部分經亞公角路線改路建議

原帖由 expertuser 於 2008-4-11 04:01 發表 http://www.hkitalk.net/HKiTalk2/images/common/back.gif


但是 810 有死點．要 40X 補足
去城隧睇下您係邊到坐喎，正常是 43X 快過 40X

另 86S 不能和 85K, 40X, 810 比較，三條不同的路線來
他的問題不是班次有問題，而是路線 + 設站應搞錯了，佢個三條線改左之後，富安 / 錦泰等大 ...

看來你不太熟識馬鞍山道路.

簡單來說, 經耀安後可行馬鞍山路, 出口如下:
1) 富安, 經亞公角
2) 石門, 碧濤開始
3) 經大老山公路去九龍 (獅子山/大老山)

40X 只省了 (1) 的路段, 無兜到路
85M, 87D 行 (3) 的路段

上文以經講到經錦泰 = 富安 = 亞公角的問題
所以經亞公角就交比 81C, 286M, 43X 負責
要講的, 就只是他們少了多條路線,
但少左的服務範圍只是少數.

如果吾明可以睇睇地圖
(我住沙田咁耐, 就根本無睇過,
可能你係非沙田人所以有D咁既問題
連801 810 都搞吾清就知了)

[ 本帖最後由 hotatmandavid 於 2008-4-11 15:53 編輯 ]

原帖由 expertuser 於 2008-4-11 13:33 發表 http://www.hkitalk.net/HKiTalk2/images/common/back.gif


地圖我當然有看，我以前都住過沙田一段時間 (住瀝源村)
首先您說上文，巴士不經錦泰 = 富安 = 亞公角的問題，呢個暫不談 (您解釋了終於明白了)

801, 810 暫時不理會，因為呢家談緊巴士 (不是 GMB)

↓所以經亞公角就交比  ...

286M: 第一程為 286M, 第二程為85M (免費), 加埋係 $6.1+ $0.0 = $6.1

至於調整班次, 快線 (40X, 87D, 85M) 因快左, 就算減一架車, 班次應無減, 甚至可以加班.
慢線(81C, 43X, 286M)因加一車,  班次可加密,  算係補償的一個手段.
[如果效果不顯著, 快線可再減一車比慢線]

加一車已經不錯, 看看RDP 年年都寫'加一/二車' 已經算難得.

相比其他地方 (如大埔公路, 大窩西等), 亞公角路線實在太多.

[ 本帖最後由 hotatmandavid 於 2008-4-11 16:04 編輯 ]

亞公角街好多時都係飛站，沙田醫院叫做最多人上落，85M或者可以試行繁時不入亞公角街（反正都係上唔到車）

之前唔記得回覆你個建議

40X / 43X o既改動我覺得幾可行~~
當然繁時班次就要執執~~

85M / 286M o既改動就可能有少少唔得~~
而家286M 唔入富安~~
85M 行公路o既話富安就完全冇車去黃大仙 / 鑽石山~~
但如果286M 入埋富安會用多左時間~~
如果解決到呢個問題就應該ok~~

而87D o既改動睇黎會引起好多反對聲音(特別係富安同濱景)~~
我相信大多數人都唔會願意遊完沙田大圍出到九龍塘至轉到車去旺角~~
回程o係九龍塘轉車遊大圍沙田返入去~~
咁改o既話港鐵就會非常多謝你~~
其實去程或者可以加81C-->281A
不過就會加重281A 負擔~~
回程就真係諗唔到點搞~~
同埋而家87D 夜晚出九龍個客量唔算好好~~
往往要靠食埋富安, 濱景, 第一城d 客至好d~~
所以呢個改動要再研究下~~

三個建議中, 40X / 43X 果個最可行, 40X不入亞公角街後, 原亞公角街沿線往返荃灣 / 葵青的乘客仲有43X (搭43X仲可以快D上城隧添) , 往返禾輋 / 瀝源 仲有85K同小巴810 (平過40X) , 基本上40X係咁多條馬鞍山路線之中, 最有條件唔入亞公角街的一條, 只係改道後40X唔會快左好多, 減唔減到車俾43X係一個問題, 而且個人認為依家40X本身都有加車的空間.

85M同286M果個其實係實行唔到的, 因為286M富安花園係冇站的 (我諗熟馬鞍山ge站友都知, 只係一時醒唔起) , 換句話講286M根本做唔到富安班客. 要解決, 一係286M兜入富安花園, 但行車時間會耐左, 馬鞍山市中心, 錦泰一帶D客會嘈; 一係就用84M或者89D做轉乘, 但84M班次疏兼且要兜晒成個第一城咁滯, 89D繁忙時間自己D生意都做唔晒, 非繁忙時間又要入黃泥頭, 冇辦法好快咁去到大老山隧道口, 亞公角街沿線D客又會嘈 (因為原本有85M可以一程車好快咁出到黃大仙) , 車費方面的差異又係另一個問題 (但呢個問題要解決唔難) . 簡單來講最大問題係286M根本幫唔到富安班客.

87D果個改動係最大ge, 改道後87D真係會超快 (以前87D有假日上午特車, 過沙田醫院後行大老山公路同沙瀝公路, 唔經濱景, 第一城, 我搭過幾次, 由馬鞍山市中心上車去到油麻地, 只係半個鐘) , 但同85M / 286M 果個情況差唔多, 咁改法81C同87D 0係新界區就一個共同的中途站都冇, 往九龍方向第一個共同的中途站, 係聯合道, 咁叫人點轉乘呢? 亞公角街沿線乘客 (包括富安班客) 就要齊齊兜晒富豪花園, 車公廟, 大圍等地方先上獅隧, 冇左87D呢架快車, 同意樓上有站友所講, 咁只會突顯81C特慢. 解決辦法, 係81C同281A做轉乘, 但正如有站友所講, 281A的負擔會加重 (相信加重唔少添) , 而且只能解決出九龍果邊的問題, 返馬鞍山方向都仲係解決唔到, 而另一方面87D客量亦會少左好多; 另一個解決辦法, 係87D繼續經石門 / 濱景 同第一城, 等亞公角街沿線乘客可以搭81C去到濱景轉87D. 不過點改都好, 由原本一程車唔使點兜大運就出到旺角, 變成兩程車, 富安 / 亞公角街 班客實嘈.

[ 本帖最後由 血肉長城 於 2008-4-16 04:54 編輯 ]