九巴擬取消70

原帖由 89B 於 2008-5-9 23:48 發表


乙明出觀塘都仲有不少阿婆等74A, 此終89B非繁唔密得過74A...

而且佢地搭開實知邊班用冷la

就算係新田圍, 每朝返工時間一樣有人專登等74A, 唔搭89

原帖由 89B 於 2008-5-9 10:21 發表


N270唔去中文大學, 相信72A, 74A都唔會相應70取消而改零晨0100尾車

反正70取消九記都要加番夜間既員工接駁車
不如運吉回應就市民既集體回憶素求.....70唔取消
但以後改為祗在2315-0045/0540-0640"象徵式服務,  ...

我也只是提醒"希亞路"可以用呢個方法由秦石返大埔而已

原帖由 petcity 於 2008-5-9 23:51 發表


89B會疏過74A？唔係呀，89B會開成廿分到共五分鐘一架？
同埋乙明出觀塘，仲有80X揀喎

乙明搭 74A 一定最快
89B 要落大圍
80X 就唔知慢起邊度, 應該係上落客多
有幾次起乙明見到 80X 出觀塘, 通常都係 74A 早過 80X 到觀碼

而且 74A 熱狗係 3 線之中最平, 加上必定有位坐同時間準, 乙明揀 74A 出去真係唔少客

表明立場：
我係北區居民但樓下冇 70 搭，70 呢條線我間中會搭，因為
唔想迫港鐵 / 貪平搭 74A 轉 70 放工 (黃大仙區工作) / 遊河。
但其實 70 呢條線，我一個月都未必搭到一次，呢條線對於我
來講根本就唔可能係「非搭不可」，甚至唔係為左遊車河 / 貪
平的話根本就唔可能會搭佢 (以我的經濟能力係絕對搭得起
70X 放工)。

70 客源如下:
1. 北區<->太和, 大埔公路一帶
2. 北區<-> 沙田源禾路, 新田圍一帶
8. 新田圍<-> 北區, 大埔太和www.hkitalk.net* d: n3 X; z& X& E7 R

除北區去太和及源禾路叫做有一定需求之外，其他客源
我好懷疑一日究竟有幾多人會來往呢兩地。

北區出沙田，除左粉嶺南去火炭 / 第一城有人會搭 73A 外，
其他地方我肯定有 98% 以上乘客會搭港鐵。

等半個鐘 70，之後仲要搭成個鐘，我企港鐵 20 分鐘已經
出到去沙田。沙田行去乙明村 15 分鐘有找，唔想行大可以
去大圍轉馬鞍山線。35 分鐘內必到乙明。
我住聯和墟的朋友，出沙田必搭東鐵線，邊會有人搭 70？

講埋新田圍，東鐵線轉 282 加埋都係 $8.7，70 一程 $8.2
仲要兜埋大埔兼冇冷氣…

其實沙田站行去瀝源 / 火炭站行去禾輋又有幾遠？
北區有唔少居民都要行十多分鐘去港鐵站。

其實…大家又了不了解北區居民的乘車模式？如果大家主觀
地認為佢地會搭 70 去所謂的「東鐵盲點位」，似乎大家根
本唔知佢地會點選擇。

4. 北區(大窩西支路)<->窩打老道, 油尖旺
5. 北區(大窩西支路)<->沙田源禾路, 新田圍一帶
6. 大埔公路<-> 窩打老道, 油尖旺

可能有人認為有直接車搭係很重要，尤其係要經常出入大窩西
支路 / 大埔公路的乘客。但首先要想想：沙頭角公路人口密度
分分鐘比大窩西支路 / 大埔公路更多，需要往返市區的居民分
分鐘仲多過「大窩西支路 + 大埔公路」。但佢地搭車，最遠只
能去到港鐵上水站… (55K 全程 $8，已經拍得住 70 熱狗)

住得鄉郊地區要駁車係好正常。何況就算取消 70，呢兩條路
沿線居民都有車出附近地區同市區。

尤其係大窩西支路，竟然有 70X 呢條特快線出九龍。好多住
郊區的居民恨都恨唔倒啦。

紅綠小巴收費貴，但計起上來如果你住係汀角路，人地轉車
兼仲要迫東鐵線，同你一程小巴兼唔駛迫，價錢其實又差不多。
計落絕對唔過份。

3. 北區(聯和墟, 粉嶺中心)<-> 窩打老道, 油尖旺
7. 新田圍<-> 油尖旺, 窩打老道一帶
9. 270A收車後往返北區的服務
10. 輔助81, 81C,270A,271 繁時不足的服務

呢個除左 9 叫做合理少少之外 (但其實大部份人都會搭亡命
58S)，其他理由都幾牽強，尤其係 3…

邊會有人住粉嶺中心會搭 70 出油尖旺？正路都係搭港鐵。
粉嶺搭 270A 出九龍至少快過搭 70 半個鐘。

繁忙時間個個趕返工返學，邊得閒會慢慢遊 70？
東鐵線夜晚出九龍實有大把位坐 (星期六日除外，因為多
過境客，但其實落馬洲車一樣有大把位) ，根本唔存在要
「迫」或者「捱貴 270A」呢個問題。

有人會講到 10 係一個好大的「誘因」去 support 70 號。
呢個其實係一個幾有趣的討論。

其實你俾十蚊八蚊去搭車，呢個車費其實只係包你可以用
佢個 service 將你由一個地方 transport 去另一個地方。
從來冇人話呢個車費係包埋「座位費」甚至保證你唔駛同
人迫。但偏偏有人就將「座位使用權」講到好似「老奉」
要 provide 埋咁。

既然係咁，東鐵線下午繁忙時間係唔會兩三班車都上唔到
車的，即係都係唔存在冇車搭返唔到屋企的問題。

新田圍搭 81 轉 282 又得 (仲要有埋轉乘兼唔駛落果條
樓梯)，81C 行上去又得，東鐵轉 282 又得… 其實新田圍
都算近市區，要迫都係迫大約 20 分鐘，根本就可以接受。

(續) (原本 italk 貼文係有字數限制，我身為板務人員都唔知有呢
樣野，真係「瘀皮」 )

其實有部份板友咁大反應，只係因為佢地有機會用到的東西係
由有變冇。

情況就好似你平時返學食 lunch，去開一間有 $15 學生餐的餐
廳食飯，點知呢間餐廳虧蝕嚴重，打算結業，學校附近最平的餐
廳都要 $25 先有同等份量 / 質素的 lunch 食，你又會有咩感受？
可能會有學生發起簽名，請求餐廳老闆唔好執左間餐廳，但其實
佢又冇義務去做蝕本生意…

如果你話執埋呢間餐廳，方圓兩公里內就冇其他食肆，咁你仲
可以搵下「鄉親父老」去「資助」下呢盤「蝕本生意」，正如
九巴 51，取消左真係要行路就蝕錢都要做。

所以，其實話反對取消 70 的理由，個人認為都幾自私…