九巴經營困難，實屬咎由自取

原帖由 lzengalau 於 2008-6-8 02:04 發表
你就客定就線先? d 客唔係去公主道, 柯士甸道既, 咁改黎做乜?

以前尖東站未起個陣
咪一樣大把人搭K16...

東邊入旺角大可以用東鐵，西邊入旺角的話做乜要碌長沙灣道...

原帖由 Pendolino 於 8/6/2008 02:10 發表

西邊入旺角的話做乜要碌長沙灣道...

其實啲車咁行主要係就深水埗南同太子兩大尷尬位。
深水埗總站服務唔到北河街、南昌街、黃竹街等處，嗰度都唔少人。

而太子係好重要的轉車站
──譬如大西北去中、東九龍， C/D 車未必能及，
坐 X 車喺太子轉觀塘線或其他巴士就係最佳選擇。

慢線只係要做呢兩度已經不能避免入旺角啦，
要快，可以去到旺角，但一定唔到呢兩處，
你話應該點呢？

原帖由 Pendolino 於 8/6/2008 02:06 發表

佐敦道塞車唔係因為佢本身，而係因為加士居道個路口塞番轉頭，
加上三幹落東九，上海街轉東行又係佢，東九入三幹又係佢，
反而柯士甸道細心睇就會留意到佢其實得一頭一尾多車出入，塞極有個譜

其實上面啲方法一樣可以用柯士甸道 (非巴士尤甚)

另外，如果改巴士落柯士甸道，會唔會最後連柯士甸道都塞死埋？

原帖由 hjhj 於 2008-6-8 00:50 發表


A線有延誤,從B線拉車,
城記的車用得盡,B線少了的車從哪裏來?
B線做了「代罪羔羊」?

如果B線無受影響出現斷纜o既, 起碼一定仲會有車開, 後車拉早d頂返先, 到A線穩定返都可以還車比B線
咁既幫到A線, B線又唔會影響好大, 當然我絕唔建議向d三,四個字一班o既線開刀啦
同埋時段o既需求都要考慮, 若A線需求大, B線該時段又客量一般, 無理由唔幫手
我試過中秋晚搭118出九龍, 118斷纜, 對面又無車返, 最後都應該係8X抽左部過黎, 個段時間8X需求又唔大, 但部118就興民已經頂晒閘, 抵幫啦

原帖由 530 於 2008-6-8 03:05 發表

如果B線無受影響出現斷纜o既, 起碼一定仲會有車開, 後車拉早d頂返先, 到A線穩定返都可以還車比B線
咁既幫到A線, B線又唔會影響好大, 當然我絕唔建議向d三,四個字一班o既線開刀啦
同埋時段o既需求都要考慮, 若A線需 ...

車子用得盡,還能拉早多少?

你說118和8X,我就回想有次在小西灣總站坐118,
目送一部九巴離開,見站長指示一部8X駛進118的車站,轉了做118
後面有一部九巴118剛到站,但沒有駛進118車站
過了幾分鐘還多來幾部九巴,全都沒有進站,到城巴118上客都沒有
好奇下,我沒有上車,看看是什麼一回事,這城巴開走後,所有九巴都沒駛過來
又見站長指著一部剛到站的8X往118站駛來,都轉了做118
到那幾部九巴全都「私牌」離開,我才明白是剛轉了營運公司的時段,
最後我登上第二部城巴離開,
從我到站至離開的十多分鐘,未曾見過有一部巴士駛進8X站,
站長沒有拉早後車,反是連續兩部8X都調往118
8X的乘客..............

[ 本帖最後由 hjhj 於 2008-6-8 04:42 編輯 ]

原帖由 053h4 於 2008-6-8 10:04 發表


閣下為何不說更受影響的118乘客?
現有的營運是分開城巴九巴時段

相信, 拉車的安排, 是減低對所有乘客的整體影響著眼


唔拉車118咪成大半個鐘都無車? ...

好明顯係個時間表有唔夠時間走既問題, 九龍某時段的頭車唔應該返唔切港島做下一時段的頭車.

同時亦反映出聯營制的低靈活性, 做成有車唔開得, 有人無車開... 客基本上就唔理你邊間公司出車的. 呢d咁既轉公司時段斷纜, 兩間公司互相換幾班車黎行, 應該唔係問題的, 亦善用兩間公司出落條線既總資源, 又可避免影響其他路線, 一舉多得. 只要數目計清楚, 例如城記時段行左3班九記, 九記時段俾番3班城記做, 理應可行, 車費收入上變化應該不大, 而且點到好過個個時段都有幾架車吉住走, 浪費資源.

原帖由 Pendolino 於 2008-6-7 12:39 發表

點到點係以打得爆架車的前提之下先會成立，
但係比如若果屯中得一條60m的話，就有辦法係任何情況之下都可以打爆

我寧願係一條三分鐘一班的點到點線轉另一條三分鐘一班的點到點，都唔肯等三個字然後仲要慢碌 ...

點到點,做繁時梗掂架
但非繁時做唔掂呢
如果巴士公司淨做繁時
佢開大批點到點又有乜所謂
做全日就唔係咁講法啦

我都係果句,轉車呢類書生理論
講就天下無敵
到實行時永遠就問題多多
就攞 33A 做例子
假如九巴佢縮短去美孚
乘客可以免費轉 6 / 6A / 6C
同時間將 33A 多出黎既車撥俾呢三條線
咁葵涌村居肯唔肯?
我會相信佢地寧願繼續邊鬧邊等廿分鐘 33A
都唔會願意坐呢條新 33A 轉 6 / 6A / 6C

原帖由 053h4 於 2008-6-8 10:04 發表


閣下為何不說更受影響的118乘客?
現有的營運是分開城巴九巴時段

相信, 拉車的安排, 是減低對所有乘客的整體影響著眼


唔拉車118咪成大半個鐘都無車? ...

咁８X咪少左兩架車咯…
難道淨係１１８有人搭？
十個煲九個蓋點計都係爭個蓋
與其話物盡其用，不如話奴役司機