新城兩巴做了慳家王,愈玩愈縮皮...

原帖由 Maltesers 於 2008-4-11 00:44 發表
回應強迫私家車坐公交的問題，
我覺得香港政府已經不再壓抑私家車增長，
特別是回歸前，好像的首次登記費好多時都加，政府於多區劃巴士專線，
好多措施都令人感覺是想限制私家車。
反而回歸後，限制的是巴士數目，
除了總數，還有繁 ...

香港特區政府哪會有像倫敦市長Ken Livingstone
推行這些政策的魄力,
不怕得罪一眾開車的權貴嗎....

叫開車的人轉乘公共交通工具,
日日去示威都似
呢個政府有幾多野係唔會睇權貴/有錢佬先諗窮人
我有時唔係好明, 去某d地方開車比搭車麻煩(中環等)
又難搵位, 點解唔搭下車, 又唔駛煩

原帖由 ksmbh 於 2008-4-11 01:14 發表


香港特區政府哪會有像倫敦市長Ken Livingstone
推行這些政策的魄力,
不怕得罪一眾開車的權貴嗎....

呢句先係重點, 這個問題我覺得回歸後好似嚴重左, 其實宜家路面上也有不少是私家車,
特別有版友提及的中環近匯豐銀行總行一帶, 有時真係搭巴士塞到真係想落車行去目的
地或轉電車好過.   小弟個人認為要藍天就應該係私家車方面著手, 唔應該係巴士方
面著手,反而應該要放寬現在對於巴士的那些政策, 希望藉著那些政策可以吸引到更多
人坐巴士.  但係政府就好似想打壓巴士的生存空間禁, 只係保鐵, 但係我唔知政府有無問
過市民係唔係真係鐘意坐鐵路. 坐鐵路唔一定快, 坐巴士也不一定慢. 所以樓主, 有時好多
野巴士公司係想去做, 是不能, 不是不為.

(以上只是個人見解, 如有得罪, 請見諒! )

應該做接駁的走去做長途 (港島40, 新界26),
應該做長途的走去做接駁 (九巴273B, 新巴797M),
坐冷氣房做決策果班就繼續渣私家車塞住條路,
真係唔知咩世界.

原帖由 bombmanhk 於 11/4/2008 01:26 發表
叫開車的人轉乘公共交通工具,
日日去示威都似
呢個政府有幾多野係唔會睇權貴/有錢佬先諗窮人
我有時唔係好明, 去某d地方開車比搭車麻煩(中環等)
又難搵位, 點解唔搭下車, 又唔駛煩 ...

不要忘記，在香港社會，有私人的代步工具是身份象徵。

原帖由 ksmbh 於 2008-4-11 01:14 發表

香港特區政府哪會有像倫敦市長Ken Livingstone
推行這些政策的魄力,
不怕得罪一眾開車的權貴嗎....

鬼叫政府認為對香港貢獻最大，係班有錢
佬，而唔係我地呢 D 無名英雄咩......

咁當然要厚待佢地架啦......

不過我而家真係愈0黎愈嚮往愉景灣0既公
交模式：唔理有錢定窮人、明星定乞兒，
通通都要搭巴士，無情講！

況且而家有好多人因為鐵路發展比較完善
而只會識得搭地鐵, 而唔識搭其他交通工具
有時由屋企去馬鞍山踩單車, 我多數會搭14b/c +89D/89C
就好時間就同搭火車差唔多, 價錢又差唔多, 又唔駛轉咁多次車
偏偏就係政府推廣鐵路, 導致大部分人只懂選鐵路(當然鐵路亦有其方便之處)
再加上荐些限制, 巴士這交通工具的營運壓力又增加不少

原帖由 bombmanhk 於 2008-4-11 11:50 發表
況且而家有好多人因為鐵路發展比較完善
而只會識得搭地鐵, 而唔識搭其他交通工具
有時由屋企去馬鞍山踩單車, 我多數會搭14b/c +89D/89C
就好時間就同搭火車差唔多, 價錢又差唔多, 又唔駛轉咁多次車
偏偏就係政府推廣 ...

有時都唔係既...
如果D人住鐵路沿線而佢地所經常去既地方可以搭到鐵路既, 我覺得唔識其他公交去同一撻地方冇乜問題喎...
之不過當鐵路出左事就麻煩D咁話...
另外"搭鐵路一定比搭其他交通(好似巴士/小巴)快"呢個概念對有D人黎講根深柢固, 想佢地搭其他交通工具真係幾難

其實我幾同意樓上有位板友所講, 要實行藍天行動, 只係限制巴士/小巴真係冇乜用, 真係要減排既話, 真係要規管所有會喺路上面行既車先得...

講真，真係to be very honest，
鐵路應該快過巴士，亦都應該有效率過巴士，
不過，好可悲的是，香港的情況並不如此。

可能運輸署的長官們除左只係揸車之外，仲唔會搭鐵路，香港的道路網比鐵路超發達，
過去十幾年，差唔多年年都有新公路起好，
新區未有發展，馬路就先起好，仲要條條都同人地城際公路、州際公路咁闊，
反觀市區的地下鐵八十年代開始發展，等港島、觀塘、荃灣三線發展完，差唔多成十年無發展過，
最新拍板話要起既地區，例如南區、中西區、土瓜灣何文田，那個時候早就已經要話起地鐵，
但當時無人理，宜家至起，又貴又要補貼。
比起東京、倫敦那些大城市，幾條街就有鐵路站，香港既鐵路網係好差。

就在這段時間開始，空調巴士、城巴、以及新公路，巴士服務大改善，服務質素已非「吳下阿蒙」，
豪華舒適程度完全將鐵路比下去，
巴士換來輝煌時期。鐵路就與市區以外的居民無緣。

後來政府好像覺悟一樣，大量規劃新市鎮新鐵路，壓抑巴士，
可惜已經太遲。巴士一村一線已經成為習慣，
新鐵路，西鐵、馬鐵仲要規劃得差
市區那一邊的鐵路十年無發展之後，又配合唔到新既郊區鐵路，
政府還要夾硬要巴士讓路，左限制右限制，
完全係劣幣驅逐良幣。

單係非議保鐵無咩意義，好似沙金線無左銅鑼灣站，
江湖傳聞就是留返小小空間俾巴士公司一條生路，
但是呢個決定，又係唔係市民最想同最有益既呢﹖

[ 本帖最後由 Maltesers 於 2008-4-11 16:31 編輯 ]

鐵路應該快過巴士

你認為在屯門鐵路站去沙田鐵路站,搭263快定搭西鐵--->K16--->東鐵快?