渡輪替代路線 E1 梅窩舊墟 - 中環(交易廣場)

原帖由 ~誰@359~ 於 2008-2-16 22:03 發表 http://hkitalk.net/HKiTalk2/images/common/back.gif

想知道仲有冇車廠有出咁短既三軸雙層巴士…定還是又問下新記賣唔賣矮躉？

我估無幾十架都唔會生產
咁短既三軸雙層巴士幾乎得香港先會用
但係三間大既公司現時又好似無必要買
無端端買幾架…應該無車廠理你

原帖由 PB602 於 2008-2-16 22:00 發表 http://www.hkitalk.net/HKiTalk2/images/common/back.gif

東涌道成條都會擴闊為雙線行車, 近嶼南一段更會以高架橋方式改建, 並以散石灣為終點. 既然要取代渡輪服務, 就需要購入新巴士行走. 約8-10架10.6M雙層巴士應該可以應付需求, 而加班車可以利用原有嶼巴單層車隊.

我認為無需要同1R比較, 因為今次係為左取代渡輪而設, 無船坐的話, E1就係出中環既最佳選擇.

問題係呢家起好未先? 未起好時d 巴士都要走個幾個彎位....
而且, 我好懷疑專登為呢條線買雙層係咪真係咁efficient 同 effective...
我擔心堆車咁行法, 會淪為51 堆M仔既翻版.....

其實如果連較直線既ferry 都可以出現虧蝕, 我真係唔係好明兜大個圈既巴士點可以好似你話咁會吸引乘客哩?

原帖由 teddybus 於 2008-2-17 00:02 發表 http://www.hkitalk.net/HKiTalk2/images/common/back.gif
問題係呢家起好未先? 未起好時d 巴士都要走個幾個彎位....
而且, 我好懷疑專登為呢條線買雙層係咪真係咁efficient 同 effective...
我擔心堆車咁行法, 會淪為51 堆M仔既翻版.....

其實如果連較直線既ferry 都 ...

東涌道改建工程預計響2008年年中完工, 而家規劃定就差不多. 另外改建工程完成後整條東涌道既行車環境同改建前係完全兩回事, 斜路無咁俾(因此出口改左去散石灣而唔係長沙同塘福之間), 彎位亦無咁急, 如果你親身去過就知道, 或者可以參考一下呢個討論區既相片, 其實同港島區一般山路差不多:

http://www.hk-place.com/vp.php?board=1&id=2212-1

渡輪虧損唔係因為"直線", 而係因為渡輪經營成本比巴士高出幾倍. 再加上一艘渡輪可載四百人以上, 響繁忙時間係有需要用咁大架船, 但一到非繁忙時間客量根本就支持唔到咁大架船(船用油比巴士多好多). 一架雙層巴士既載客量只有渡輪既四分一, 載客量就剛剛好. 其實唔一定要買新車, 或者可以考慮同新巴買一批10.3米躉, 反正新創建都有冠忠股份.

用單層車唔係唔得, 只係繁忙時間既班次需要增加(一架單層車載客量只有渡輪既七分一), 因為需要更多司機同埋車輛, 成本較高. 雙層巴士同單層巴士既成本相差無幾, 最貴既開支都係司機人工, 既然係咁用雙層車會較合適呢類繁忙時間較多客既路線.

你提到吸引力既問題, 當渡輪取消之後無論如果都係要兜大圈架啦, 一係出東涌轉港鐵, 一係一程巴士出東涌. 既然有一程車過又點會無吸引力?

而家政府建議渡輪公司為減少虧損應該改用慢船行(而且仲要大幅加價), 即係一個鐘先出到中環, 我相信巴士由梅窩出發車程最多都係七十分鐘左右, 唔會慢好多, 去上環仲會快左.

如果係由梅窩以外既地方去中環, 咁一定係巴士直出中環快過以前巴士轉船, 因此用巴士取代渡輪會得到支持.

[ 本帖最後由 PB602 於 2008-2-17 00:37 編輯 ]

原帖由 expertuser 於 2008-2-17 00:53 發表 http://www.hkitalk.net/HKiTalk2/images/common/back.gif
如果政府真是咁勁，叫佢起條地鐵入去梅窩啦，360 都起到
地鐵應該難不到佢。

冇番咁上下大型地產項目補貼的話
港鐵就會話:人口不足,無利可圖
收工算數

陰乾3M乎? $21, 冇人搭11轉港鐵la.....又兜又"dun", 1R延長過海仲實際

[ 本帖最後由 SunnyJacky9094 於 2008-2-17 13:04 編輯 ]

原帖由 SunnyJacky9094 於 2008-2-17 13:02 發表 http://www.hkitalk.net/HKiTalk2/images/common/back.gif
陰乾3M乎? $21, 冇人搭11轉港鐵la.....又兜又"dun", 1R延長過海仲實際

出東涌既客同出港島市區既客都唔同
出東涌可以係買野, 轉車去新界, 等等

原帖由 PB602 於 2008-2-17 00:31 發表 http://www.hkitalk.net/HKiTalk2/images/common/back.gif
如果係由梅窩以外既地方去中環, 咁一定係巴士直出中環快過以前巴士轉船, 因此用巴士取代渡輪會得到支持.

新東涌道通車後, 路口較接近貝澳, 梅窩,
長沙同大澳等地往返東涌將會用更多時間.

經梅窩坐船出港島區係最直接既路線,
坐快船的話, 肯定快過你坐巴士兜大圈.

原帖由 Seiko 於 2008-2-17 13:58 發表 http://www.hkitalk.net/HKiTalk2/images/common/back.gif
新東涌道通車後, 路口較接近貝澳, 梅窩,
長沙同大澳等地往返東涌將會用更多時間.

經梅窩坐船出港島區係最直接既路線,
坐快船的話, 肯定快過你坐巴士兜大圈. ...

無錯東涌道路口係近貝澳, 但唔好忘記東涌道內既行車時間會快好多, 因為唔需要左閃右避, 而且車速限制亦由30KM/H提高至50KM/H. 另外, 計算旅程時間唔可以單睇巴士車程同埋船程, 仲要睇中間轉接既時間, 因為事實上唔會巴士一到梅窩碼頭就即刻開船.

例如朝早由大澳出中環, 如果想響梅窩坐8:30既快船出中環的話, 咁就要響大澳坐7:30個班巴士, 全程就要1小時35分鐘(快船要行七個字), 我相信巴士由大澳經新東涌道出中環都係差不多時間(大澳至東涌45分鐘, 東涌至中環連西隧口塞車45分鐘), 船雖然唔兜圈但唔代表會快好多.

但如果唔係坐快船呢? 朝早坐7:50個班慢船, 仲要兜埋坪洲, 航程要70分鐘. 要坐呢班船的話, 就要響大澳坐6:50個班1號, 總時間要兩個鐘有多!