82K / 70 曾經風光過嗎?

原帖由 Honman 於 2008-1-2 11:09 發表


不如討論一些客觀標準, 以評核在沙田區內(不計馬鞍山), 什麼才算是可以接受的交通配套.
個人認為:
要有一程車:
15 分鐘到沙田市中心
15 分鐘到地鐡站 (如九龍塘或鑽石山)
在最多轉一程車(可轉港鐡)及不用行五分 ...

大致認同，不過我有小小建意：以下綠字為本人新加建意

同埋閣下似乎只著重時間，而忽略車費

以下不包括馬鞍山

要有一程車:
15 分鐘到沙田市中心，車費上限為$3.5冷馬

15 分鐘到地鐡站 (如九龍塘或鑽石山)，車費上限為$.4.7冷馬，如果本身屬前九鐵車站可接受步行範圍，可豁免此標準

至於可接受步行範圍的定義，個人建意如下，可擇其一或其幾

1.車站內出口指示牌(A,B,C出口那些)有提及該村，例如大圍站出口指示提及美林村，故美林村屬大圍站可接受步行範圍：車公廟站無提及新田圍村，故新田圍村不屬車公廟站可接受步行範圍

2.正常步行速度，10分鐘以內路程

3.路程要以平路，旺街為主，不可有長命斜、數十級樓梯、僻靜小路等

在最多轉一程車(可轉港鐡)及不用行五分鐘便到巴士站的大前提下:
45 分鐘到: 尖沙咀, 荃葵
30 分鐘到: 旺角, 觀塘
60 分鐘到: 過海 (包括: 中環, 老銅, 鰂魚涌).

需要加減其他標準嗎?

建意加入以下標準：
1.只接受有轉乘優惠的轉乘
2.去回程同價
3有機場及東涌路線

另，不知港鐵內的轉乘，是否也計作「轉車」呢？如果計的話，過海o個D好難達標...，淨係馬線>東線>荃線已經轉左2次，兩年後九龍南線通車，，沙中線又未有，仲大鑊！須知將軍澳以外的九龍東及新界東，在鐵路發展上一直備受輕視，更是過海重災區


需要加減其他標準嗎?

[ 本帖最後由 mckhgc 於 2008-1-3 22:15 編輯 ]

原帖由 GK9636 於 2008-1-3 01:05 發表


美林大圍有好多車揀, 你估d人唔識行去搭或者去轉車, 淨係識呆起樓下總站搭車? 可能你唔知美田本身好多都係美林搬過去

283>81, 85, 86B有轉乘優惠, 九龍中南西東都有車到, 住咁耐唔覺得有幾差囉, 46X, E42美林果站 ...

1.我幾乎每日都o係美田同美林之間來回，呢兩條村既距離真係咁近？美田冇？去美林搭囉！真係講得咁輕鬆？我完全唔覺，再講，美林既交通，亦講唔上係好，整體黎講，我只認為好過新田圍少少(只係少少)，最大好處係有E42，不過已係尾站，早上繁時去到美林仲上唔上到，係好大疑問。

2.就當你唔認同我講既野，堅持美林同美田係好近，行過去好輕鬆，OK，我唔同你拗。只不過如果此論點成立，就正正反證出，九巴拉80,283入美田，同埋為283同美林既線設轉乘優惠，係多此一舉浪費資源既一大弊政，既然兩度咁近，行過去味得囉！使乜攪呢D野？浪費八仔機D RAM同80,283既油！

3.81S唯一總站位於美田村，投入服務時期(2006年初)亦和美田村新入伙時期相若，相反其繞經的顯徑村，當時已入伙20年
從81S既投入服務時期，總站選址來看，如果講得出「81S對象好明顯唔係E邊(美田)」的話，講真同話「輕鐵5A區對象好明顯唔係天水圍北」冇咩分別。

4.乜綠小63K唔使錢？定係同港鐵有轉乘優惠？我承認63K同沙田區內其它相若既路線比較，確係又平又快，只係而家有唔少屋村，唔使駁車就已經大大個港鐵站o係下面，相比之下，要駁車(仲係無任何轉乘優惠，又要畀小/九巴賺又要畀港鐵賺)至到港鐵站的話，根本同「好」、「 方便」有一大段距離。

