討論網上淫照事件風波

原帖由 307 於 2008-2-12 23:38 發表

清醒時讓自己的「另一半」拍下裸照？

這一句有小小唔認同，因為我讀電腦o既細佬同我講
阿gill的相片，有好大機會係由片copy出黎。
所以，如果係真係我細佬o甘講，拍片有可能真係唔知架wor

當多一個可能

原帖由 238X 於 2008-2-13 12:49 發表


嗰位仁兄明顯將鍾小姐同警方綁埋一齊鬧。
問心，鍾小姐同過佢哋有咩深仇大恨，可以佢哋做啲咁嘅嘢都仲咁多人撐佢哋？
況且，警察點對佢哋唔住，都無理由將警方的責任推到鍾小姐身上。

virus 兄之前講過「唔可以將個班市井 ( ...

問題係鍾小姐那分零鐘的獨白內容是否恰當
說自己很傻很天真原意應該係叫大家唔好再理依件事
但比大眾的感覺好呼籲
而藝人係大部分人心目中都係公眾人物，所以對他們的一言一行會特別關心
但咁 如果阿gill真係去探果班犯人 一定會比人話做show~~

不過咁wor今次柏芝無事 似乎係大家已覺得柏芝係果種人 但阿gill就唔係..

原帖由 CN9AMT100UP 於 2008-2-13 13:56 發表
這一句有小小唔認同，因為我讀電腦o既細佬同我講
阿gill的相片，有好大機會係由片copy出黎。
所以，如果係真係我細佬o甘講，拍片有可能真係唔知架wor

當多一個可能

但有部份就真係似就咁影。
不過點講都好，
如果係唔知情俾人影的，
咁拍攝者就當然應該道歉啦...

原帖由 307 於 2008-2-13 16:06 發表

但有部份就真係似就咁影。
不過點講都好，
如果係唔知情俾人影的，
咁拍攝者就當然應該道歉啦...

陳冠希敢唔敢番來..我怕楊超成很介意這事..
不過佢番來認自己錯 同埋幫比人拉的部分人講兩句好話 可以消下聲

原帖由 tonytsang_hk 於 2008-2-13 14:56 發表


問題係鍾小姐那分零鐘的獨白內容是否恰當
說自己很傻很天真原意應該係叫大家唔好再理依件事
但比大眾的感覺好呼籲
而藝人係大部分人心目中都係公眾人物，所以對他們的一言一行會特別關心
但咁 如果阿gill真係去探果 ...

其實事實上, gil 現時情況都好麻煩同難做, 亦係我之前講, 好多野亦唔
係佢一個控制....

事件上, 佢有無可能直認d相係真? 需唔需要道歉?

從公司立場, 當然唔可以直認, 因為的確好多商業因素影響...
而且默認的衝擊比較細, 如果要gil 親口講的話....

是否需要道歉? 其實亦因為呢件事本身唔係犯法, 亦唔算咩真係錯事,
(相對吸毒, 頂包等)我覺得本身唔需要道歉, 當然, 實際上, gil 有對社
會的影響而致歉,而沒有為行為致歉, 我覺得有關方面係想取一個平衡....

至於用"天真"同"傻" 係唔係好, 我自己都覺得唔理想, 但再諗下,
係好多限制下, 似乎真係無乜野可以講, 即咁樣表達, 似乎係較平淡
的演繹...

至於有人覺得分零鐘太短, 但我覺得只是講多錯多.....其實佢點講
都一樣有人鬧..

我始終認為, 唔好再小事化大, gil 只是一個明星, 唔係官,
唔係議員, 亦唔係學者, 如果大家要針對佢一言一語, 一定大把
野可以鬧, 但我會比較欣賞佢無當眾喊的堅強...無俾d人睇死...

事件上, 睇返d人言論, 發現好多人根本無當阿gil 係一個人, 而是
當佢係超人....點解依家先出黎? 點解講埋d咁o既野? 但那d
人又有無諗過, 面對一件咁的事, 以一個女仔黎講, 就算唔係明星,
要面對都非常非常困難....不論你覺得佢抵唔抵死.....

不論是否商業考慮, 佢肯第一個出黎, 已經係無比勇氣..

