蘋論︰淫照風暴的最大教訓是揭露虛偽

原帖由 hkbw 於 2008-2-15 01:51 發表


其實, 大家有冇留意一樣野, d所謂既 '相' 相信係由短片中cut出來的...
究竟係佢自願拍, 還是佢根本唔知有被拍, 從來冇人敢肯定...

唔好話見到佢望著鏡頭就當佢知被人拍...小弟好記得幾年前拎著部A40,
同幾個朋友食飯, 個女性友人指著部機既鏡頭問, 呢個係乜來架...跟著就被我影左張相了..
大家都笑左勁耐...

'一定唔會影裸照' , 呢點老實講真係值得商榷...
所以有時講野真係唔好講到咁盡...
情到濃時, 無論男仔女仔, 都好易做錯事..(如果唔係就唔會咁多'意外', 咁多 '奉子成婚'啦)

但老實講, 個人認為, 一日未肯定當事人是否知道而容許咁做既時候, 都唔應該咁樣炮轟人地...

如果當事人唔知既話, 當然無辜..就算知..我諗咁樣公開D相, 都已經算係相當大的懲罰,
身為局外人的我們, 又係咪一定要加多D鹽同醋落去呢?!

俺先至聲明：我就睇過好多呢D淫照，大大話話都有幾百張
先唔講其他事主，淨係講鍾欣桐
佢既部份大特寫口交相，
正常有人像攝影學識既人一定睇得出鍾欣桐同
眼神情同鏡頭有明顯既交流，（不過你唔係俺朋友，俺唔可以傳俾你睇）

當然~如果你話拍片=/=拍裸照，或者
眼神同鏡頭有交流=/=知道被拍
咁你講果番話絕對成立
亦無錯，全相被公開確實係相當大既懲罰，
但係為左俺同俺下一代著想，俺係無可能粒聲唔出或者舉牌支持佢
假如有一日俺個女黎叫我支持佢同佢男朋友發生性行為兼影裸照，
佢話佢偶像都做得，點解佢唔做得？咁俺點同D仔女交代？
即係如果佢唔係一個有影響力既人，
俺睬佢都傻，你見唔見俺炮轟之前響布吉被拍果對情侶？

原帖由 hkbw 於 2008-2-15 01:51 發表


其實, 大家有冇留意一樣野, d所謂既 '相' 相信係由短片中cut出來的...
究竟係佢自願拍, 還是佢根本唔知有被拍, 從來冇人敢肯定...

唔好話見到佢望著鏡頭就當佢知被人拍...小弟好記得幾年前拎著部A40,
同幾個朋友 ...

由短片中cut出來既相我唔講,不過佢有d相係著內衣擺埋post既,
我真係打死都唔信佢唔知俾人影。
有冇假新聞都好,呢d相同佢形象差距太大,出黎講好傻好天真,仲要打埋小朋友落水,
實在令人難以接受。
佢地有如何既私生活我唔理,閂埋門點會有人知,
但係又要影相,就實有俾人睇到既可能,
否則根本唔會發生呢件事。

原帖由 dicksonboy 於 2008-2-15 02:00 發表

關於陳冠希，我由此至終都無話佢岩，話佢唔駛負責喎，你又唔好斷章取義
我只係話我覺得佢去美國係為左箍煲，佢女朋友仲so唔so佢，唔係我想講既亦唔係我想帶出既重點
不過既然你問，我就講下，你都能夠原諒一個自天稱真可愛傻乎乎兼同你無喇無lun既人，
咁我就覺得陳冠希女朋友原諒佢男朋友亦不無可能

講返正題，俺炮轟鍾欣桐只係舒發自己對偽人既情感
俺無興趣去知佢有無改過自身，俺只係唔想俺既下一代會視如斯人做偶像，
俺唔想俺既仔女去自拍裸照，俺唔想俺既仔女做過不負責任既人
俺當然知道教仔係自己責任，但係俺今日唔講呢番話，假若第時D仔女真係行上呢條路
俺就真係會非常自責，今日俺講左，都叫做盡左部份責任，第時D仔女條路佢自己揀，
俺都會覺得俺盡過力，俺相信呢番話會係好多父母既心聲

如果要係義人先至可以鬧人，明光社同教會，甚至你父母都應該可以收檔
佢地有邊個唔係罪人？牧師話人一出世就有罪，就係罪人，信者得左救
只係話你既罪最終會被寬恕，始終係帶罪之身
如果係義人先可以鬧人呢句話，只有你既耶穌/上帝先有資格講

1. 佢冇得罪過我, 我做乜要原諒佢?! 佢既私生活關我乜事?
我反而覺得係班拎著所謂 '公眾有知情權' 做擋箭牌, 將唔應該放係頭版既相放登晒係頭版,
呢D先係害左我地下一代; 在網上面做假新聞, 企圖將一些不合理的事合理化甚至英雄化,
呢D更加害左我地下一代

2. 乜家陣香港今時今日先'道德淪亡"? 定係你覺得係鍾小姐事件之後就突然 因為佢而'淪亡'?
一D社會既責任, 令到今時今日件事去到如斯境地, 但卻將所有有關無關的事都歸究落一人身上, 算是公平嗎?
如果閣下要盡責的話, 看來唔應該只係PARTIALLY咁做, 而係應該連黎生旗下既報紙雜誌, 成龍等都應該罵埋..