照你咁講的話，顯徑班人唔使爭取顯徑站啦，黃埔班人唔使爭取黃埔站啦，已經有小巴駁去港鐵站咁好咯，仲唔滿足？成條馬鐵唔使起啦，城河東馬鞍山個個搭8xK/28x駁車去味得囉。

話說回來，如果以鄰近港鐵站衡量一個屋村的交通方便程度的話，我認為應以以下作準則：

Excellence： 與港鐵站融為一體，無須經過露天地方即可抵達港鐵站，就算黑色暴雨加十號風球，都可以唔帶傘去到港鐵站而滴水不濕(呢個商廈就大把，私樓都有，但應該唔多，公/居屋都有，但更少數)

Very Good 在港鐵站可接受步行範圍內，須經過若干露天地方才可抵達港鐵站(而家大部份沙田公屋都係咁)

Good 與港鐵站的距離不屬可接受步行範圍，但有免費交通工具接駁(沙田區內係冇)

Fair 與港鐵站的距離不屬可接受步行範圍，有收費交通工具接駁，收費$3或以下(美田畀盡都係呢級)

Poor 與港鐵站的距離不屬可接受步行範圍，有收費交通工具接駁，收費$3.1-$.3.5之間

Very Poor 與港鐵站的距離不屬可接受步行範圍，有收費交通工具接駁，收費$3.6或以上

需要修改、增刪甚麼準則嗎？

原帖由 teddybus 於 2008-1-3 08:52 發表
其實我好想知閣下係咪住係either 新田圍 同 美田?
連住客都唔覺得而家個situation 有問題時
你憑咩野 (難聽d 係有咩資格) 話呢兩區係差?

仲有, 如果你咁講, 黃埔海逸咪仲差?
成個東九龍去唔到....
個個屋村都要 ...

我正正係住其中一條村，同時每日均出入另一條村兩次，請問有資格講嗎？

同埋請勿把公屋和私樓/居屋混為一談，選擇是否購買/租用某私樓/居屋前，有責任了解該處交通，如果不滿意，絕對可不購買/租用，買/租得，其實即係代表接受。

但公屋就唔係咁講法，純係一個睇你好唔好彩既遊戲，申請人冇得指定某(些)屋村，只可以任得房署派，派左之後，只有接受或拒絕的選擇，拒絕權亦只有兩次，第三次拒絕就得重新輪候數年，所以一旦被派孤島區公屋，即使明知該處交通不便，有時亦很難拒絕。

同埋，私樓/居屋如果交通不便，樓價/租金亦相對較平，足以抵償交通上的不便(當然係同區同級計，唔好拎南區豪宅同港鐵上蓋中產樓比，話點解前者交通不便反而貴咁多，以呢度某D人既智商，我驚真係有人會咁講！)，你睇下大圍，美松、嘉田永遠比富嘉平一大截。

但公屋呢？只要係同一大區(房署的分區)，不論是港鐵上蓋30幾條巴士小巴線兼鄰近大型商場加無敵海景，還是「自成一國」得三幾條又疏又兜到阿媽唔認得既巴士線兼得個九成吉舖既商場仔加垃圾站火葬場隔離，租金都係一樣，對不幸獲派後者公屋既人黎講，根本極不公平。

原帖由 mckhgc 於 2008-1-3 21:13 發表


我既意思係，假設新田圍方向既81M同87B，如果一齊到達車公廟路和田心街交界的燈位的話，87B極大機會會比81M先到大圍港鐵站(以大圍去新田圍計，大圍港鐵站站係最多線，81M,87B,82K齊晒，亦係最多人用)

我終於明白你的意思了
但問題係, 每日有幾多班次會因為兩線同時停車公廟路/田心街燈位, 引致你所講的情況出現?

