82K / 70 曾經風光過嗎?

原帖由 cheungtszfung 於 2008-1-2 21:11 發表

膠豬一樣係窄位

比起K廠果D已經好舒服

原帖由 FBI2 於 2008-1-2 09:40 發表


唔通連長亨村交通都差??

先澄清兩點
1.個人對長亨既交通不表意見
2.個人不認為冇巴士到尖沙咀就一定代表差，只是某些人亂扣帽子，照咁講，我夠可以話某些人可能就算得架82K咁既車都已經覺得好好

言歸正傳，講返新田圍既交通，首先要指出，對比沙田(不計馬鞍山)各公屋，新田圍有兩個「唯一」：

1.九巴完全壟斷全日路線，只得一架去朝早得兩班去中環既村巴(仲要貴到死)同一條通宵綠小，其它全部九巴獨食，毫無競爭。其它村起碼有綠小，當然，有城巴(170,182)，有港鐵的，亦大有村在。

2.完全無城隧路線，雖然話有282/81K<>47X/48X/49X轉乘優惠，但又幫得幾多呢？如果我搭47X/48X/49X到沙中後，282/81K已經尾車都開埋，點算(我真係試過)？如果我搭既城隧線唔係呢三條，點算(去程都仲可能拎到轉乘優惠，回程就唔得喇，例子，269D)？其它村，就算美田都有
條早上繁時線46S，新田圍同美田以外，仲條條村有全日城隧線。

新田圍出入，真係叫得做好既交通(收費、班次合理，路線直接)，有呢D，其實區內好多公屋都做到：

1.來往東九龍(黃大仙至觀塘)，有89，去程的話，仲有74A(回程太貴)，雖然可遇不可求

2.來往九龍城，有85A

3.來往西貢，有74A/89<>92轉乘(74A同樣只限去程)，不過似乎知既人唔多，主流似乎仲係貴到飛起既282<>299

4.來往沙中，有282，比起區內同類路線，算係又平又快(雖然班友碌車碌到出晒名)，短時間內來回的話，仲有89<>282轉乘優惠，$4.7攪掂

5.來往九龍塘，有80M,81M，去程的話仲有82M(回程太貴)，。不過呢個其實有點阿Q兼夾硬，去得九龍塘既，絕大多數都係為搭港鐵(除非目的地係cityu或又一城，不過你估佔整體幾多？)，如果交通真係得既，樓下就有港鐵馬鞍山線/東鐵線站啦，仲使鬼靠呢D線？

只能算做到一半的：

1.來往深水埔、長沙灣，尤其黃金高登、鴨記等(相信亦是不少板友喜愛之地)，去程86冇問題，回程太貴，比起其它村既86A或86B，明顯較差。同埋沙田嶺/尖山隧道通車後，新田圍既86仲保唔保得著，都係一個疑問.........

2.來往火炭，81K太耐，82K.......，80M可以接受，但收費偏高，比起其它有港鐵既村，明顯差一截

3.來往荃葵青，之前講左，沙田唯一完全冇城隧線既村，雖然有282/81K<>47X/48X/49X轉乘優惠係好，但都唔完全幫到，同埋經沙中後再到城隧，亦頗為迂迴

就係得咁多！如果閣下認為咁就足夠，或者閣下可控制閣下的活動範圍(包括返工返學、接送女友....)只限以上幾點，小弟甘拜下風，佩服閣下。

來往其它地方，以下幾樣，至少會中一樣

1.兜到阿媽都唔認得

2.半粒鐘一班

3.畀全費搭小小

4.得個桔，落秦石啦

剩係去旺角要成粒鐘，呢樣已經夠死。87B，282<>81唔使講，81K<>87A/81C，無論點都唔可以原站轉乘，一定要過馬路，第二程好彩唔使等的話兼最樂觀估計的話，可以比前述搭法快到10-15分鐘。
只有81M熱狗(一粒鐘最多一班)<>87A/81C，至可以o係時間同費用上，媲比其它區內大部份公屋。
當然，真係好的話，一早就搭港鐵去也了，你87A/81C出左獅隧，87B可能仲遊緊顯徑、81可能仲剛剛過美林上埔公，人地抽港鐵，未到旺角東都過左九龍塘了。

基本上，我不反對來往某些地方，新田圍會比個別區內公屋屋村方便，最明顯係來往東九龍比美林美田好，來往沙市比顯徑好，來往九龍城比秦石好，來往深水埔比廣源好(相信熟沙田區交通的板友都明白，不用解釋).....但整體而言，新田圍的交通，在很多方面都比區內其它公屋屋村差，尤其顯徑/耀、美林/田以外的屋村，君不見82K沿線，只有新田圍係焗著要挨呢條線嗎？

[ 本帖最後由 mckhgc 於 2008-1-3 00:49 編輯 ]

再講小小大吉利是野，比下新田圍同區內其它公屋，出入沙田三間醫院既交通(我就真係試過有一排日日要去其中一間，當然唔係好野)

威記：新田圍只有班次奇疏(82K)或路程奇兜兼收費貴(82M/85A)的選擇，舊文已述，不重覆。反觀其它村，只有美林美田較差，其它大部份有80K/港鐵及/或綠小的選擇，收費、路程、班次三方面，至少有一至兩樣好過82K/82M/85A。

