最高時薪議員

原帖由 SunnyJacky9094 於 2008-7-18 14:19 發表 [url=http://www.hkitalk.net/HKiTalk2/redirect.php?goto=findpost&pid=1226810&ptid=310494][img]大家覺得甘乃威分唔分到李柱銘以前D票源? ...

有唔少會流左去公民黨囉!

原帖由 SunnyJacky9094 於 2008-7-17 16:11 發表
我個人覺得田北俊有機會再坐4年, 公民袋就.....湯生入唔到就冇ga la....劉慧卿, 鄭家富就有機會再坐, 中指就佢選我都唔投佢, 同上面所講一樣, 坐喺度盞嘥位, 讓出黎好過。
大家估下環保觸覺嗰個同班西九新動力入唔入 ...

唔係潑你冷水..譚凱邦拎得番按金都成問題!

原帖由 DW8306 於 2008-7-17 17:50 發表
長毛最少係真心真意行出黎撐工人喎...
試問有邊次工潮佢會唔理工人潛左水丫?

好似上次紮鐵工潮咁,工__會班友.
出賣工人利益,最後俾班工人柴台

__聯會,你為工人打拼咩?我唔覺囉 ...

其實坦白講, 冇潛水唔代表佢係真心真意幫人. 呢句話唔係針對住梁議員一個, 任何議員都係一樣.

唔潛水, 撐到最後, 可能只係代表佢曉做戲做全套.

不過我都認同, 梁議員似係比較重政治原則多於政治利益ge一個, 亦理解點解佢會有唔少支持者.

雖然咁未足以令我手上一票投俾佢 (小弟都係新界東選民) , 現階段我會傾向投俾溫和民主派 (黃成智) , 與及個人覺得較有原則 (唔識點講) 的Emily. 前者頗著重地區工作, 立場亦較為溫和, 後者則真係會願意花時間聽市民意見. 同樣係泛民之一ge公民黨湯家驊, 我真係諗都冇諗過.

雖然係選立法會, 但小弟認為, 議員ge地區工作都應該考慮在內, 唔係話佢係泛民, 願意爭取民主, 會0係議會內發聲 就得. 選佢ge係該地區的選民, 如果一旦當選, 入到議會, 跟手就唔理當日選佢入去果班選民, 個人覺得係絕對講唔去. 正如我唔認同曾鈺成的立場, 但至少佢俾我感覺係唔會忽略地區工作 (至少會著重西環, 觀龍 選區 吧) , 如果我係港島區選民, 我唔會諗都唔諗就完全唔考慮佢. 雖然我覺得到最後投俾佢ge機會都好低 -- 始終政治立場都係需要考慮在內, 尤其係立法會選舉, 但我想講ge係, 就算佢係親北京, 我都唔會完全否定佢做ge野.

不過新界東入面, 我同樣唔會考慮劉江華, 唔係因為佢係親北京陣營, 而係平時睇佢講野, 覺得呢個人冇咩point, 選佢入去都冇用.

政治, 係好複雜的. 支持民主的, 可能其實係為著政治利益. 佢地心裡面想點, 普通市民唔會知. 去投票, 純粹係因為要盡公民責任, 想用手上的選票, 搏下係咪真係選到個為民請命, 又真係有建樹的議員. 搏到, 算自己好彩 (或者讚下自己有眼光) , 搏唔到, 下屆唔再投佢, 這就是民主的可貴.

[ 本帖最後由 血肉長城 於 2008-7-24 08:25 編輯 ]

原帖由 血肉長城 於 22/7/2008 05:54 發表

政治, 係好複雜的. 支持民主的, 可能其實係為著政治利益. 佢地心裡面想點, 普通市民唔會知.
去投票, 純粹係因為要盡公民責任, 想用手上的選票, 搏下係咪真係選到個為民請命, 又真係有建樹的議員...

唔反對，只不過而家仲未全面普選，屬於非常時期，
我暫時仍然認為「立場壓倒一切」有必要。
況且建制派整體而言似乎比泛民更加政治利益掛帥...

論潛水，新界東既李國英絕對係表表者
上年立會選前一兩個月之後見過吓人
當選之後四年,我連佢個影都未曾見過
更加唔好講佢有冇做過野
論立法會最應被掟走既人
李國英一定係三甲之一

原帖由 hkbw 於 2008-7-20 19:31 發表


呢班, 我一向都唔當係議員..有辦法掟到呢班人出立法會既, 煩請告之..
仲有, 做野唔係得個做字, 下下俾人告咁就叫好..
一個有能力既議員, 係要可以反映民意, 為市民出口氣之餘, 仲要能夠同政府溝通,
做唔到呢條橋 ...

我上面講既李國英
絕對做唔到閣下口中既事
反映民意?呢條友影都未見過,點樣反映?
同政府溝通?連市民想要既野都唔知,溝甚麼通?
做橋樑?旨意佢做就死得人啦

原帖由 superbus 於 2008-7-24 13:56 發表

我上面講既李國英
絕對做唔到閣下口中既事
反映民意?呢條友影都未見過,點樣反映?
同政府溝通?連市民想要既野都唔知,溝甚麼通?
做橋樑?旨意佢做就死得人啦 ...

其實對上一次選舉，佢入局真是幸運。反而替黃成智不值。

原帖由 KE7782 於 2008-7-31 12:47 發表


其實對上一次選舉，佢入局真是幸運。反而替黃成智不值。

不過黃成智都做過立法會議員, 依家再出選卻當成第二梯隊, 認真奇怪...

李國英...做左d咩???