原帖由 mckhgc 於 2008-1-3 22:27 發表


1.我幾乎每日都o係美田同美林之間來回，呢兩條村既距離真係咁近？美田冇？去美林搭囉！真係講得咁輕鬆？我完全唔覺，再講，美林既交通，亦講唔上係好，整體黎講，我只認為好過新田圍少少(只係少少)，最大好處係有E42，不過已係尾站，早上繁時去到美林仲上唔上到，係好大疑問。

如果果段路算遠, 你除了住起市中心上面, 我諗只有一種交通工具可以你滿足點都點的需求

2.就當你唔認同我講既野，堅持美林同美田係好近，行過去好輕鬆，OK，我唔同你拗。只不過如果此論點成立，就正正反證出，九巴拉80,283入美田，同埋為283同美林既線設轉乘優惠，係多此一舉浪費資源既一大弊政，既然兩度咁近，行過去味得囉！使乜攪呢D野？浪費八仔機D RAM同80,283既油！

283轉乘未有美田果時已經有, 同行得近遠就冇咩關係, 不過而家283入埋美田, 所以以更方便的途徑搭, 可以減省你認為遙遠的5分鐘路程, 不過衰在回程要遊花園, 轉乘點要過行人隧道, 80原本搵個大總站擺車順道建議入美田做總站, 點知隔離邨苑冇得優先揀位先, 邊個咁樣兜, 如果80唔兜入來d人咪照行出去搭, 有差嘛? 咁美松苑就更加唔就方便囉, 先成日爭取80再兜多個圈

3.81S唯一總站位於美田村，投入服務時期(2006年初)亦和美田村新入伙時期相若，相反其繞經的顯徑村，當時已入伙20年
從81S既投入服務時期，總站選址來看，如果講得出「81S對象好明顯唔係E邊(美田)」的話，講真同話「輕鐵5A區對象好明顯唔係天水圍北」冇咩分別。

擺個總站起度o者, 美田上的人十隻手指數到, 有d仲係大圍就落 , 同81比, 山路快定隧道快呢吓? 果邊嘈去尖沙咀, 見有條新邨入伙開條線塞住人把口, 如果81S兜o西美林就上T3就唔同講法, 條線兜顯徑又仲咩? 實在客源又起邊呢, 不妨觀察下

4.乜綠小63K唔使錢？定係同港鐵有轉乘優惠？我承認63K同沙田區內其它相若既路線比較，確係又平又快，只係而家有唔少屋村，唔使駁車就已經大大個港鐵站o係下面，相比之下，要駁車(仲係無任何轉乘優惠，又要畀小/九巴賺又要畀港鐵賺)至到港鐵站的話，根本同「好」、「 方便」有一大段距離。

你鐘意可以踩單車, 行路都得, 不過要3個幾字, 俾埋條小巴線仲想點? 條條邨掘個站先滿足? 有咩野就搭咩, 咁唔掂就唔好揀起度住啦

照你咁講的話，顯徑班人唔使爭取顯徑站啦，黃埔班人唔使爭取黃埔站啦，已經有小巴駁去港鐵站咁好咯，仲唔滿足？成條馬鐵唔使起啦，城河東馬鞍山個個搭8xK/28x駁車去味得囉。

佢肯起個站唔驅呀, 咁而家有冇站先, 冇呀嘛, 有咩就搭咩架啦, 咁樣樓下有去o西咁多區的線唔駛轉車, 你不如儲多d錢搬去市中心, 或者申請調遷去大路旁公屋, 滿足o西你無窮無盡的需求

原帖由 Honman 於 2007-12-29 09:41 AM 發表


6-15 的確難以想像, 不過想回頭, 當年北區缺乏足夠交通, 6-15 應該都有得做.
請問該網站是否已關門大吉, 若否, 可否提供, 它好像很有趣.

