我搭九鐵好定港鐵好呢??

原帖由 4056 於 2008-8-14 23:42 發表
有什麼不正確的地方？「地鐵」即「地下鐵路」，難道合併後不是在地下行走嗎？

請看清楚原文的紅字部分，切忌斷章取義。

就你的情況，如果要執着一點，你可以說成乘搭：
* 港鐵
* 港鐵--九鐵綫
* 九鐵綫
* 由九鐵公司擁有的路綫 (後按： 謝謝dennis28a的指正，應該說成「部份資產由九鐵公司持有的路綫」）

但說成乘搭地鐵或地鐵綫就肯定不正確了。

這是「港鐵」在中文解釋上的問題。
「地鐵」在英文稱作Underground, Subway；「港鐵」只是對香港境內鐵路路線、服務的統一簡稱，
當中也包括「地下鐵路」(即港鐵地鐵線)和「地上鐵路」(Overground, 即港鐵九鐵線)。

原帖由 4056 於 2008-8-14 23:39 發表
其實除左交通迷之外，根本冇人會話「搭港鐵」，甚至係鐵路公司職員都係照返以前咁講，即「搭地鐵，搭火車，搭西鐵」等等......

老實而言，小弟時至今日都係改唔到口，我相信在坊間上，
無人會執著究竟是「馬鞍山線」還是「馬鐵」，只要大家溝通到就無問題。

再者，小弟反而認為改唔改到口，視乎其個人本身既適應能力，
反而同屬於咩身份無關。

原帖由 4056 於 2008-8-14 23:39 發表
我而家日日返港鐵公司既廠，但人地問我點返工，我答人「搭巴士轉地鐵觀塘線同荃灣線，再轉西鐵，再轉輕鐵」，冇人可以話我錯。東鐵我都仲係講緊「搭火車」。

人地問我做邊個部門，我都係話「九廣輕鐵」。你執著d咁冇計，但我照咁 ...

我而家同人講搭西鐵綫
有時都會講成「搭地鐵入天水圍」
似乎沒有幾個人會話「搭港鐵」
硬係覺得好撓口

我而家係 "東/西/馬鐵" 完全改唔到口....
"原有地鐵"有時就會叫做港鐵....

始終...一朝一夕係唔會改變到先入為主既感覺...

講真個句,

而家已經唔係 "改唔改到口" 的問題
而係 "有冇需要改口" 的問題


好似小弟住係新界西,
一直都係依靠九廣輕鐵穿越區內及九廣西鐵往返九龍
而小弟身邊的朋友
大部分都是住於新界西區的

既然如此, 在小弟的處境下
小弟根本就無需要改口叫西鐵做 "西鐵線"
因為, 小弟的圈子, 依舊是往常個班新界西朋友
我講西鐵, 大家明白, 相反,
如果我講西鐵線, 反而令班朋友覺得奇奇怪怪


當然, 係正式場合
如寫作, 考試等, 叫返做港鐵西鐵線亦是正確的
而小弟亦有信心一定可以改到口

所以我就話
不是改唔改到口的問題
而係你身處的場合, 有冇需要改口的問題

根本MTR( 最最穩陣就打英文...)就響度玩統一, 什麼西鐵線東鐵線, 西鐵嘅含義已經包括成條鐵路, 係都要整個線字落去...搞到成個畸胎咁....搭地鐵, 搭火車, 搭西鐵, 已經成為香港人嘅慣常語言, 正如而家仲有人將入境事務處叫做人民入境事務處(包括小弟..)一樣

搭地鐵去天水圍真係少聽好多.....

其實港鐵公司應該將東鐵綫同埋西鐵綫改名，馬鐵都轉做馬鞍山綫。
只不過可能遲D改什麼做南北線、東西線，懶得宜家改。

西鐵綫--屯門綫
東鐵綫--(真係諗唔到咩名)....

站名方面，好似城新咁叫「xx站」，講少「地鐵」/「火車」，總好過講「港鐵」、「西鐵綫xx站」，最多只係屯門、兆康、元朗先要講清楚係輕鐵定係港鐵(西鐵綫)

原帖由 4056 於 2008-8-14 23:39 發表
我而家日日返港鐵公司既廠，但人地問我點返工，我答人「搭巴士轉地鐵觀塘線同荃灣線，再轉西鐵，再轉輕鐵」，冇人可以話我錯。東鐵我都仲係講緊「搭火車」。

人地問我做邊個部門，我都係話「九廣輕鐵」。你執著d咁冇計，但我照咁 ...

地鐵一詞意思上無錯, 全世界o係地底行既城市通勤鐵路, 中文不嬲都係叫地鐵
就算內地有D城市既地鐵正名叫「軌道公交」(或簡稱「軌交」), 文字媒體多數都係寫「地鐵」
內地媒體講香港既前地鐵系統, 亦繼續使用「地鐵」一字
什至將東鐵都稱為「地鐵」, 亦有一D入鄉隨俗稱東鐵為「火車」
至於「港鐵」一詞, 我o係內地個幾月都無見過有媒體使用

而香港人相信100個人中有99個人都仲係稱呼緊「地鐵」「火車」「西鐵」「馬鐵」「九鐵」等
至少我識既人全部都係咁, 從未聽過有人將「港鐵」掛o係咀邊
「火車」等字眼嚴格來說係錯, 但平時生活何必咁嚴謹定義呢D字眼?
至於「地鐵」更加唔可以話人講錯
至少我而家都仲係用呢D舊詞

「去上水, 搭火車囉」
「今晚7點半旺角地鐵恆生等」
溝通方式既野, 大家明就得, 無必咁執著
可以想像同朋友交談, 將上述字眼換成「港鐵」, 係一件幾怪既事