嶼巴服務真夠彈性

原帖由 Seiko 於 2008-6-20 14:23 發表


早年嶼巴 cut 37 服務時, 曾向沿線學校承諾提供特別服務作為"補償",
只要學校有特別活動或考試而需要巴士服務, 並向嶼巴提供時間及人數,
37就會按資料提供額外班次.

唔知其他公司有冇咁"彈性"既服務? ...

愉巴學校線S1-S6

另外，嶼巴係全港唯一一間有專利巴士租車服務的公司~

我都試過~

有一次星期日跟團行山，有差唔多40人，上午o係東涌等3M ，個站長見我地成村人殺埋黎，
就問我地去邊，我地就話全部去伯公坳，站長就叫我地等上緊客既車開走先，
然後安排一架車俾我地上晒，架車車頭冇攪牌，
同個車長講去到伯公坳放低晒我地之後吉車返黎東涌，
臨開車前仲上車問清楚，只去伯公坳，有冇其他乘客上錯車

同日下午，o係梅窩又係等3M返東涌，但係3M正常班次走左，仲有十幾人等車，
跟住有架A35埋站，2+2 位有行李架既"意蘇蘇"，本來係私牌返機場，見人多就即刻攪3M 個牌上客。
有好多外籍遊客想去長沙海灘，又主動問人：「"槍沙必廚"???(Cheung Sha Beach )Yeah!Yeah!Yeah!!!」
結果頂閘開出，去到長沙海灘停站主動叫班外籍遊客落車，返到東涌落晒客之後再趕去機場做A35。

佢地既服務真係幾好，又靈活！

[ 本帖最後由 ev5774 於 2008-6-21 19:17 編輯 ]

所以話, 呢個世界幾唔公平下

一d有心服務市民,
下下以乘客為優先的良好巴士公司 (嶼巴)
卻得不到應該得到的合理回報

相反, 一d自恃自己財雄勢大
下下以自家公司利益為先,
完全不理乘客需要的巴士公司 (幾間大公司)
卻年年賺大錢

其實如果嶼巴做哂全港巴士線就好.....

上次寶蓮寺放煙花，小弟帶老人中心D會員去睇，我地係包冠忠車，走時以為又有租車又有街客，六七十架車架架差唔多樣，一定亂到暈，o甘小弟未放完煙花就一馬當先走去找車，一出去就見到大量NLB稽查，佢地一見人走出來就問係租車定上車入錢(當時未放完，人少)，小弟就同其中一個講係XX團體租車，心想都係自己去找車，點知佢一睇張紙就同小弟講架車在第幾行第幾架，行到去仲見到個師傅搾住個牌等我，勁！呢D先真正叫服務嘛！

安頓好老人家後，因實在太多人同車，未開得車，故小弟落車睇下，見到每條線個站頭都有稽查，邊條線有人等就即刻Call車上客．全晚只有車等人！

嶼巴

原帖由 AVW56 於 2008-6-21 17:46 發表
所以話, 呢個世界幾唔公平下

一d有心服務市民,
下下以乘客為優先的良好巴士公司 (嶼巴)
卻得不到應該得到的合理回報

相反, 一d自恃自己財雄勢大
下下以自家公司利益為先,
完全不理乘客需要的巴士公司 (幾間大公 ...

當間公司做到大時,仲可唔可以維持到呢種服務都成問題

所以我認為
如果政府批多dd線比嶼巴做就好啦

大家睇嶼巴好似好有心做生意,
又知唔知母公司冠忠, 舊年獅子開大口,
膽敢要求公司車月費大幅加價47%?
好彩依家嶼巴有條B2, 今年加油價,
冠忠年頭加左我30蚊一個月, 今個月起又加多6%,
即係前後已經加左我17%價.

就算日常營運幾咁有心,
到有朝一日獨市, 咪一樣係搶錢.

嶼巴而家都係獨市，寶蓮寺除0左一兩個本地薑有車租外
咪又係嶼巴玩哂，有時真係講心，嶼巴都算有社會責任