[轉載]一篇關於巴士迷的文章

巴迷要影相都尊重下人問人介唔介意先啦,唔係每個人都接受到個鏡頭
難聽D講句,小心俾人打鬧
在歐美國家咁做,人家以為你想做非法行為,甚至當你係恐怖分子,到時就唔好鬧人!

想人家尊重你,請你尊重人家先!

要在巴士下層車頭影相,都唔好攪人架車,萬一有意外,真係你負責,到時就唔係同你玩

咁有時我又覺得某部份巴士迷真係抵俾人鬧...

樓主果篇轉載文其實有D都唔係講錯...
講真...晌自己未有經濟能力之前,
佢地都係靠老豆老母錢...
唔係話唔俾佢地去迷巴士...
但係係咪應該適可而止呢?
有時我見到D巴士迷真係一冇野做就去影車,,,去遊車河...
我自己都覺得好唗錢...
我講果D就係一班仲係讀緊書...
未有經濟能力既巴士迷...

但同一時間,
我認為家庭/學校教育都係重要...
想當年我細個果陣...
我想拎部傻瓜機出去影車...都要跪要拜咁濟...
而家見到D巴士迷話換相機就換過部...
就係話佢地物質太過豐富...
唔識珍惜...
而呢樣野都影響到佢地對巴士既價值觀~

其實呢d野，自己愈介懷，生事者就愈得意

總之一句啦
"別人笑我太瘋癲，我笑他人看不穿"

[ref=299239]LNChickenRice[/ref]  在 2005-7-12 02:28 PM 發表:

社會功能學派式解讀巴迷/巴士愛好者
通常都會係樓主提出0既呢種論調
其實以上0既想法十分功利主義本位
而且又十分之反映0左佢地歧視非我者0既自大心理

其實巴迷係某程度上
扮演0既另一類別0既功能,可謂平常 ...

用functionalism去解釋都唔錯。
之但係又會有人用conflict perspective去解釋...

不過巴士呢個喜好o係香港究竟係次文化 (subculture)定係
反文化 (counter-culture)﹖
前者一定係，同埋呢個社會有太多資訊，我地好難完
全接收知道巴士迷真正係點，於是佢地只從日常生活
o既觀察，尤其行為較出位o個o的，慢慢就好自然label
左呢o的係巴士迷。或許icq那個係因為咁而寫低呢篇野。
(佢未完全了解巴士迷)

其實又從社會學角度，巴士迷係一個association (係一個
次等關係secondary group)，佢地只有一個共同o既目標 /
目的，就係佢地o既嗜好。巴士迷同釣魚、攝影、文學等
一樣，都有一個大組織，但係關係唔似家庭咁親密。

[ref=300460]Citybus10[/ref]  在 2005-7-13 13:51 發表:
用functionalism去解釋都唔錯。
之但係又會有人用conflict perspective去解釋...

如果只係用馬克思0個腦
非常唯物地言論各位行家0既儲巴模行為
咁就真係一個理由:有錢無地方駛...
(不過,人心肉造:如果大家只係Chobits系列人型電腦
或者大家都唔會儲巴模,而係搵大家各自0既'只屬於我之人'好啦)
以上例子說明:物質只係工具,關係先係主菜
晌馬克思唯物0既世界之中:如無工具出現,關係就無法產生
而Chobits呢個Otaku例子說明了:人係有靈魂0既動物
係有心理活動同思想上0既行為...
影巴士相只係萬千唯心行為之中0既其中一種...

