港鐵鬥巴士 先勝首回

大家真係要諗下巴士/鐡路/小巴的分工，唔好「側埋一邊」!

原帖由 053h4 於 2008-3-12 22:11 發表
無錯, 大家角色有唔同,
以乘客利益, 改善交通服務的前題下
在唔同定位下, 以自由市場及居民需要進分工
同有序競爭, 才是對市民最有利

以此前題下, 政府不是盲目為個別財團利益禁止開線 ...

所以政府應該開放紅色小巴禁區, 準許紅色小巴行走快速公司及巴士專線, 並取消紅色小巴數目限制, 等佢地可以無限量咁殺入新界屋村, 為乘客帶來真正點到點服務.

我相信不出三年, 一直受政府保護既九巴, 好可能會因為乘客大量流失而要Cut一半路線.

原帖由 DC5 於 2008-3-12 00:32 發表


唔好忘記，即使巴士定線、班次及車費比鐡路優勝，仍有唔少人係「唔識」坐巴士。是否巴士公司宣傳問題? 還是對普遍市民印象比鐡路低?

搵返小學常識科o既書,
有冇教你搭277x, 780等等會快過鐵路?

自細書本已經教你"地鐵最快, 巴士較慢",
而且話晒俾班細路知total幾多個車站,
但係中學econ有冇講特快巴士或者小巴線o既供求?

再加上地鐵o既學生優惠, 由幾歲學生上到去大專畢業都仲用得,
尤其80年代打後經濟高飛, 嬌生慣養o既新生代,
大個左又點識自己搵窿路去揀其他平車或者快車搭?
至少我認識o既朋友當中, 仍然有部份係去邊都搭地鐵.

再唔係留意下一o的上山返學o既中學生, 同一區返同一間學校,
有人會搭一程小巴就搞掂, 但亦有人會行落山去搭一個站地鐵再行返上山返學.

原帖由 053h4 於 2008-3-12 15:11 發表


無理解錯, 有關數據是同12個月前的數據比較罷
巴士客量因港鐵合併而下跌亦不感奇怪

因本人立論明顯是針對長遠發展討論
90年代有鐵路, 巴士大幅重組路線適應乘客需要一樣可以搶客 ...

如果大重組仲有機會衍生到215x呢類線就搶到客o既.
第日可能未至於全部大巴變晒接駁線就已經先要偷笑.

大家如果有時間發白日夢,
不妨諗諗冇晒點對點甚至長途線, 剩返地鐵接駁巴士個時,
o的路線會點行啦...

原帖由 transbus 於 2008-3-13 20:37 發表


搵返小學常識科o既書,
有冇教你搭277x, 780等等會快過鐵路?

自細書本已經教你"地鐵最快, 巴士較慢",
而且話晒俾班細路知total幾多個車站,
但係中學econ有冇講特快巴士或者小巴線o既供求?

再加上地鐵o既學生優惠, ...

乘客搭車模式變左,
以前好多地區冇鐵路到,
巴士係唯一選擇,
冇宣傳乘客一樣會黎.

今日十八區都差唔多有鐵路到,
加埋新一代香港人搭鐵路大,
去邊度自然先想到搭鐵路去,
巴士公司對路線冇宣傳,
老一輩搭客慢慢退休搭少左車變埋半價客,
又吸引唔到新乘客,
客量自然慢慢陰乾.....

[ 本帖最後由 ksmbh 於 2008-3-13 21:51 編輯 ]

原帖由 053h4 於 2008-3-12 19:22 發表


根本塞車的主因是巴士空載經繁忙地區
如好多巴士半滿人尖沙咀, 而又行全段彌敦道

好似港島的特快線
是減低了英皇道, 中灣\銅鑼灣的港島北流水線車流
明顯地, 東區往港島北中心區巴士載多左人的同時
英皇道巴士流 ...

根本成堆1XX就要大重組...
成堆西環客被迫兜哂半個港島先出到觀塘
明明西隧就o係門口都要兜去行紅隧...
成堆少客既車慢慢停大道中,塞死條路...
根本就應該將西區過海客由西隧帶過海
過海線要有城隧式大規模轉乘,一區一特快線出隧道口,咁樣可以大幅cut車,行車時間又可以大減(
廢氣又少d..
呢d先叫優化巴士服務
只係一定要有詳細planning..

原帖由 transbus 於 2008-3-11 20:30 發表
其實話知佢地點鬥都冇用,
單睇慈雲山站問題,
政府開宗明義話要搞好專線小巴做接駁,
即係連改善巴士網絡(eg.3M)做鐵路接駁o既功夫都費事搞,
咁巴士業仲使乜做生意?

我個人都幾反小巴，Coaster/Rosa 根本係一D都唔 user-friendly. 上車果級難倒
好多老人家，輪椅客更加唔駛諗，行車又挫，又嘈，避震又差，班小巴車手楂車又冇品，
攪到條路立立亂．你同小巴公司投訴睇下邊個彩你? 落車又騎呢, 坐車尾叫有落要運足中氣，
斯文D既女仔唔駛旨意司機會聽到，長陣車尾就仲死．

原帖由 manlok 於 2008-3-13 10:31 PM 發表


根本成堆1XX就要大重組...
成堆西環客被迫兜哂半個港島先出到觀塘
明明西隧就o係門口都要兜去行紅隧...
成堆少客既車慢慢停大道中,塞死條路...
根本就應該將西區過海客由西隧帶過海
過海線要有城隧式大規模轉乘,一 ...

以閣下提出的例子
係咪單靠西區客同觀塘客就夠經營一條巴士線呢 ?


行完西隧之後既走線又如何呢 ?
別忘記現有途經的地區亦有一定客量維持
還有東鐵線的乘客都會用黎過海去中西區
加上使用西隧令成本提高
又無足夠客量維持
如果真係用西隧過海
條線根本無辦法再做落去

另外西環的塞車問題根本係死症
只有等待西港島線的落成