青沙線 + 城隧線 (調整建議)

原帖由 expertuser 於 22/4/2008 19:32 發表 http://www.hkitalk.net/HKiTalk2/images/common/back.gif


279X 並不能直出荃灣，加上只計算車費 279X 已輸幾條街；講快慢 279X 出青衣就是，
去荃灣就要看情況我並不介意您坐貴車，但不等於人人都要同您一齊坐貴 + 慢車

正正就是因為乘客不會一面倒地依照任何一方 (你或 KC 兄)
的立場行事，你的估計才會被認為過份樂觀。

我有心機同你拗的原因，除了你咁好心機諗呢樣之外，
另一方面你可以在我A30篇文諗由深井開回頭車再出屯門公路的言論，令我提起興趣。

299同299X就係全部服務你所提及的重要客源囉，
如果兩條線比佢揀，全部都會揀299X，相信你唔會反對。
咁咪係一個理由開密299X囉，大部分人揀299X，299先吸引到馬鞍山客。
就係一個供求的問題，你係要殺99，咪用299來清客囉，
你話班次係死，人係生，開條無密度的299X，都無人知佢做乜，點起分流作用呢？

仲有你架車頂哂閘，你點樣俾人拍卡上拍卡落，咪阻了營運效率囉。
好似城記6號咁，頂閘時，黃泥涌峽有人落車，真係用多左時間，你不妨留意。
仲有，我未聽聞過沙田係有Quota，只係聽聞尖沙咀，中環，軒尼詩道同銅鑼灣有，
恕我孤陋寡聞，你不如講下沙田Quota？

272P同72的計劃，我知你講乜野，但係你係無留意我那個，
所以我先話你，而你到現在都係無看，我更加話你。
我在起初回應，係話不如試下分拆的話就如此分工，講得清楚少少。
72　大埔工業村－－深水埔（來回行青沙公路）
經大埔後，樟樹灘，中文大學，瀝源，青沙公路，長沙灣，深水埔。
272P　太和－－長沙灣（來回行大埔公路）
經大埔後，直達沙田市中心，美林，石梨貝，深水埔，長沙灣。
所以我咪話完全覆蓋，完全唔存在邊度唔到的問題。請留意。

271同271P，我的立場係，你用乜野去搶人地十二至十五部車呢？
你唔好忘記，運輸署唔會因為你咁樣的意見去俾咁多車你。
上水，屯門南，天水圍北，調景嶺個個對呢個Quota虎視眈眈，
另外唔夠車的路線仲有87D, 260X, 268B, 269B......
仲有，你成日叫人搭鐵路，271P定線仲令人大條道理叫你搭鐵路啦！
南環線開埋你更加唔使開。我唔使答你Quota問題，因為全香港有更多地方需要呢堆Quota。
如果送十幾部車俾條新而類似輔助的全日路線，運輸署唔考慮之餘，油尖旺區議會都唔會過，
因為平衡唔到各區的利益。

278P同279X方面，如果你在聯和墟278P轉49X，就會同聯和墟279X轉68M差唔多時間（連等車）
但278P全程點都唔會快得過279X加轉車，呢度我無需要同你爭論，自己試下或駕車試下就知。
荃灣仲有好多位，如心廣場仲有得泊，可以考慮下。
不過問題係，如果你仍然覺得278P真係會更快，你一係減279X班次，
一係減278X的班次，況且，我都看不出278P可以開到咁密。北區同過境人係得咁多，
一舊餅，兩條線扯開都仍然係一舊餅，三組線分同一塊餅，你自己度一度Ｄ班次。
仲有，乘客計較車程長短加班次頻密度多過計較車費多少，況且$12.50v.s.$10.90唔係差得太遠，
278P的死對頭，上水站上車一定係279X快一大截，粉嶺客你搶唔到278X，
俾盡你都只係做到聯和墟客。所以情況唔樂觀。

我知道你全部都無要求點加車，唔加車你又諗拆完線後點樣維持Ｄ兩邊咁密的班次，
唔通Ｄ車提速到一百公里一小時咩？仲有，你真係唔係好知車務係點樣，
你舉73X為例，特車係73X現在16正15蛇共31部車裡面抽調。
273P仲係得兩部車，三部係271柯打，點計都係33部車，
你唔加車，33部車分開左兩條線，每條線差不多兩個鐘一轉，
120 x 2 / 33 = 7-8分鐘一班，簡單條數係咁計。所以我咪話你唔知條數係點計囉。

87B的問題，你試叫運輸署郁一郁，你睇下沙田區議會會發生乜野事？
根本呢度唔需要拗，唔係話班次疏就要Cut，咁好多路線一早已經Cut左，
70號拗左四年，政府都係出行政手段取消。
87取消都唔係容易，運輸署指87號全日都唔夠1000人坐，
87號主要客源有72, 81號重疊，如果唔係用88K+87A免費轉乘，沙田區議會都無咁易俾過。
當時88K係7-12分鐘一班，87A係7-15分鐘一班，87係25-40分鐘一班。

46P同46X，你要再計一計要幾多分鐘一班車。（你話唔要求加車）
參巧：朝早開46S，46X好似要派7部車行走，下午開46P，46X要好似俾8-9部車行，
46P, 46S, 46X共32部車，你計好個班次再Post出來。

你的建議看似小幅度，但係用車唔係小幅度，起碼用多左50部車在你所提供的班次。
多左咁多車，又唔係該區多左客，只不過係叫人唔使行咁遠搭車，但只係吸引多少許人，
班次老實講：過度頻密。

反而我先問下你的資料搜集有無做好，
1. 政府立場；2. 區議會因素；3. 乘客心理；4. 客觀環境；5. 其他配套。

我喜歡和你繼續討論，看一下你的回應，不錯。再想得細心一點吧！

[ 本帖最後由 KC3555 於 2008-4-23 00:12 編輯 ]

原帖由 expertuser 於 2008-4-22 21:39 發表 http://www.hkitalk.net/HKiTalk2/images/common/back.gif


6. 應該可以的，但九龍去火炭就要駁多一次車；個人感覺只要山尾街總站附近，加一個巴士站應可舒緩山尾街總站太迫的情況，適合選址 = 沙田商業中心外

2.  即是一條線兜二次相同地方?  而且咁改應是反向行走
沙田圍道只能單 ...

圖1a果度
沙田路都可以同一道理出番沙田圍路>大涌橋路>原綫

行得乙明博康冇啦啦skip左麗豪酒店其實又幾多餘