從 171R 看甚麼是有心的生意人。

原帖由 JX9097 於 2008-9-30 08:53 AM 發表
九巴以呢種態度做生意
唔好話見紅,摺埋都仲得...

好老實講，城巴一向服務態度都異常地好，簡直有D似非謀利機構咁，服務方式完全由乘客著想出發，在這個往往由金錢、利潤出發的香港實在很難得

九巴服務又唔算話好差，不過一和城巴對比下，便顯得九巴的服務態度已經完全被比下去了

原帖由 HU6455 於 2008-9-30 03:41 發表
呢個相信只係其中一個例子
正常路線下, 九巴同城巴比, 九巴果D 26-31分鐘既班次, 跟城巴25或30分鐘一班, 係乘客角度, 大家話邊隻好??
差少少, 都可以見到唔同公司既態度 ...

寫成點根本唔係重點,重點係寫得出個班次要跟得足
寫實際班次但唔準時,
唔會好得過寫個RANGE出黎但係跟得到

[ 本帖最後由 gn3509 於 2008-9-30 11:21 編輯 ]

原帖由 JX9097 於 2008-9-30 08:53 發表
九巴以呢種態度做生意
唔好話見紅,摺埋都仲得...

而家城巴唔駛見紅?

拉到又無佣分，班稽查先唔得閒同你咁落力

毫無疑問,今鋪九記過份輕視呢場大戰
稽查派得兩個,即場宣傳欠奉.

如果呢場波派多少少人,又有d 做CS果面既同事OT落field幫下呢邊
相信未必生意慘淡.當然,巴士遇著共同敵人,理應矛頭一致向外
但呢晚既"九城自掃門前雪"就比人見到就唔係咁好
城記時間,九記車務人員潛水.九記時間,難免城記車務人員潛水唔幫你

我認為,如果大巴係field既員工肯亙相合作.我諗成晚紅小拍烏蠅未必冇可能
你做起個勢.做野始終會順利好多.氣氛係會感染人,士氣更係一樣

公司既盈利係幾蚊幾亳咁累沙成塔,集腋成裘咁返黎
做管理層既唔重視每分每亳,公司一定唔會有好成積

如果九記真係肯搏既,今晚仲有機會.佢要爭氣定洩氣就要睇佢自已喇

[ 本帖最後由 DW8306 於 2008-9-30 12:23 編輯 ]

老牌公司, 一定奉行少做少錯, 唔做唔錯的原則.
冇客又係要出車, 頂閘又係要出車. 兩個情況反正都收一樣人工.
駛乜攪咁多花臣執客先...但求維持到秩序唔駛孭鑊見報咪得.

其實我想讚城巴多於鬧九巴，事實上九巴做得衰又唔關我事。

九巴有兩個身份，一個係公用事業，另一就係上市公司。前者
只需要滿足乘客就夠，171R 就無呢個問題；不過作為後者，
九巴真的要好好思考。

衡量一間商營機構，宣傳手法固然不重要，最重要還是看賺錢能力。
而 171R 這事正是一例。

我只是希望九巴在未懂得開源前不要說自己有加價壓力~

城巴果然是有心的生意人
連尾班車經已開出的牌都有......

城巴不嬲都好欣賞佢，巴士派早餐，宣傳路線以至今次171R
仲有唔會食飽飯無事做，攞塊膠牌膊宣傳
另外，鐵巴我都好欣賞
今次九巴真是抵鬧，但有時都幾好
就今日黎講不斷見到58M不經建生板，960不經大興，都抵讚

都係果句，商業公司唔想賺錢都無得鬧...
好似對付非法村巴的問題咁....
最緊要都係將來唔好咁容易就話經濟困難想加價。

P.S. 其實當日城巴無特別額外派好多後備車，城巴同
九巴的分別真係淨係得拉客呢樣野。