應該無咗喇，
幾年前我嘗試搵過都搵唔番。

原帖由 mckhgc 於 2008-1-3 22:34 發表

我正正係住其中一條村，同時每日均出入另一條村兩次，請問有資格講嗎？

同埋請勿把公屋和私樓/居屋混為一談，選擇是否購買/租用某私樓/居屋前，有責任了解該處交通，如果不滿意，絕對可不購買/租用，買/租得，其實即係代表接受。

但公屋就唔係咁講法，純係一個睇你好唔好彩既遊戲，申請人冇得指定某(些)屋村，只可以任得房署派，派左之後，只有接受或拒絕的選擇，拒絕權亦只有兩次，第三次拒絕就得重新輪候數年，所以一旦被派孤島區公屋，即使明知該處交通不便，有時亦很難拒絕。

同埋，私樓/居屋如果交通不便，樓價/租金亦相對較平，足以抵償交通上的不便(當然係同區同級計，唔好拎南區豪宅同港鐵上蓋中產樓比，話點解前者交通不便反而貴咁多，以呢度某D人既智商，我驚真係有人會咁講！)，你睇下大圍，美松、嘉田永遠比富嘉平一大截。

但公屋呢？只要係同一大區(房署的分區)，不論是港鐵上蓋30幾條巴士小巴線兼鄰近大型商場加無敵海景，還是「自成一國」得三幾條又疏又兜到阿媽唔認得既巴士線兼得個九成吉舖既商場仔加垃圾站火葬場隔離，租金都係一樣，對不幸獲派後者公屋既人黎講，根本極不公平。

咁就更加奇....
其他人都唔覺得有問題
係你覺既....
我想問你係咪你個屋村出每個區既需求都大到要開條新線?
富亨都無車出觀塘, 荃灣啦, 要去到大中喎....
係咪又要開兩條線比呢個屋村哩?

你咁講係咪即係私人樓就可以唔使開直線
全部巴士quota 要比晒公屋?
唔知咁樣算唔算discriminate 一班住私人樓既人哩?

** oh sorry 唔記得講, 同樣道理, 你唔滿意個村大可以唔住搬出黎....
私人樓唔係你想像中咁貴, 又有你想像中咁方便....

[ 本帖最後由 teddybus 於 2008-1-4 18:44 編輯 ]

原帖由 GK9636 於 2008-1-3 23:50 發表


如果果段路算遠, 你除了住起市中心上面, 我諗只有一種交通工具可以你滿足點都點的需求



283轉乘未有美田果時已經有, 同行得近遠就冇咩關係, 不過而家283入埋美田, 所以以更方便的途徑搭, 可以減省你認為遙遠的5 ...

1,2，既然咁唔遠咯，味由D人自己美田美林咁出出入入搭車囉，有乜問題姐？80,283咁多年都唔入美田/香粉寮臨屋區，而家就拉入去，要用多D油又冇得加價(你知喇，家陣D油幾貴，巴士公司做得幾咁辛苦啦)，係咁多人搭，唔拉入去，唔使用多D油，D人會唔搭咩？味又係自己行一段好唔遠既路去搭，結果味一樣咁多人搭。用多D油，同唔使用多D油，客量都係一樣，但九巴就偏偏選擇要用多D油，九巴簡直係傻既~~~~~一係九巴做左D浪費金錢又無意義既野(九巴錯)，一係就根本唔係唔遠(閣下錯)，是旦一樣。

3a.一條新路線，投入服務日期，正係一條新屋村入伙時期，總站亦設於該新入伙屋村，如果咁既論據所得結果係「呢條新線對象好明顯唔係呢條新村」的話，咁我好想知道要點樣，至算對像係該新屋村？

3b.81S最南只去到佐敦道，即佐敦港鐵站北端，根本唔到尖沙咀(柯士甸道以南)。

3c.81S服務時間，「果邊」已經有村巴，而且南至近海防道，比只到佐敦港鐵站北端既81S更「尖沙咀」，再講，學閣下話齋，想去尖沙咀？有綠小畀你搭去大圍轉港鐵又得，有88M畀你去九龍塘轉港鐵又得，轉81C又得，轉81C仲有轉乘優惠，仲想點？所以「果邊嘈去尖沙咀」已經係理據不足，九巴以81S這個和該村巴重疊得來又相對不足(不論服務時間、行車路線)既服務去「塞住人把口」，亦係不合邏輯兼浪費資源，你既論點再一次不攻自破，除非九巴真係傻到去做一D唔合理既野來回應一D唔合理要求。