[ref=300460]Citybus10[/ref]  在 2005-7-13 13:51 發表:
不過巴士呢個喜好o係香港究竟係次文化 (subculture)定係
反文化 (counter-culture)﹖
前者一定係，同埋呢個社會有太多資訊，我地好難完
全接收知道巴士迷真正係點，於是佢地只從日常生活
o既觀察，尤其行為較出位o個o的，慢慢就好自然label
左呢o的係巴士迷。或許icq那個係因為咁而寫低呢篇野。
(佢未完全了解巴士迷)

無錯:因為在社會/政治心理學0既解釋之中
一般人總係喜歡睇一些特別0既0野,
而唔係睇埋一般在其Subculture之中0既一般人又晌度做乜
舉個小弟曾經做report功課0既實例:
晌玩Cosplay(角色扮演,特別啦0卦??)呢個Subculture之內
係極有可能搵到易服0既Cosplayer(i.e.男扮女角,女扮男角)
但係一問佢地(尤其係男易服Cosplayer)為乜咁玩法之時
佢地都只係話:'個角色可愛,我鐘意Cos佢囉!'
(咁唔通話佢地係變態0既咩?事實上精神病學方面,
又唔係全面地話佢地喜歡Cos女角/男角係易服癖(TV)0既人士...
[詳情參考DSM-4或ICD-10等精神病患分類統計等等0既內容
或者請教心理治療師等等專業人士]
佢地同傳統大戲台上0既易服角色(男人做旦角之類)一樣
係玩其角者,依其樣出場...演員道德0既一種而已)

不過,唔知咁多0既朋友肯定話以上0既Cosplayers係變態
怕0既可能只係驚佢地入錯Toilet之後做一d非法0既非禮行為...
(當然,佢地係唔會入錯Toilet 0既...小弟0既觀察正是如此)

偏偏正常0既人事一般都當無事發生
反而變態、出位0既東西大家爭住去睇
(可惜0既係:呢d變態、出位例子通常都係極少數0既壞份子做出0黎0既)
錯誤0既認知引申成錯誤0既邏輯推論
結果:群眾真係可能會被一少撮0既壞份子'作怪'
而被群眾目為untouchable(賤民:人見人怕-印度古社會階層之中最低一級)
跟住當然係借故行兇:
搶光佢地0既人權、燒光佢地0既物資糧草、殺光佢地0既生存空間
[以上0既事情告訴我們:要民主之前,請先捍衛社會上每一個人0既自由
否則比'三年零八個月'更慘...
因為民主只係社會壓制少數群體合理權利0既工具而已
其後0既元兇名叫'烙印化':當佢地奴隸咁扮,仲有何自由可言咩?]

[ref=300460]Citybus10[/ref]  在 2005-7-13 13:51 發表:
其實又從社會學角度，巴士迷係一個association (係一個
次等關係secondary group)，佢地只有一個共同o既目標 /
目的，就係佢地o既嗜好。巴士迷同釣魚、攝影、文學等
一樣，都有一個大組織，但係關係唔似家庭咁親密。

同意
仲有一個特點:就係大家可以自由進出而唔需要過份0既犧牲個人利益
只要係行家0既話,某君影巴士之時,小弟亦不妨擰轉背脊
(影到小弟而炒相者,小弟都唔好意思啦)
同時上各大討論區貼文/劣作之類...亦係自由地進行
又唔係唔貼文、唔影相、甚至唔就影巴士0既巴迷,就唔係巴士愛好者
(反之,同家人斷絕關係囉喎~可能就...有機會一無所有囉)

所以家人對巴迷以上0既不滿
恐怕如果唔係用'斷絕父子關係'呢條橋0既話
佢地(以為巴迷全部係巴敗之流0既更加係)
覺得佢地0既巴迷仔女就唔會脫離巴迷行列
不過,非常可惜,少年人係喜歡由自己/同伴決定行事0既方式
而父母0既地位因為少年人開始學習自主而失落
為保存仔女心目中0既地位而用以上0既抹黑巴迷手段(巴敗除外)同'隔離'政策
恐怕未保地位,先失仔女0既心...
同用Credit Card唔記得還錢0既場面一樣:
一開始風平浪靜、一到結局之前先知'巴士過了文錦渡(禁區)'
想追悔已經太遲了

小弟想唔到Citybus10(城巴10號??)兄都係社會學0既人
算小弟失禮了,加0左成篇注釋晌度...
希望小弟劣文一篇,可以再解構多一d...咁多啦

[ Last edited by LNChickenRice on 2005-7-13 at 20:56 ]