仁安：基本上，只能去大圍港鐵站再轉其免費院車，又是81M/82K/87B，收費$3(最難搭到),$3.6(第二難搭到),$4.2,$4.7(回)/$5.5(去)(最易搭到)。
反觀其它村，最好的(新翠、隆亨、顯徑)可以直接搭免費院車，
其次的(美林、美田、秦石、瀝源)，綠小63K/68K/港鐵到大圍港鐵站，$2.7/$3，或綠小68K直接去，
最差的(禾輋、博沙乙、廣源)，88K/港鐵/綠小804到大圍港鐵站，$3.9/$4.3/$4.4，最貴都係$4.4，但其實只有廣源係咁，博沙乙可以搭$4.3既港鐵，禾輋則88K$3.9，平過$4.7/5.5既87B，係就係貴過81M(不論冷熱)同82K，但請問班次密幾多呢？
我唸黎三班港鐵既時間，804都至少黎過一班(只有廣源係一定要搭)，88K(只有禾輋係一定要搭)都可能有一班，至於81M,82K,87B，可能一架都未有都唔奇

沙田醫院：得個桔，又係除左美林美田之外，其它85K/81C/86C/綠小803起碼有一樣，去程勉強可靠81M<>81C/86C轉乘，返？最低消費$7.5，轉81M冷或87B的話(大有機會)，埋單$8.2/$8.7，人地？最貴顯徑，綠小803去$6返$4.4。

原帖由 GK9636 於 2008-1-1 21:49 發表


美田交通有幾差呀?

美田村的交通：
全日
80---唯一的全日區外線，貼錢遊花園(顯徑)的路線
283---來往沙中
綠小63K---來往大圍港鐵

呢兩條就得早上繁時幾班
46S---去葵涌
81S---去九龍塘至油麻地，又係遊花園(顯徑)的路線，其實呢條線擺明係為美田而開，都唔明佢有乜理由兜埋顯徑

就係咁多！
既如果咁都唔算差的話，OK,YOU WIN,我冇野講

原帖由 47X 於 2008-1-1 21:13 發表

請問有關路口燈口次序問題是怎樣的？

在雲疊花園與顯耀村/樓中間，車公廟路和田心街交界的T形路口，
87B新田圍方向，係沿車公廟路，向大圍港鐵站方向直行，
81M新田圍方向，則沿田心街，停顯耀村(舊稱大圍富健街)巴士分站後，右轉車公廟路大圍港鐵站方向

此路口燈位的相關綠燈次序：
1.車公廟路大圍港鐵站方向直行，即87B新田圍方向
2.田心街右轉車公廟路，即81M新田圍方向
3.其它無關方向
4.車公廟路大圍港鐵站方向直行，即87B新田圍方向
5.田心街右轉車公廟路，即81M新田圍方向
..........
所以如果有新田圍方向的87B和81M同時在此燈位塞紅燈，幾乎一定會是87B先到大圍鐵路站站(途中雖有兩個分站，表面上或會影嚮兩車先後，但此兩站幾乎完全無人上落，所以可以不理)，不知幾多人就咁無端端挨貴車

原帖由 mckhgc 於 2008-1-3 00:43 發表


美田村的交通：
全日
80---唯一的全日區外線，貼錢遊花園(顯徑)的路線
283---來往沙中
綠小63K---來往大圍港鐵

呢兩條就得早上繁時幾班
46S---去葵涌
81S---去九龍塘至油麻地，又係遊花園(顯徑)的路線，其實呢條線擺明係 ...

美林大圍有好多車揀, 你估d人唔識行去搭或者去轉車, 淨係識呆起樓下總站搭車? 可能你唔知美田本身好多都係美林搬過去

283>81, 85, 86B有轉乘優惠, 九龍中南西東都有車到, 住咁耐唔覺得有幾差囉, 46X, E42美林果站都係過條馬路就有, 唔係閒日46S/46P返放工都到o西樓下

81S對象好明顯唔係E邊, 80唔遊花園做唔做到全日咁密?

63K駁港鐵去到大把地方, 而家兩鐵合併, 朝早過海更加冇咩人搭305


作出結論時請做多d功課

原帖由 GK9636 於 2008-1-3 01:05 發表
而家兩鐵合併, 朝早過海更加冇咩人搭305

請問兩鐵合併前後，305的客量有多大的變化？

原帖由 mckhgc 於 2008-1-3 00:47 發表




在雲疊花園與顯耀村/樓中間，車公廟路和田心街交界的T形路口，
87B新田圍方向，係沿車公廟路，向大圍港鐵站方向直行，
81M新田圍方向，則沿田心街，停顯耀村(舊稱大圍富健街)巴士分站後，右轉車公廟路大圍港鐵站方向

此路口燈位 ...

我想問, 你話往新田圍, 87B不比81M慢, 係指邊個站上車?
我見你所說的燈位係車公廟路和田心街, 但又話87B「途中雖有兩個分站，表面上或會影嚮兩車先後，但此兩站幾乎完全無人上落，所以可以不理」
我諗你係講緊車公廟街頭兩站掛.
但除呢兩個站外, 顯徑街那兩個都係大站喎(對87B來說), 好多人上落, 會影響87B的行車時間喎

其實我好想知閣下係咪住係either 新田圍 同 美田?
連住客都唔覺得而家個situation 有問題時
你憑咩野 (難聽d 係有咩資格) 話呢兩區係差?

仲有, 如果你咁講, 黃埔海逸咪仲差?
成個東九龍去唔到....
個個屋村都要直車
你估巴士公司咁多巴士呀下?

原帖由 kitarolo 於 2007-12-29 09:16 發表


我的父母自小已在北區成長,他們說就算 70 號要經聯和墟
及中文大學也好,以前沒有太多交通燈,全程由上水到佐碼亦
只是 40 分鐘左右,而柴油火車接近是每小時一班,所以幾乎是
北區唯一出市區的巴士路線. 1965年開辦時 ...

睇返容兄本書,70在70年代係沙田的路線,原來出九龍方向,,去到馬場,直出,過沙田新城市廣場出今日的文化博物館上獅隧,入上水方向也是一樣,這樣,70係沙田區冇咩站,很車路線直接,當時的70主打係大埔公路(中大),大埔,同北區客