾大家知
佢仲有能力保住台灣，你哋唔好借啲意幫佢搞獨立，然後就用台灣嚟做跳板侵略 / 威脅中國。
仲有，台灣對大陸海路安全都好重要。如果對面真係獨立咗，做咗一個有實力嘅敵國，
石油之類嘅重要物資可唔可以安全到達大陸都成問題。"
唔好唔記得中共曾經講過一樣野---我們會致力提倡"台海維持現狀", 而且台灣有實力都唔會真係郁佢嗰幾粒彈, 台灣冇時間、軍備、資源去改變佢廢過中國呢個fact. 仲有一樣野我地都要記住: 呢度係討論區only....台灣有冇可能獨立到都成問題.....
ok, 即使大陸搞掂左台灣, 台灣真係能與香港這樣繁榮? 咪又係玩弄政治文字...中共美其名為"特別行政區", 台灣人了當後, 只怕自由度由10減至1...沒了總統, 什麼雞毛蒜皮的事也要請教過中共, 特首由小圈子產生...有關蔣氏年代及三民主義嘅通通掃走,所以只怕台灣民主紀念館變做"中共侵占紀念館", 國父紀念館變做"統一紀念館",喺台灣落入中共手中後係有可能實現嘅, 情形同綠營嘅去蔣化同出一轍, 與現在的台灣分別...大家諗下! 試問機智的台灣人會否上中共的當? 台灣特別行政區...還只是大陸的一廂情願.....
"香港有無你所講嘅呢啲情況出現？"
香港同台灣根本係兩回事, 第一, 台灣因為係有反共同埋三民主義等等嘅野存在, 而且以前係執政黨, 大陸要搞到咁係要洗腦。至於香港, 中國同英國都冇la冇leng, 香港又唔係反共地方, 又係"馴服"左嘅地方, 點會有呢D情況出現呢?
其實陳水扁成日又話大陸用導彈指住佢又呢又路，
唔知係佢唔明定我唔明：同一個國家嘅兩個政權對砌，
做個樣都要用導彈互指架喇，咁而家最多係無藉口唔增加導彈
(無理由整堆嘢出嚟唔用)
呢度我好同意, 我只覺得藍營先有power去管理番台灣, 綠營.....319已經令人太失望。而且綠營係"反對黨中嘅反共黨", 口出狂言只係便飯而已.....