巴士迷和巴士公司前線職員的關係

原帖由 ef8860@40 於 2008-3-17 17:16 發表
現在一輩的巴士迷與巴士公司職員的關係，並非全是關係良好。
據知有相當的車長和站長，都不歡迎巴士迷的搭訕和行為。
正所謂「一樣米養百樣人」。車長們並不是個個都歡迎巴士迷跟車，
認為係搔擾到他們駕駛；站長們更不喜歡 ...

巴士公司職員當然唔太鍾意巴士迷...因為佢地要接受巴士迷好多工作以而且無理的要求....
話你就唔係..唔話你又唔係...至少巴士迷都係客人，又唔能夠對佢地太無禮貌...

原帖由 da54 於 2008-3-27 16:05 發表
其實是巴士迷會變了質才真。十多年前，九巴創立巴士迷世界，
可以說是和巴士迷建立關係的一個良好渠道，後來過了幾年，
九巴和巴士迷世界逐漸脫勾，這會的性質亦慢慢轉變。亦不知道
是否因為越來越多巴士迷會幹事加入巴士公司 ...

與其話巴士迷會變質, 不如話巴士迷本身變質.
以前資訊唔流通反而仲好, 人人安守本份, 就算係跟車影相, 都未至於太過火.
自從有互聯網, 就有人爆料, 有消息人士, 個個要上位, 要出位, 人冇我有,
收到料爆七成, 或者玩唧牙膏, 唧到十幾廿頁回覆就以為自己大晒.
一路到現在, 身邊有番十個八個消息人士做自己條針先叫威.
好喇, 玩到巴士公司都對巴士迷神憎鬼厭, 就開始攪區議員.
姣婆遇著脂粉客, 區議員多得巴士迷俾意見俾選票, 巴士迷又黐到另一班消息人士.
而上晒岸果班既得利益者就耐不耐講下風涼說話, 叫人唔好乜唔好物.

呢d 都係我近幾年在巴士討論區睇到的變化.

原帖由 bustop 於 2008-3-27 16:29 發表


與其話巴士迷會變質, 不如話巴士迷本身變質.
以前資訊唔流通反而仲好, 人人安守本份, 就算係跟車影相, 都未至於太過火.
自從有互聯網, 就有人爆料, 有消息人士, 個個要上位, 要出位, 人冇我有,
收到料爆七成, 或者 ...

只係某少部分同意。

資訊發達挑起巴士迷的求知慾，無可厚非，因為慾望始終都係無止境，
唔係社會的錯，係人根本的本能，完全唔怪得邊個，就算無互聯網，只係跟車，
只係影相，始終都會有一日，會演變今日的局面。
就係以跟車咁簡單的問題為例，巴士迷夠膽就奉公守法唔跟車，逐個逐個銀仔入落錢箱，
巴士車長就唔應該由得巴士迷貪小便宜俾佢跟車，
就算係十幾年前，有Ｄ巴士迷同學都已經係到炫耀自己點叻點跟車啦！

根本問題一路都係存在。

從咁簡單的事情上，巴士迷個個都幼稚過，只不過現在更加擴大左聯群結黨，
呢個先係因為資訊發達而來。
但係一樣前線人員縱容一班咁樣的乘客，前線人員都係一個好大的錯誤，
只是佢地無人醒覺到，一些小小的縱容，慢慢就會演變到尾大不掉的問題。
巴士迷受某些前線工作者縱容就肆無忌憚，前線人員有怕遇到投訴而失去工作就更為妥協。

香港的命運根本就係咁樣。呢種情況唔只係巴士界發生，所有服務性行業都遇到同樣問題。

所以我希望在勞資協商會議，資方可以協助前線員工如何處理呢方面的情況，
並且向各巴士迷會公告巴士公司的立場，及比較具體地提出一些底線希望巴士迷遵守，
既可以保護前線員工免受滋擾，又可以清楚定位巴士迷對前線員工的應有態度。

再者重申巴士公司都需要增加一些與巴士迷的渠道，令大家互惠互利，達致雙贏。

重整前線員工統一的對外態度，巴士迷自然找不到任何缺口衝擊巴士公司運作。
巴士迷話我有幾多個車長係friend，幾多渠道，自然從該方面瓦解。

至於滲透公司內部對外爆料，係公司內部政策，請唔請呢班人唔係一個問題，
每間大公司都有專責紀律的審查，相信他們絕對有能力應付，
巴士迷亦相信唔會因為呢Ｄ小朋友玩意而放棄自己的前途吧。
因為現在好多人事顧問公司都會幫公司做員工的以往工作資訊及紀律審查，幫助公司請人。

