嶼巴服務真夠彈性

原帖由 nwfb23 於 2008-6-21 23:29 發表
嶼巴而家都係獨市，寶蓮寺除0左一兩個本地薑有車租外
咪又係嶼巴玩哂，有時真係講心，嶼巴都算有社會責任

話就話獨市,但掉番轉頭諗,大部份搭嶼巴既都係遊客,
如果嶼巴本pea黎做,搞到人地唔肯去大嶼山旅遊,到時損失既咪又係嶼巴....

原帖由 transbus 於 2008-6-21 21:37 發表
大家睇嶼巴好似好有心做生意,
又知唔知母公司冠忠, 舊年獅子開大口,
膽敢要求公司車月費大幅加價47%?
好彩依家嶼巴有條B2, 今年加油價,
冠忠年頭加左我30蚊一個月, 今個月起又加多6%,
即係前後已經加左我17%價.

就 ...

一間幾有心的公司，只要無錢賺都會倒閉，

嶼巴連年蝕錢，今次6月8日加多少少價都算正常，

至於冠忠的業務，同嶼巴完全無關，但嶼巴的業務就同冠忠有關，咁講明未？

3M呢條線, 下午由東涌開1810班經舊墟正班開左之後, 正路會在1820-1825多開一架唔經舊墟加班車, 一定係用ILS126-130(LV423R)咁滯, 只要當天冇人在果個時間租車/突然有很多人去某一個地方, 呢班加班車都會開(經驗中, 若果呢班加班唔開, 1825在機場開的A35會頂晒閘).

呢班3M加班車仲要有一班熟客長期支持.

其實嶼巴可以咁自由, 好大程度上係因為佢冇替代服務, 常客少但又多遊客
大嶼山冇小巴, 冇證車輛又唔入得南大嶼山/東涌道,
佢唔咁靈活提供服務 d 人就真係冇車搭

另一方面亦唔會有競爭對手投訴佢搶客, 所以佢可以放心加班
加上路面車流量少, 佢點加班政府都唔驚佢會塞死條路,
所以唔似其他對巴士公司限制咁嚴

或者，大家應該當嶼巴係一間小巴公司咁睇......
如果佢唔出車，人人走去搭的士（迫滿晒，個價可以同搭巴士差唔多），佢咪蝕多兩錢重。
相信一架頂閘的大型旅遊巴，收入應該足以蓋過該程油價卦～
嶼巴應該都係入專利油架可？

其實如果嶼巴做哂全港巴士線就好.....

我只係講出自己心聲.....都要俾人扣i/a power.....唉

入番正題....

如果果條即將開嘅T39, 我會服D lor, 至少唔駛再俾九龍(九巴+龍運)獨賺, 嶼巴亦可以多條線"維持生計"

原帖由 petcity 於 2008-6-22 21:51 發表


講心聲唔係唔好，但就咁一句乜理由都冇
會唔會有D同文章主題不符，有少少灌水呢？

如果T39由嶼巴做，我諗佢未必肯做，要專登搵架車做一單
唔太合成本效益 ...

1R都做到，T39一樣可以做，模式亦可以一樣。
不過我就係想不到理由點解運輸署會俾T39嶼巴做。