82K / 70 曾經風光過嗎?

原帖由 mckhgc 於 2008-1-4 20:43 發表

4,5.可能閣下家景富裕，覺得畀完小/九巴賺再畀港鐵賺，唔會對閣下構成太大負擔。或者閣下好好彩，人申請公屋你申請公屋，人地就聽天/房署由命，你就有權「揀」住邊度，又或者閣下是服從性奇高，認為大家都係住公屋，大家都係畀一樣既租金水平，所得交通配套卻是差天共地係冇問題，只係識有乜就搭乜，ok，人各有志，我尊重閣下既意向，亦為閣下家景富裕及有「揀」公屋的幸福權利感到高興，不過都唔該閣下尊重他人意向，唔好阻著人地不平則嗚，亦希望閣下明白，唔係個個有閣下既家境富裕同「揀」公屋的幸福權利。

仲有「無窮無盡的需求」既唔係我，某D區呢，滿街滿巷都係免費車接駁去港鐵站，都成日嘈話接駁差、麻煩、點解個港鐵站唔起正自己樓下o個D就係喇；「果邊」呢，又有綠小又有88M駁去港鐵站，88M轉81C仲有轉乘優惠，都仲「嘈去尖沙咀」就真係喇，唔知閣下點睇呢？

再講唔講隨便你，反正你一直大說謬論和歪理，我認為已經冇討論餘地(你覺得係我唔夠你講都好，咁講謬論講歪理，我就真係唔夠你講)，我既目標亦已達到

個人感觀都廢是同你拗, 拗來都冇謂, 你係覺得唔方便, 咁痛苦, 但又唔走得又係要住, 你繼續痛苦地住囉, 悉隨尊便

由細公屋搬去大公屋都唔知幾開心 ,  富裕一d都唔係, d師奶去買餸都係咁搭小巴, 駁多程又會多幾多, 你經濟咁不景咁可能要少d出街囉, 依你所說, 就算有N條線, 你都可能搭唔起

抽公屋人人都同等機會(例外係美田一二期係優先for美林擠逼戶), 你抽個覺得衰o既你運滯囉, 同公唔公平畫唔上關係, 個個都咁樣要生耍死起市中心起二百層都唔得掂 , 不過你係要眼眼紅其他區咩咩物物, 係鐘意講點孤島點成, 我唔會阻止你, 點生活係你自己過

原帖由 mckhgc 於 2008-1-4 20:55 發表


請問「其他人」係有幾多，同係乜野人？某些巴士公司做乜都撐既巴迷/巴士公司FANS？
我夠話我認識既同村既人(唔係巴迷，亦唔多活躍於我所知既網上討論區)，個個都話呢條村既交通好差(信不信由你)，又例如呢一度都有人話新田圍差
http://forum2.hkgolden.com/view.asp?message=754512
(呢個都唔係我，至少我唔會講出「全沙田只有新田圍同美田係冇火車的」呢句明顯係錯既說話，都係信不信由你)咁又點計？

我唔排除有人會係為撐巴士公司而撐.....
不過睇左咁多頁我唔覺有好多人係咁囉....
唔知邊d 字眼令你有咁既感覺....
我接觸中文少 可能無你咁叻....

原帖由 mckhgc 於 2008-1-4 20:55 發表



仲有請你唔好亂扣帽子，我從來冇講過你講既野，我既point係

1.不論公屋私樓，都有交通好既，亦有交通差既

2.住邊個私樓，有選擇權，住邊個公屋，選擇權卻不在自己(可能上面某君除外啦)

3.交通差既私樓，樓價比同區同級樓平，公屋無論交通好定差，只要係同一大區，租金都係一樣，對獲派交通不便公屋既人黎講，真係唔方唔discriminate喇 。

無錯丫, 每個estate 既交通有好有唔好....
不過, 你話你個村差時, 我可以話係坪州 / 赤柱既housing estate仲差....
更何況交通不便呢樣野唔係一個人就可以represent 晒....
特別如果個位人係唔鐘意行, 要求咩區都到時  (可能有人連南區 / 天水圍區 都要有車直達)
我唔覺得呢d biased view 係夠persuasive 囉....

原帖由 mckhgc 於 2008-1-4 20:55 發表


至於你講既野，與我無關，我唔排除真係有人會咁唸，不過唔好意思，o個個一定唔係我。
同埋你大可放心，唔使為私樓居民擔心：

1.就算交通不便，樓價/租金亦較平，足夠抵返

2.就算交通不便，有機會有免費住客專車接送往返港鐵站/交通方便之地

3.而家政府同港鐵做緊既野，同你講既係剛剛相反，你講既根本冇可能發生，睇下港鐵對慈雲山、顯徑、利東、何文田、東涌西、海怡、黃埔設站既態度有咩分別就知

你又知交通不便就一定平?
仲有, 我想知港鐵做d 咩野? 我同你無心靈相通, 你最好講明d....

老實講我識人住馬鞍山保泰街,得6條全日線,無通霄線,
仲要有d遊街,行出去亞公角街要3-4個字
咪坐車出去轉(eg.火車站,隧道口,第一城)
咪趕尾班車返屋企

另回74, 相片待趕完工後才上載,因為之前放完大假
近日要加班