[ 本帖最後由 KC3555 於 2008-3-27 20:43 編輯 ]

原帖由 bustop 於 2008-3-27 16:29 發表
與其話巴士迷會變質, 不如話巴士迷本身變質.
以前資訊唔流通反而仲好, 人人安守本份, 就算係跟車影相, 都未至於太過火.
自從有互聯網, 就有人爆料, 有消息人士, 個個要上位, 要出位, 人冇我有,
收到料爆七成, 或者 ...

我說巴士迷會變質是回應 FBI2 兄的言論，事實上這種變質某程度不能說是誰的錯，
甚至可能反映了幹事保障任職公司利益的專業操守。

至於巴士迷嘛，我十分同意 eddie 兄的觀察，亦同意 KC3555 兄的想法。
我想在沒有互聯網的年代，巴士迷也不是真的很「安守本份」，同樣地，
在資訊爆炸的年代，也有一群行得正企得正的巴士迷。只是互聯網加速了
這個社群的發展，令枯枝更多。

我亦十分同意互聯網提供了一個「渠道」給一些人去藉勢建立自己的聲勢，
不過這亦是現實生活的寫照，有些人的確是愛沉迷於出位。

巴士公司只係商業服務機構,
收取乘客車資,
提供舒適安全準時可靠的運輸服務.
就係咁簡單.
當然, 為左提升企業形象,
以吸引更多人使用其服務,
偶爾攪一些公關活動係好正常.
但講到尾巴士公司冇義務去應酬一些無理乘客,
包括巴士迷的無理要求.
巴士迷自己研究派車係一回事,
但冇權要求巴士公司職員俾份字軌表你.
以前巴士司機渣車悶撩乘客傾偈係一回事,
唔代表巴士迷要睇準呢個機會去同巴士司機搭嗲,
然後恃熟賣熟, 背後目的只係為套料,
在其他巴士迷面前認屎認屁.

有巴士迷會做中間渠道咁又點?
而家擺明就係巴士迷唔知足, 得一想二.
以前每個月出本書列晒出左咩新車, 退左咩舊車,
有咩路線改動, 都嫌唔夠.
家陣仲要全方位刺探一些巴士公司唔會向一般乘客公開的營運資料.

今時今日如果真係要滿足晒巴士迷的求知慾,
我諗巴士迷會本會訊每個月要寫定晒下一個月有咩車務調動,
有咩路線改動, 公開晒所有巴士公司的計劃先掂.
咁就天下太平, 冇咁多人為左做先知做大佬而無所不用其極.

總言之, 求知慾唔係攪呢攪路,
強行同巴士公司職員拉關係的擋箭牌..

原帖由 bustop 於 2008-3-27 22:03 發表
今時今日如果真係要滿足晒巴士迷的求知慾,
; b+ {2 u/ R4 [' ~巴士,鐵路,生活我諗巴士迷會本會訊每個月要寫定晒下一個月有咩車務調動,
有咩路線改動, 公開晒所有巴士公司的計劃先掂.. C3 w3 m: o" ~4 G1 E3 S+ q
咁就天下太平, 冇咁多人為左做先知做大佬而無所不用其極. ...

咁都有一個月o既延誤, 班大哥鍾意做"第一目擊"嘛, 索性請佢地搞下巴士迷會個網頁, 整個XX最新消息等佢地整飽佢啦!

巴士迷會只是一個興趣為主的組織，並不像例
如童軍等制服團隊，團員必須遵守一些規則。

再者，現今有不少巴士迷並沒有加入任何巴士
迷會，他們的行為各巴士迷會亦無權規限的。

原帖由 shima 於 2008-3-28 02:49 發表
巴士迷會只是一個興趣為主的組織，並不像例
如童軍等制服團隊，團員必須遵守一些規則。

再者，現今有不少巴士迷並沒有加入任何巴士
迷會，他們的行為各巴士迷會亦無權規限的。 ...

講真, 家陣有幾多人會加入巴迷會?

巴迷會入面既大佬, 又有無做好榜樣呢?