3.

假如有一日俺個女黎叫我支持佢同佢男朋友發生性行為兼影裸照，佢話佢偶像都做得，點解佢唔做得？咁俺點同D仔女交代？

如果簡單如這般的問題都不懂對應, 這樣的父母似乎根本不稱職, 甚至, 我自己個人認為咁都唔識應對的不應該做人地父母...

4.

如果要係義人先至可以鬧人，明光社同教會，甚至你父母都應該可以收檔
佢地有邊個唔係罪人？牧師話人一出世就有罪，就係罪人，信者得左救
只係話你既罪最終會被寬恕，始終係帶罪之身
如果係義人先可以鬧人呢句話，只有你既耶穌/上帝先有資格講

斷章取義的, 似乎非本人..
罵人要看出發點..
父母, 老師, 教會的出發點顯然而見, 佢地都唔係要留難人, 而係要大家改善, 想大家轉好, 有建設性的..
相反, 我看不出現在的人和聖經入面那班想把那行淫婦人治死的人有甚麼分別.

若要論資格的話, 從哪一個角度看, 小弟都看不出誰人有論斷別人的資格...

[ 本帖最後由 hkbw 於 2008-2-15 08:16 編輯 ]

原帖由 dicksonboy 於 2008-2-15 01:31 發表



不嬲都企定~ 既然佢無話‘唔接受婚前性行為’，咁我就收番婚前性行為果句
但係鍾欣桐之前拍果套乜乜復仇記，大大聲話自己‘一定唔會影裸照’又點計？
你有興趣就慢慢去搵返份報導慢慢睇~
仲有喎，被偷影睇到個膊頭就唔知 ...

我又要POST POST 明報

http://ol.mingpao.com/cfm/star5.cfm?File=20080215/saa02/med1.txt

"我們常說藝人要保護形象，正正因為藝人形象與真性情是有一定差距的，
並非虛偽，是職業需要。"其實同我在另文的意見, 要分返"虛偽" 同"工作"
的言論 類似......如果要搵d 口不對心的說話, 一定有, 因為佢地飲一啖水,
都要睇下咩牌子的.....

見大家成日講"錯"時, 都係那句, 呢樣野本身係唔係"錯"呢?
其實我由頭到尾, 都睇唔到錯處係邊..."公眾人物"唔係用作
上綱上線的理由......當然, "公眾人物"本身有受公眾留意, .
但與一件事本身"對錯"的本質, 我見唔到有這麼大的影響....

影相本身唔係錯事, 形象同事實有差別, 亦稱不上錯, 又都係那
句, 錯事 同 私事 的分別

原帖由 joeli16 於 2008-2-15 03:59 發表

由短片中cut出來既相我唔講,不過佢有d相係著內衣擺埋post既,
我真係打死都唔信佢唔知俾人影。
有冇假新聞都好,呢d相同佢形象差距太大,出黎講好傻好天真,仲要打埋小朋友落水,
實在令人難以接受。
佢地有如何既私生活 ...

其實呢單野, 由始至終我都覺得幾好笑..
雖然有關藝人某程度上我都覺得是自找的,
但..原來被人偷野, 然後不合法地公開, 而個樣野又係大家都想知既野, 大家就會覺得咁係無問題...

雖然話就話如果DAY 1 佢地唔影就冇事...但..就算人地影左就要等於預左會有機會唔見左, 要預左被人公開?!
奇怪的LOGIC呢...
即係, 我買部車返來, 就算鎖好晒, 之後俾人偷左, 都係我既錯?!

原帖由 hkbw 於 2008-2-15 08:21 發表


其實呢單野, 由始至終我都覺得幾好笑..
雖然有關藝人某程度上我都覺得是自找的,
但..原來被人偷野, 然後不合法地公開, 而個樣野又係大家都想知既野, 大家就會覺得咁係無問題...

雖然話就話如果DAY 1 佢地唔影就 ...