不過以閣下既高深邏輯，「果邊」可能唔係我理解既顯徑啦。

再講，「嘈」佢佢就要「塞住人把口」？係就好囉，係咁的話，起碼龍運同九巴一早有轉乘優惠咯(預左你會撐佢話龍運同九巴係兩盤數，所以「做唔到」，事實：完全係兩間公司既龍運同嶼巴都做到)

溫馨小提示：死都要撐著巴士公司之前，唔該做下功課同用下腦分析下先

4,5.可能閣下家景富裕，覺得畀完小/九巴賺再畀港鐵賺，唔會對閣下構成太大負擔。或者閣下好好彩，人申請公屋你申請公屋，人地就聽天/房署由命，你就有權「揀」住邊度，又或者閣下是服從性奇高，認為大家都係住公屋，大家都係畀一樣既租金水平，所得交通配套卻是差天共地係冇問題，只係識有乜就搭乜，ok，人各有志，我尊重閣下既意向，亦為閣下家景富裕及有「揀」公屋的幸福權利感到高興，不過都唔該閣下尊重他人意向，唔好阻著人地不平則嗚，亦希望閣下明白，唔係個個有閣下既家境富裕同「揀」公屋的幸福權利。

仲有「無窮無盡的需求」既唔係我，某D區呢，滿街滿巷都係免費車接駁去港鐵站，都成日嘈話接駁差、麻煩、點解個港鐵站唔起正自己樓下o個D就係喇；「果邊」呢，又有綠小又有88M駁去港鐵站，88M轉81C仲有轉乘優惠，都仲「嘈去尖沙咀」就真係喇，唔知閣下點睇呢？

再講唔講隨便你，反正你一直大說謬論和歪理，我認為已經冇討論餘地(你覺得係我唔夠你講都好，咁講謬論講歪理，我就真係唔夠你講)，我既目標亦已達到

[ 本帖最後由 mckhgc 於 2008-1-4 20:59 編輯 ]

原帖由 teddybus 於 2008-1-4 18:42 發表


咁就更加奇....
其他人都唔覺得有問題
係你覺既....
我想問你係咪你個屋村出每個區既需求都大到要開條新線?
富亨都無車出觀塘, 荃灣啦, 要去到大中喎....
係咪又要開兩條線比呢個屋村哩?

你咁講係咪即係私人樓 ...

請問「其他人」係有幾多，同係乜野人？某些巴士公司做乜都撐既巴迷/巴士公司FANS？
我夠話我認識既同村既人(唔係巴迷，亦唔多活躍於我所知既網上討論區)，個個都話呢條村既交通好差(信不信由你)，又例如呢一度都有人話新田圍差
http://forum2.hkgolden.com/view.asp?message=754512
(呢個都唔係我，至少我唔會講出「全沙田只有新田圍同美田係冇火車的」呢句明顯係錯既說話，都係信不信由你)咁又點計？

仲有請你唔好亂扣帽子，我從來冇講過你講既野，我既point係

1.不論公屋私樓，都有交通好既，亦有交通差既

2.住邊個私樓，有選擇權，住邊個公屋，選擇權卻不在自己(可能上面某君除外啦)

3.交通差既私樓，樓價比同區同級樓平，公屋無論交通好定差，只要係同一大區，租金都係一樣，對獲派交通不便公屋既人黎講，真係唔方唔discriminate喇 。

至於你講既野，與我無關，我唔排除真係有人會咁唸，不過唔好意思，o個個一定唔係我。
同埋你大可放心，唔使為私樓居民擔心：

1.就算交通不便，樓價/租金亦較平，足夠抵返

2.就算交通不便，有機會有免費住客專車接送往返港鐵站/交通方便之地

3.而家政府同港鐵做緊既野，同你講既係剛剛相反，你講既根本冇可能發生，睇下港鐵對慈雲山、顯徑、利東、何文田、東涌西、海怡、黃埔設站既態度有咩分別就知

原帖由 kiwai 於 2008-1-3 22:42 發表


我終於明白你的意思了
但問題係, 每日有幾多班次會因為兩線同時停車公廟路/田心街燈位, 引致你所講的情況出現?

唔好意思，小弟不才，亦唔係巴迷，唔識答你，而且以87B在旺角的塞車，亦估計變數太大，難以統計，希望有高手知道