好多人, 由頭到尾, 都無俾過時間同空間去令呢件事好d解決,
只是不斷鬧, 鬧eeg, 鬧警方, 鬧gil, 其實依家香港人, 是否
只是識得批評? 呢件事更能清楚睇到... 即係有錯批評係o岩,
但已經過晒火位...

問心, 我01 年開始睇佢, 支持佢, 正正因為我支持左佢7年,
我望到第一張相時, 唔駛估, 我都已經知道係差不多99%真....
我本身一向唔會點理明星的私生活, 因為我要睇的, 係人前
的佢....佢背後點, 都唔會關我事, 除非真係殺人放火咁犯法.
對其他明星都係....但事件有無令我唔開心, 有, 雖然我唔點
理人地私生活, 但我都無預我咁樣睇到....但我更唔開心係睇到
有d人/報紙的言論.....

[ 本帖最後由 3ASV196 於 2008-2-13 21:10 編輯 ]

偶像二字係代表一個人值得去跟從學習其精神和專重

不知由那一天開始,偶像開始被神話化,偶像應該是不食
人間煙火,不會有七情六慾,甚至不會訓覺沖涼

講真偶像都是人,人都會有私生活,可能A偶像鍾意食臭
豆腐同榴槤,但為了所謂形象同面子,只好對著鏡頭話自
己最唔鍾意食任何臭食物,但被人見到在街上食臭豆腐,
仲要一食食夠3件

食臭豆腐本身係無罪,只是世人用甚麼角度去評價,正如
今次事件,你覺得臭豆腐只是一件豆腐,咁就無必要花時
間去深究,否則只會與其他網民有何分別?外間的批評只
是個人或相關機構意見,你覺得件豆腐開始變質,咪唔食
豆腐改食其他東西,否則豆腐仍然是豆腐,只是外面多了
幾個花紋

原帖由 orange 於 2008-2-15 02:43 發表
偶像二字係代表一個人值得去跟從學習其精神和專重

不知由那一天開始,偶像開始被神話化,偶像應該是不食
人間煙火,不會有七情六慾,甚至不會訓覺沖涼

講真偶像都是人,人都會有私生活,可能A偶像鍾意食臭
豆腐同榴槤,但為了所謂形象同面子,只好對著鏡頭話自
己最唔鍾意食任何臭食物,但被人見到在街上食臭豆腐,
仲要一食食夠3件

食臭豆腐本身係無罪,只是世人用甚麼角度去評價,正如
今次事件,你覺得臭豆腐只是一件豆腐,咁就無必要花時
間去深究,否則只會與其他網民有何分別?外間的批評只
是個人或相關機構意見,你覺得件豆腐開始變質,咪唔食
豆腐改食其他東西,否則豆腐仍然是豆腐,只是外面多了
幾個花紋

橙兄, 似乎你先調亂了一些東西...
本來偶像就是用來指那些 並非真實, 但有個像, 有個可以見到既形態 的 '神'.....
後來偶像演變為指那些 受人敬重, 受人愛戴的, 值得去學習的人....

老實說, 在宗教角度而言, 偏愛聽任何一個藝人的歌曲或演出都ok,
但視之為偶像就已經唔可以了..

先不要講呀gill,張小姐都夠慘啦,拉姑唔支持佢,連霆鋒都聽聞暫時分房訓,不過都唔怪得佢,老婆搞d咁ga野,係男人
都嬲啦,可能連個仔係未佢都唔知(我只是推測,不喜勿罵)希望佢地唔會因為咁搞到"家變"

P.S:正當警方全力緝「奇拿」時,佢真係愈玩愈大,無啦啦係14/2放多幾張不雅相

原帖由 053h4 於 2008-2-17 11:25 發表

http://www.mingpaonews.com/20080217/gba1.htm

"真有犯罪的不用說，律師會幫他解畫；沒有犯罪更不用講什麼，萬一講了出來，警方將口供放了給第三者當娛樂新聞炒作怎辦？」"

根本可能有人明知件事查唔到真相
甚至本來就唔想出真相的人去報警
原因是為了什麼?

除了增加見報機會, 都好難了解報警者的動機

唔知閣下有冇聽過黑道中既 "輸打嬴要"?
通常處於下風既, 或者, 唔夠人多本錢既, 咪會借白道幫忙law...