另一篇明報:, 前日的, 都係值得睇下, 簡單說明了

http://ol.mingpao.com/cfm/star5.cfm?File=20080213/saa02/med1.txt

今次事件只不過是將娛樂圈真實的一面展現出來，當每個人都以為
自己喜愛的偶像真的很清純很可愛，到頭來原來只是一個幻覺。

這只不過是娛樂圈內的冰山一角的事件，對我來說真的見怪不怪，
以前聽到及睇到實在太多。

只是很多對娛樂圈仍然有憧憬的普羅大眾真的給殺個措手不及，原
來娛樂圈真的是這樣子。現在出現這件事，都未嘗不是一件好事，
可以向全世界的人講清楚，娛樂圈的人除了娛樂各位普羅大眾搵你
錢是一個面口之外，鏡頭背後就會是另一個人。

奉勸各位有心或仍舊對娛樂圈有幻想的人，回頭是岸吧！娛樂圈真
的不是一般人可以做。

原帖由 3ASV196 於 2008-2-15 08:17 發表

我又要POST POST 明報

http://ol.mingpao.com/cfm/star5.cfm?File=20080215/saa02/med1.txt

"我們常說藝人要保護形象，正正因為藝人形象與真性情是有一定差距的，
並非虛偽，是職業需要。"其實同我在另文的意見, 要分返"虛偽" 同"工作"
的言論 類似......如果要搵d 口不對心的說話, 一定有, 因為佢地飲一啖水,
都要睇下咩牌子的.....

見大家成日講"錯"時, 都係那句, 呢樣野本身係唔係"錯"呢?
其實我由頭到尾, 都睇唔到錯處係邊..."公眾人物"唔係用作
上綱上線的理由......當然, "公眾人物"本身有受公眾留意, .
但與一件事本身"對錯"的本質, 我見唔到有這麼大的影響....

影相本身唔係錯事, 形象同事實有差別, 亦稱不上錯, 又都係那
句, 錯事 同 私事 的分別

同一件事搬去法國，你既講法非常岩
你睇下人地個總統離婚之後閃電結婚，好似無人炮轟喎~
美國電視台訪問法國總統問佢離婚D野，仲被法國人大罵佢唔得體無禮貌
但係如果曾煲呔離婚然後閃電結婚，你估下會點？
唔駛講咁遠喇~廣播處處長同個"女性朋友"行下街都被人話到體無完膚
俺覺得你講既唔係無道理，但係不適用於香港呢個社會咯~
中國傳統儒家思想同西方崇尚既個人主義差好遠，
修身，齊家，治國，平天下，好清楚咁有晒先後次序架
中國人要先講自身紀律，個人品德，先可以往更高層次推進
無得話‘私隱’，‘私事’就混過去架！
入鄉就要隨俗，莫講話係本地人，外地人黎玩都要跟呢個遊戲規則
唔鍾意既咪唔好玩咯，無人迫你架喎

[ 本帖最後由 dicksonboy 於 2008-2-15 11:23 編輯 ]

原帖由 hkbw 於 2008-2-15 08:21 發表


其實呢單野, 由始至終我都覺得幾好笑..
雖然有關藝人某程度上我都覺得是自找的,
但..原來被人偷野, 然後不合法地公開, 而個樣野又係大家都想知既野, 大家就會覺得咁係無問題...

雖然話就話如果DAY 1 佢地唔影就 ...

我冇話偷相既冇錯,佢係最錯o個個,警方應該盡早捉左佢。

我意思係,如果你唔影,咁人地可以點偷?
影左就實有機會俾人知,相係要俾其他人睇,唔理d相係咪會俾人偷,
除非係自戀狂,影相自己收埋慢慢享受。

成件事所有人都係自找,雖然d相係俾人偷,
佢地做過呢d野亦係事實,如果鐘小姐認既,
一定唔會俾人話得咁厲害。

原帖由 joeli16 於 2008-2-15 13:18 發表
我冇話偷相既冇錯,佢係最錯o個個,警方應該盡早捉左佢。

我意思係,如果你唔影,咁人地可以點偷?
影左就實有機會俾人知,相係要俾其他人睇,唔理d相係咪會俾人偷,
除非係自戀狂,影相自己收埋慢慢享受。

成件事所有人都係自找,雖然d相係俾人偷,
佢地做過呢d野亦係事實,如果鐘小姐認既,
一定唔會俾人話得咁厲害。

人地無正面認, 但簡接地都認左啦..
老實講, 如果從小弟自己的價值觀去睇, 成件事由頭到尾根本由做過刻開始已經係離晒大譜!

不過, 小弟係睇唔過眼香港人既多重標準, 寬己嚴人..唔好話警察選擇性執法..
其實一眾網民大眾, 個人認為某程度上都係選擇性, 針對性, 及盲目地去罵了吧..

早兩日同D朋友講開..睇下而家香港人受報紙媒體影響的程度, 有雙普選就大件事了..
都係暫時唔好有普選較好..