新界東來往九龍東、西的巴士班次，怎麼有這麼大分別？

無聊做了以下一個小統計，比較新界東來往九龍西、九龍東的平日巴士班次：

粉嶺、上水 - 九龍東
70X 12 - 20
277X 3 - 20

大埔 - 九龍東
74X 3 - 15
74A 15 - 30

大埔 - 九龍西
72X 7 - 12
72 13 - 25

馬鞍山 - 九龍東
89D 5 - 15
89C 8 - 20

馬鞍山 - 九龍西
86C 10 - 15 （按：馬鞍山 - 九龍西只有一條巴士路線，錦泰區乘客需轉車）

沙田巿中心 - 九龍東
89 5 - 12
89X 7 - 12

沙田巿中心 - 九龍西
86 12 - 16
72 13 - 25

乙明、沙角 - 九龍東
89B 7-18
80X 6 - 20

乙明、沙角 - 九龍西
86A 15 - 25
87A 15

小瀝源 - 九龍東
89X 7 - 12

小瀝源 - 九龍西
86 12 - 16

大圍、顯徑 - 九龍東
80 5 - 12

大圍、顯徑 - 九龍西
86B 13-20
87B 13 - 18

按道理，九龍西、九龍東同樣有住宅及寫字樓，人口應該相若，
而且乘搭港鐵者，同樣需要轉車（深水步、長沙灣區需轉兩次車）。
既然如此，為甚麼新界東前往九龍東的巴士服務，班次會比起
前往九龍西的頻密得多？需求真的有如此大的分別嗎？

歡迎討論，並謝謝解答。

Positive Feedback

交通不便->傾向不選擇通勤兩區->乘客減少->(以上重覆)

先不理上水及大埔
沙田其實與九龍東有着密切關係
當沙田新市鎮建成後，
有不少觀塘區居民遷入沙田區，
但工作和其他範圍卻仍在觀塘區/九龍東
不少人穿梭兩地
再說九龍西就比較少出現這種現象
解構完沙田後(其實大埔或多或少也是這個原故,但沒有沙田那麼厲害)
其實,九龍東交通是方便過九龍西(如果計深水埗以西)
如果是過海的話，仍有不少人是到觀塘再轉車
但不會到九龍西轉車，因為路途較為迂迴

以上只是少少意見，請各位再補充

樓主傾向用往深水埗、長沙灣的路線當九龍西路線的例。
這其實對新界西也適用。
如果計九龍線，新界西最密的線是去旺角、尖沙咀 (各區 X 線和 268/9B)，
其次也是去觀塘的路線 (38, 42C, 258/9D, 268/9C, 連 40P 也時不時要加班)。
反觀九龍西，像 35A、41A、43D (現 42A) 這些本來以深水埗為總站的路線最後也得延長至
九龍南才可以「鹹魚翻生」， 36A 現在是甚麼「鬼樣」我想也不必細表。

地理位置問題使然的後果是，除了轉車外，
長沙灣、深水埗和觀塘在工作機會數目上亦有相當差別。
結果是：往返長沙灣區的路線班次普遍比往返觀塘的線疏落。
(即使是將軍澳， C 線普遍也沒有 A、D 線那麼誇張)

P.S. 九龍城、土瓜灣情況也差不多，
所以沙田區各路線中以 85 、 86 兩系在班次上最不起眼。

[ 本帖最後由 238X 於 2008-9-14 17:33 編輯 ]

九龍東比九龍西有幾個優點

1. 觀塘同九龍灣既工業區, 其實包容既公司十分多, 相對起來長沙灣工業區無咁多, 而深水埗亦係以住宅居多, 新界東去九龍西既需求無九龍東多

2. 觀塘道其實係一個非常偉大既設計, 可以容納咁多車, 又可以比巴士停, 最後又經常暢通無阻, 如果你坐巴士, 望住上面觀塘線車, 巴士唔會比港鐵輸蝕好多, 由觀塘上巴士去到九龍灣, 可能只係比一架列車過左, 你行去港鐵站都去左呢D時間啦. 再望下長沙灣道, 行陣又停燈, 去到彌敦道又塞, 塞到怕囉

3. 歷史問題, 印象中有唔少當年秀茂坪同藍田油塘公屋居民, 當重建時都係去左沙田馬鞍山等地方, 咁住慣左又會返觀塘聚舊

4. 呢個可能唔係住港島東既朋友唔知, 我地住港島東既幾鍾意去觀塘轉車架, 雖然而家轉港鐵要轉兩次車, 但好多時由新界東去到觀塘, 轉去大古西灣河先8蚊, 而由大埔沙田無論點坐巴士去觀塘, 都同坐一程東鐵既價錢差不多, 去到觀塘又快, 轉車又快, 比去隧道口轉巴士, 或者尖東站鑽荃灣線都快同平架

我諗呢4個原因, 就係點解去九龍東既, 會比去九龍西既客多啦

會唔會係九西無九東的結構咁多元化

現在, 九西就業主要係紡織業, 制衣業, 及其他老牌工業
而九東主要係服務業
講到通勤量, 後者較高.
而且九東半山有大量高密度住宅
雖然九西又有大量舊式住樓, 但感覺呢邊d人的活動範圍較細

不過, 北區竟然長期無巴士到九西, 實在匪夷所思

原帖由 238X 於 2008-9-14 17:29 發表
反觀九龍西，像 35A、41A、43D (現 42A) 這些本來以深水埗為總站的路線最後也得延長至
九龍南才可以「鹹魚翻生」， 36A 現在是甚麼「鬼樣」我想也不必細表。
地理位置問題使然的後果是，除了轉車外，長沙灣、深水埗和觀塘在工作機會數目上亦有相當差別。

其實36A早上繁時出深水埗，都有機會頂閘。
但若同行車路線接近的31B比較，31B客量比36A高得多，雖31B有接駁地鐵功能，
但很明顯31B係深水埗至荔枝角各站上車人數比36A高，而且班次亦比36A密。

原帖由 wesley 於 2008-9-14 20:41 發表

4. 呢個可能唔係住港島東既朋友唔知, 我地住港島東既幾鍾意去觀塘轉車架, 雖然而家轉港鐵要轉兩次車, 但好多時由新界東去到觀塘,轉去大古西灣河先8蚊, 而由大埔沙田無論點坐巴士去觀塘, 都同坐一程東鐵既價錢差不多, 去到觀塘又快, 轉車又快, 比去隧道口轉巴士,或者尖東站鑽荃灣線都快同平架

同意~
港島東去新界東,
搭巴士去紅隧口可以搭好奈,
尤其繁時真係搭去觀塘/九龍灣轉車快D又抵D架.
而且北角去觀塘地鐵收$7.7,
轉埋74X去大埔都平過全程港鐵.

原帖由 3bx 於 14/9/2008 21:29 發表


其實36A早上繁時出深水埗，都有機會頂閘。

但減過班呢... 名義上佢無 25 分鐘一班咁疏，
但如果睇詳細班次佢好大機會係疏過 38A...
(問題係，講客量佢應該比 38A 高)

原帖由 barking 於 14/9/2008 21:05 發表

不過, 北區竟然長期無巴士到九西, 實在匪夷所思

你唔覺得九巴基本上要大埔線一定要做得住
先會有性質相近既北區線？

(譬如 73X, 74X, 271, E41 比同類既北區線
如 278X, 70X, 270A 同 A43 早開)
就算係以前 71X 都要做埋大埔。

而家條 72 又唔係咩 top 線，好難叫人重開 71X 喎...

[ 本帖最後由 238X 於 2008-9-14 22:24 編輯 ]