你們通常會用那種輸入法來輸入中文呢?

倉頡，遇上難折或不懂解碼字便用速成。以前入中文筆者是用手寫板為先，九方在後。

我屋企多數用快碼，打香港字就要用自由速成，
因為唔知點解快碼打出黎既香港字，o係IE出唔到，
o係街就(焗著)用速成

而家想轉用九方，因為同人講我用快碼，好多人都唔知係乜，
好似怪怪地咁，反而九方就較多人知係乜，要裝落部腦度都較易，
雖然開發九方既公司，聲稱學九方可以「五分鐘畢業」，
但我苦無說明書#:-/

至於倉頡........我覺得真係超級超級超級難，有Ｄ仲拆得極之唔合理，
例如個「李」，真係唔明佢點解會係「木弓木」，應該「木弓一」至係合理，
又例如「小」係「弓金」，「京」竟然唔係「卜口弓金」而係「卜口火」，
仲好死板，一個字焗著得一個打法，
例如個「戶」字，相信好多人用手寫時，上面都會用一點，
但用倉頡時，你用呢個方向去唸黎拆，就永世打唔到.......

我唸我呢世都唔會學得識倉頡，早已放棄......

題外話，早幾個星期前，無線個新聞Ｘ視訪問資優學生，
其中有個IQ高達140既少年，電視所見佢都係用九方打中文，
倉頡係咪真係難到連IQ140既天才都被難到？#:-*

自己都係用九方打中文的，感覺上九方比倉頡易學
不過有一些字要比較花時間，同埋普及程度唔夠倉頡速成高
部機無九方就唔識打中文.....#:-/

某程上覺得，用慣了九方好難學番倉頡速成#:-/

[ref=299669]mckhgc[/ref]  在 2005-7-12 20:50 發表:

我屋企多數用快碼，打香港字就要用自由速成，
因為唔知點解快碼打出黎既香港字，o係IE出唔到，
o係街就(焗著)用速成

而家想轉用九方，因為同人講我用快碼，好多人都唔知係乜，
好似怪怪地咁，反而九方就較多 ...

還有倉頡速成這兩兄弟輸入法也不能輸入「車輛」的「輛」。如果您按jo或jl的話是沒有「輛」字，要九方才能打到，它的倉頡碼是jjml，但是本人切換到倉頡並按jjml的話，會聽到「咚」一聲，表示沒有這種倉頡碼。如果切換成速成的話頂多只會出現沒有兩個人的「輀」字。這倉頡速成不能輸入「輛」字是否一個弊病所在?可不可以給本人一些不能單獨在倉頡速成中輸入的中文字?

[ref=299888]gsrc0525[/ref]  在 2005-7-12 22:58 發表:



還有倉頡速成這兩兄弟輸入法也不能輸入「車輛」的「輛」。如果您按jo或jl的話是沒有「輛」字，要九方才能打到，它的倉頡碼是jjml，但是本人切換到倉頡並按jjml的話，會聽到「咚」一聲，表示沒有這種倉頡碼。如 ...

輛是 JJMLB

拼音+手寫

[ref=293576]kmb71k[/ref]  在 2005-7-7 09:44 PM 發表:
我都係常用倉頡
但遇到一些不懂打的字時
就會用速成去查一查個碼係乜~
;)

我都係,不過成日唔記得D拆碼.

一定係倉頡，而且打左十幾年，都無唔識
既字咯 (近年新出的 UTF-8 簡體字除外) ，所以都無
乜用過其他輸入法... 當然，去到手機打 SMS 就無
可避免地要用筆劃。