港鐵鬥巴士 先勝首回

原帖由 CPY 於 2008-3-11 16:59 發表
只要各地鐵/港鐵特惠站繼續在前地鐵網絡沿線服務，巴士只有永遠捱打。

因為有些路程嘟左之後，平得太緊要，唔坐港鐵唔得！

例子：太子->第一城，港鐵原價$6.3，經新世紀廣場特惠站後只收$4.3。

281A全程$6.5。根本無得比！

過海 ...

如果處身新世紀廣場, 入沙田區, 就算冇特惠站, 都搭港鐵算啦,
行落去搭 81, 87A, 87B, 87D, 281A 唔駛時間咩,
仲要有車都未必有位坐

原帖由 石頭 於 2008-3-12 02:30 發表
35A係一個好明顯的例子，
北葵涌山上出發，落山之後荔枝角至尖沙咀一段完全與鐵路重疊，
有5個站仲要擺正鐵路站隔離，不過我見過有人長沙灣上旺角／尖沙咀落（專登等35A），
你可以話佢地可以搭港鐵，唔駛係街邊食塵等車，
但係港鐵長沙灣至太子站繁時多人到差點上唔到車（中環方向），咁又點計先？

尖東出旺角／長沙灣，同樣可以搭港鐵，仲平D，
但係一樣有人搭35A／41A，因為唔想在尖東站行十多分鐘去尖沙咀站，仲要轉完車就無位坐，
尤其是尖東去長沙灣，搭港鐵的話行完十多分鐘仲要企5-6站先返到Home，
咁既情況，好多住長沙灣既人都寧願1程巴士算數

P.S. 35A返安蔭，唔係一次過，但係出左尖東後每個站都見過有人落，包括中間道／金巴利道站

係尖東有些人唔係唔想行去港鐵站，而係唔太識行去尖沙咀站。
眼見不少在尖東上35A/41A見到個收費都牙痛咁聲，如果有得選擇，
他們不少都會選搭港鐵。

其實有人搭35A/41A由尖東往返長沙灣，跟本客量總數相比港鐵係微不足度，
沒太值得討論之處。
假設屋企樓下有齊港鐵、巴士、小巴去同一相的地，有些人仍會因一些理由，
而搭貴/慢的交通工具。
正如元朗去旺角，都仲有人搭紅小，而唔搭巴士或西鐵。

原帖由 053h4 於 2008-3-12 10:47 發表


閣下認為巴士只打舒適牌, 好難了解同鐵路重壘的巴士點解重能生存
而巴士客量不斷下跌是因人口低增長
人口遷入新區的同時而又不能開新線, 不單是港鐵因素
如新界出港島東的需求未能滿足

而地鐵減價打8P, 都搶唔到客
相信"有位坐"是不是只是次要咁簡單?

港鐵合併後乘客量立即上升
明顯不是因為「人口低增長」或者「人口遷入新區」等因素
而是因為票價下降
巴士加價後港鐵優勢會更大 (至少在 2009 年12 月 20 日港鐵加價之前)

當然並不是所有地區、所有路線都有相同影響
世界的運作並不是那麼簡單

[ 本帖最後由 ahbong 於 2008-3-12 12:14 編輯 ]

兩鐵合併後, 我都搭多左好多港鐵,
因為金鐘過海去旺角減到 $9.5 真係好吸引
好過搭 104, 905

我成日都要來往大埔同上環, 自從百匯整左兩蚊機之後我都搭多左前地鐵,
不過間唔中都會搭下307... $10.3+$7.9+$5.9+$10.3=$34.4 vs $20.3+$16.2=$36.5

自從2/12/08之後: $14.6+$12.6=$27.2 vs $20.3+$16.2=$36.5
除非好趕時間, 否則我都已經絕跡307, 因為真係有好大落差...
(更何況307平日朝早8-9am南行同埋傍晚6-8pm北行係一d都唔快... 因為塞車...)

原帖由 al2_er4295 於 2008-3-12 12:59 發表
我成日都要來往大埔同上環, 自從百匯整左兩蚊機之後我都搭多左前地鐵,
不過間唔中都會搭下307... $10.3+$7.9+$5.9+$10.3=$34.4 vs $20.3+$16.2=$36.5

自從2/12/08之後: $14.6+$12.6=$27.2 vs $20.3+$16.2=$36.5
除 ...

以前我由大埔返銅鑼灣都係70/72X/271->112/102
而家合併左都多左搭港鐵真係平d,
行多幾步都算.

原帖由 053h4 於 2008-3-12 10:50 發表


一轉車就晒時間?
74X觀塘轉去藍田一帶交通唔較藍田轉車方便是事實
不過, 去中秀四順, 睇法又唔同晒lor

好明顯74X行到成2~3分鐘一班
乘客選擇事實放在眼前

同樣, 柴灣坐118多都人過坐港鐵 ...

其實74X系出九龍快,
返大埔兜完新蒲崗又兜荷里活,
唔見得真係快.