B3A建議山景擺石排頭路?

原帖由 石頭 於 2008-7-31 00:30 發表

多人可以在置樂／市中心開特車，

屯碼經置樂至市中心一段路所需時間的誤差不超過5分鐘

屯中定點開車咪得囉,城巴強項!

日日運動身體好　男女老幼做得到

港鐵搞咁多港鐵優惠站想點？？就係鼓吹步行...翠林花園行去建生邨，唔遠。
大興去石排，更加唔遠。個個讀大興既中學既學生都係咁行。

如果行少少路都接受唔到...所以有咁多廢路線lu....


講真，B1真係冇乜人識o係東頭村落，仲要擺頭站，miss左都唔出奇，只係因為元朗站只有新元朗中心，旅客意不在此...但B3X，屯門市中心，旅客/轉車乘客都意在此....


唔好睇少乘客量，只要o係過境繁忙日子/時間，我上次o係置樂上，都已經有60個客...那B3X屯門市中心等的人(兜兩個圈返站頭點算？)

如果你咁講，應該分拆假日(包括假日前夕)及非假日之B3X班次。

繁忙就屯門市開，非繁忙就屯門碼頭開。(當然繁忙日子還會有置樂/屯碼去深圳灣既服務)


如果咩都開特車..咁城巴宜家隨時都可以開由邊度開始既特別班次啦....(有D港鐵巴士都係咁做...)只要有人監察住上車乘客就可以，無須更改現有的B3及B3X線啦...(B2都臨時加密)

原帖由 053h4 於 2008-7-31 12:01 發表


無位坐, 巳經好趕客
另外, 巴士如因人多遲到, 如可定班?

B3X 屯市多人坐都主要係星期六及假日, 其餘日子由碼頭去到
市中心加埋開 20 分鐘一班都應該唔會坐滿一部 12 米。我就
睇唔明點解唔可以郁條 B3X, 而只可以拆 B3, 仲好似建議加車
落 B3X 度。家陣好似有部分人對 B3X 既客量過分樂觀喎。

我經常見到 B3 同 B3X, 我就完全唔覺得屯門有需要攪到有
三條 B 線出黎, 恐怕到時單靠所謂好客既日子去填補都填唔番。
若果要維持番宜家 B3X 既路線 (除了屯門公路沿線加站外),
我諗 B3 唔郁好過郁。家陣宜家大部分人話 B3 兜, 咁的而且
確 B3 要兜好多地方, 但係一單都係 50 分鐘左右 (南行會快 d,
北行就耐 d); 但他朝一日 B3 拆做 B3 同 B3A, 到時 B3 係
唔駛兜咁多, 但係班次就疏唔少, 行車時間可能只係快 10 分鐘*,
到時條數O係番度。

*新路線係點仲未知, 但即使用番宜家 B3 定線去到置樂之後
用最快既路線上公路, 全程行車時間都要預 35-40 分鐘, 但如果
B3 兜番新墟或且其他地方就要更加耐。

原帖由 lsc04d11 於 2008-7-31 10:53 發表
日日運動身體好　男女老幼做得到
港鐵搞咁多港鐵優惠站想點？？就係鼓吹步行...翠林花園行去建生邨，唔遠。
大興去石排，更加唔遠。個個讀大興既中學既學生都係咁行。

如果行少少路都接受唔到...所以有咁多廢路線lu....

講真，B1真係冇乜人識o係東頭村落，仲要擺頭站，miss左都唔出奇，只係因為元朗站只有新元朗中心，旅客意不在此...但B3X，屯門市中心，旅客/轉車乘客都意在此....

唔好睇少乘客量，只要o係過境繁忙日子/時間，我上次o係置樂上，都已經有60個客...那B3X屯門市中心等的人(兜兩個圈返站頭點算?
如果你咁講，應該分拆假日(包括假日前夕)及非假日之B3X班次。

繁忙就屯門市開，非繁忙就屯門碼頭開。(當然繁忙日子還會有置樂/屯碼去深圳灣既服務)

如果咩都開特車..咁城巴宜家隨時都可以開由邊度開始既特別班次啦....(有D港鐵巴士都係咁做...)只要有人監察住上車乘客就可以，無須更改現有的B3及B3X線啦...(B2都臨時加密)

你試下同班議員話日日運動身體好, 你睇下佢地會有咩反應?
一句向選民交代已經大晒, 同佢地理性討論仲鬧番你同佢講
條件。剛剛聽完果段錄音, 如果我係城巴果個代表真係扯晒火。

B3X 既情況其實係要睇 B3 要唔要拆線。如果唔拆線, 我絕對
贊成 B3X 唔需要有任何改動 (最多都係加站), 但宜家區內聲音
根本係非拆 B3 不可, O係呢個情況之下我覺得將 B3X 同
新 B3 合併成 B3X 好過兩條線大部分日子都客量差。

根據錄音內容, B3 分拆成 B3 及 B3A 之後班次為 30 分鐘, 沿用
原 B3 共 7 部車, 當中 B3 派 4 部車, B3A 派 3 部車。換言之,
新既 B3 一轉係 120 分鐘。如果將 B3 果 4 部車撥落 B3X 用作
B3X 延長之用, 由於 B3X 原先派 3 部車, 呢個情況下新既 B3X
就有 7 部車。雖然用番 120 分鐘一轉去計, 7 部車只可以做到
17/18 分鐘一班 (35 分鐘 2 班車)。不過我覺得城巴計算 B3 行車
時間都幾保守, 宜家見到唔少班次可以抖接近 20 分鐘, 甚至更多,
所以我覺得新既 B3X 可以做到 15 分鐘一班, 即 105 分鐘一轉。
換轉用番 B3 分拆分案, 如果新 B3 用得 4 部車, 即使一轉減到
100 分鐘, 都只係做到 25 分鐘一班。

再重申一次, 我都知 B3 同 B3X 有部分日子多人, 但多人既日子
有幾多? 一般黎講星期六唔算多人, 假日都係某些時段多客
(例如朝早往深圳灣方向)。更加唔好話幾時會有班 B3 去到置樂
已經有 60 人。

假日朝早最繁忙時間我都坐過幾次 B3X 上深圳灣, 打兩個圈都係
一班車既客, 但係果陣 B3X 仲未有加班車, 即係開緊 20 分鐘一班。
之後有加班車既時候人龍都立即短左, 上深圳灣都唔駛企。同樣
情況適用於 B3, 不過 B3 加班車就好似同前面班車好近, 造成
前車頂閘、後車半吉既情況。

[ 本帖最後由 fw1321 於 2008-7-31 18:45 編輯 ]

原帖由 fw1321 於 2008-7-31 18:23 發表


你試下同班議員話日日運動身體好, 你睇下佢地會有咩反應?
一句向選民交代已經大晒, 同佢地理性討論仲鬧番你同佢講
條件。剛剛聽完果段錄音, 如果我係城巴果個代表真係扯晒火。

B3X 既情況其實係要睇 B3 要唔要拆 ...

如果搞到半個鐘一班真係好無謂,
過關搭巴士去關口唔係咁易預時間,
走左班車等半個鐘不如搭其他車轉輕鐵好過.
贊成B3X拉長,
咁貪平轉車客要轉962都快過而家搭B3轉.