一個好奇問題

點解巴士公司唔再入"非空調巴士" ??

運吉問題 or 巴士商冇"非空調巴士"售賣??

其實"非空調巴士"都有助環保架......

好奇一問......

原帖由 wty2710 於 2008-11-2 01:44 PM 發表
點解巴士公司唔再入"非空調巴士" ??

運吉問題 or 巴士商冇"非空調巴士"售賣??

其實"非空調巴士"都有助環保架......

好奇一問......

市民多數都喜歡空調車﹐需求問題所以不再入非空調車。

唔好用巴士迷的角度講﹐在夏天有2部車你選擇﹐無會坐空調定非空調?


運輸處是沒有限制車有沒有空調的﹐其中一個例子便是某大學的校車﹐全新的新車都是沒有空調的。巴士製造商也有非空調的巴士供應﹐倫敦不少新車便是沒有空調的。


雖然非空調車有助環保﹐但係十多年前﹐香港整體的氣溫同今天比較﹐今天是熱得多的﹐再加上高樓大廈﹐空氣流動﹐玻璃幕牆的反射﹐招牌射燈等不同因素﹐令市區更熱。

作為市民﹐對於一個空調車的需求已成為必須品﹐已經無可能沒有空調車了。



要環保﹐也要有一定的配套﹐例如限制招牌射燈的光度﹐熱度﹐便用時間。樓宇規劃時要計算風的流通﹐減少屏風樓。這些有助市區溫度降低一些﹐不過都是無助人去坐非空調車的意欲的﹐因為人已經常慣空調車了﹐要求空調車帶來的舒適(起碼唔會被風吹亂頭髮 )。

同時,密佈式的車窗可令乘客免除不必要的"自然成份"影響儀容
有段時間,港島九龍地區空氣污染嚴重,那些居民返到屋企要立即洗臉去除塵埃

原帖由 ATR83 於 2008-11-2 02:49 PM 發表
同時,密佈式的車窗可令乘客免除不必要的"自然成份"影響儀容
有段時間,港島九龍地區空氣污染嚴重,那些居民返到屋企要立即洗臉去除塵埃

正是這一個原因﹐大老山隧道﹐更是一眾乘客﹐區議員要求巴士公司多派空調車的。

同埋，
對於巴士公司黎講，
佢無理由想收乘客少ｄ錢．．．．

打比方，
３０ｘ既兩種車收費都相差＄２．２，
十個人已經賺少左＄２２啦．．．．

原帖由 kei_hk 於 2008-11-2 17:22 發表
正是這一個原因﹐大老山隧道﹐更是一眾乘客﹐區議員要求巴士公司多派空調車的。

記得當年有時事節目報導，有大老山隧道路線車長自備"豬咀"果種口罩，一入到隧道就戴

原帖由 kei_hk 於 2008-11-2 13:59 發表
市民多數都喜歡空調車﹐需求問題所以不再入非空調車。

唔好用巴士迷的角度講﹐在夏天有2部車你選擇﹐無會坐空調定非空調?


運輸處是沒有限制車有沒有空調的﹐其中一個例子便是某大學的校車﹐全新的新車都是沒有空調的。巴 ...

呢間大學入面部分人好鍾意無冷氣車，因為通常都可以夾硬塞多幾個人入部車

其實都係見秋冬, 問下依個問題...
同埋我都唔係巴士迷, 只不過間中留意下...

好似B9, B10 型號巴士, 個水箱熱得勁......
如果一些長期行公路既路線, 都可以用"非空調巴士"

討論而已

原帖由 JC3341@31M 於 2008-11-2 18:40 發表
同埋，
對於巴士公司黎講，
佢無理由想收乘客少ｄ錢．．．．

打比方，
３０ｘ既兩種車收費都相差＄２．２，
十個人已經賺少左＄２２啦．．．． ...

你咁講又好似有 D 問題
熱狗用油量應該比冷氣車低,
收費收平 D, 都好合理 ~

原帖由 cheungtszfung 於 2008-11-2 19:04 發表

呢間大學入面部分人好鍾意無冷氣車，因為通常都可以夾硬塞多幾個人入部車

據聞呢間大學之所以鍾情無冷氣車，係因為拆左冷氣後負重少左，可以整多十個八個企位。呢間大學因為地勢問題，校車係必須品，但係僧多粥少，唔用盡唔得。呢間大學，校巴超載係等閒事，而且時間表的一班車，實際上同一時間要開十幾架車先夠載。