關於近日星島/頭條日報的報導

原帖由 053h4 於 2008-6-28 13:49 發表


香港有法律的, 相信唔係日日嘈話徧幫某傳媒, 就可以改善道德

他們之間的政見對立，
當一方有把抦給人捉住另一方當然會捉住此把抦不放，
作出評擊的人當然不是旨在改善道德，而是藉此攻擊對手，
這在言論自由、多黨派社會中是一件正常的事

我真係唔明點解回歸特輯就要係日日係度數肥佬黎呢？
回歸十一年無其他野值得講喇咩？

原帖由 053h4 於 2008-6-28 16:41 發表
所以, 雖然生果集團從來唔理同行攻擊
亦不少局外人以"其身不正"的理由回應 ...

生果集團其身不正相信沒有太多市民會反對

原帖由 asv2 於 2008-6-28 17:24 發表
我真係唔明點解回歸特輯就要係日日係度數肥佬黎呢？
回歸十一年無其他野值得講喇咩？

左報這樣做也有代價的，
就是令讀者對左派反感

但激右派說批評肥佬黎就等於對抗民主，
同樣令人反感

東方星島常常大篇幅鬧黎智英,咪只係囉自己既錢去自我欣賞
你估肥佬黎會唔會因為呢類文章而賺少兩蚊,蘋果仍舊日日賣
日日被人鬧,怕唔會因為呢d文而"收手"卦

講真香港傳媒文化今時今日唔多唔少受肥佬呢套影響,傳媒以前
一係copy and paste,一係鱔稿大量,今時今日十個封面九個唔係
天災人禍就係煲水緋聞,再唔係鬧鬧鬧,胴體展示或者偷拍偷拍
咁又一天,香港人知識水平雖然提高,但對閱讀要求越來越低.

或者星島東方只會話肥佬污染社會,鹹味十足,但佢地又不自覺
地跟從蘋果個套style--全彩色印刷,圖多字少,有鬧無讚,立場明確.
如果話肥佬教壞細佬,倒不如話近十年幾來再無一間傳媒可以
左右大局,將成個傳媒生態改變

作為一個讀者有時覺得呢個年任何新聞都係五十步笑百步,每份
報章都有佢既有立場,任何新聞用不同角度去寫效果可以唔一樣,
與其信邊間傳媒,倒不如相信自己分析同觀察力

所以呢D文章睇完咪算,雖然某程度上壹既刊物係偏鹹偏激左少
少,但相對以前已經收歛左,囉full page去數人歷史,從而賺少幾萬蚊,
蝕底既咪又係自己

而家先講其實已經有少少遲。
《頭條》第一日出報紙已經走緊類《東方》路線。
至於《星島》，自從唔知邊一年話改革之後我都已經知佢被人統戰。

《am730》應該無問題，我諗我只係睇唔慣，
寧願睇照抄的《都市》──但其實《都市》入面唔少專欄都幾值得睇。

原帖由 orange 於 2008-6-29 05:01 發表
東方星島常常大篇幅鬧黎智英,咪只係囉自己既錢去自我欣賞
你估肥佬黎會唔會因為呢類文章而賺少兩蚊,蘋果仍舊日日賣
日日被人鬧,怕唔會因為呢d文而"收手"卦

講真香港傳媒文化今時今日唔多唔少受肥佬呢套影響,傳媒以 ...

正所謂天下烏鴉一樣黑，
為何在香港要找一份有權威的公信報章都這樣難?

不要說笑
香港真的有人視肥佬黎為香港的良心

[ 本帖最後由 Kaix 於 2008-6-29 19:14 編輯 ]

原帖由 Kaix 於 29/6/2008 19:05 發表

不要說笑
香港真的有人視肥佬黎為香港的良心

問題係搞到真係好清高又無人識欣賞，仲可能會被人話虛偽。
(無記錯的話《明報》就成日被人咁話)
黎生嗰種可能就係正正有呢種「缺陷美」先多人 buy。

我諗佢啲支持者會話「成大事者不拘小節」，
不過其實大家都係賺錢，之不過黎生識搵呢條門路，
又賺錢又企到道德高位，都唔可以話佢唔犀利。

[ 本帖最後由 238X 於 2008-6-29 22:38 編輯 ]