對兩鐵合併半年之感想(長文)

原帖由 acctlkk 於 2008-6-8 16:00 發表


佢只係話用返九鐵、地鐵個名, 其餘和現在合併後情況不變, 點解會影響到 "協同效應"? (合併網絡, 節省成本等)

只不過咁樣o的市民就更混淆, 更加唔知二者網絡原來互通。 ...

其實呢個建議對乘客及港鐵職員來講都係一件方便及易於溝通和識別的好方法。
因為分番開兩個品牌，可令乘客更易分辨他們所需乘搭之路線所處之位置，令他們更易去尋找。
而從港鐵職員的角度來講，更是好事中的好事，現在因為已經合併了，兩間公司合成一間公司，理論上乘客問他們有關地鐵或九鐵d野，如點去火車站/地鐵站，他們不可直接用番呢兩個名答佢地，只可以叫佢地去邊度搭xxx線咁，但有d人可能會講極都唔明，你又要再去解釋比佢地聽，一日咁多人問d咁既野，有時佢唔煩，自己都煩啦，如果分番開兩個品牌，人問起野上黎，你可以直接搭佢呢兩個名稱，一講就明，唔使勞氣晒咁多口水。
咁既安排，直程win win雙贏！

原帖由 |_arco 於 2008-6-8 18:05 發表


實際上"港鐵"(MTR)的確是交通工具名字，"港鐵公司"(MTR Corporation)才是公司名稱，情況就如日本的JR一樣。
如果你話"港鐵"(MTR)是公司名字的話，那麼合併前地鐵也不應叫"MTR"吧，因為如果說成英文時便會是:
"I am travell ...

呢位兄弟點可以咁公然咁偷換概念架!
先撇下英文唔講, 就講中文 o既 「地鐵」，佢有兩個意思, 一係「地下鐵路」呢種運具, 二係「香港地下鐵路公司」呢間公司, 我地講「搭地鐵」當然就係指「搭一種運具」, 而唔係「搭一間公司」。
而家問題係, 「港鐵」呢個原指一間公司o既辭匯是否也可以指一種運具。而我的觀點是否定的, 如前所述。

都係logo問題...

試過見有人係旺角東以為搭地鐵....入左去先知係火車...
又見過有人係元朗話「點解無左西鐵既? 得番地鐵...我要去屯門咁點算」

如果logo有改變.....可能會好d...同埋少左樓主既情況...
好多人以為前九鐵綫車站係地鐵站....

雖然新logo可能都出現問題...不過d人一方面可以知道新公司...同兩鐵合併既好處

原帖由 JA5674 於 2008-6-8 22:02 發表
都係logo問題...

試過見有人係旺角東以為搭地鐵....入左去先知係火車...
又見過有人係元朗話「點解無左西鐵既? 得番地鐵...我要去屯門咁點算」

如果logo有改變.....可能會好d...同埋少左樓主既情況...
好多人以為 ...

而家擺到明係地鐵"吞併"九鐵
試問地鐵又點會整個新logo丫
知唔知MTR呢個logo值幾多goodwill呀
如果換左logo
海外o既公司
未必即刻知係以前o既地鐵公司

不過我覺得長遠而言
MTR係應該用過一個新的logo
但可能會係好耐o既事

原帖由 mmlcs36 於 2008-6-8 19:33 發表


我就唔信你車費上見唔到個effect啦~

服務差唔差左我就唔評論
總之分開兩間company,
請人d錢又要我地乘客俾返至真

分開兩間公司 (名稱) 唔代表要分開請人 (職位重疊)

原帖由 mmlcs36 於 2008-6-8 22:32 發表


職位重疊的價格都冇也可能會低過單一職位lor...

職位重疊的價格當然冇也 (乜?) 可能會低過單一職位, 不過名義上o既兩間公司而實際係一間公司, 唔會影響職位重疊定唔重疊o架o番。兩間公司同一個職位都可以請一個人o架