九巴環保嗎?

九巴耐唔耐就發篇新聞稿話自己點環保, 但o岩o岩睇到九巴份標書, 有感而發, 想大家諗諗九巴o既環保意識.

1) 早前上晒電視新聞話用番舊車引擎, 留待新車有需要時更換, 仲記得o個陣係用ES龍o黎做宣傳.

到今日, 有幾多個退役車引擎真係留o左o係廠等人換呢?

2) 最近, 又話要將所有膠牌換晒做電牌, 因為膠牌耗損量大, 加上又可能要改地點牌, 唔化算, 所以換, 但係需時數年.

正如各版友所講, 講得o黎, 呢班老臣子(膠牌車)都已經退役, 咁九巴到底係咪空口講白話呢?

眼見城巴換牌速度快佢好多, 雖然小弟唔係太認同要換, 因為橙牌冇晒城巴特色, 但另邊廂可以方便更新路線資料, 亦可令3位牌布車可以出到4位路線資料.

就當九巴可以好似城巴咁極速換晒電牌, 假若電牌壞o左, 膠牌又已經dum晒, 咁九巴咪又係要用紙printout, 難道咁樣o徙紙法又算係環保嗎? 難道dum晒o的膠牌好環保嗎?

3) 早前, 九巴更新自己網頁做".hk", 唔要".com.hk", 全香港加埋巴士上有數以千張, 甚至萬張乳豬紙要更新.

為o左ISO, 難道佢o地咁樣print咁多新乳豬紙同dum舊乳豬紙, 呢o的叫環保?

4) 記得N年前九巴話會將廢舊車呔循環再做一o的新車呔, 但眼見咁耐以o黎, 小弟見親九巴o的車都係大牌子出o既車呔(例: 米記), 未見過所謂o既循環再做車呔, 係咪佢o地講完唔算數呢?   

返回標書, 今期11月標書有成9000條舊車呔, 3950袋廢車呔碎膠粒 (每袋三十千克), 350袋廢呔膠 (每袋三十五千克), 咁"循環再做車呔"呢件事去o左邊呢? 點解仲會有咁多廢舊車呔拎出o黎賣?

對九巴呢間企業所宣稱o既環保工作, 真係好有保留. 歡迎討論.

[ 本帖最後由 3av234 於 2008-11-14 12:04 編輯 ]

舊車呔, 廢車呔碎膠粒拎去做遊樂場既"安全"膠墊架

膠牌回收左未必一定堆填,而係交予回收商

[ 本帖最後由 DW8306 於 2008-11-14 12:06 編輯 ]

每逢有咩大改動例如加價之類,全部乳豬紙都要換,換完咪拎去回收循環再用
你想巴士公司點?就咁搵貼紙痴响上面?
一話學新巴咁,加左價成個月都唔換就最環保?

而且九巴幾時講過全面電牌化後,啲膠牌好地地都要掉?
擺响巴總,預著壞電牌都可以拎黎用
就算係新巴城巴過海線壞電牌,都不時問九巴借膠牌用

似乎樓主心中完全冇3R既概念

[ 本帖最後由 gn3509 於 2008-11-14 13:18 編輯 ]

原帖由 3av234 於 2008-11-14 11:59 發表
4) 記得N年前九巴話會將廢舊車呔循環再做一o的新車呔, 但眼見咁耐以o黎,
小弟見親九巴o的車都係大牌子出o既車呔(例: 米記), 未見過所謂o既循環再做車呔, 係咪佢o地講完唔算數呢?   % y9

車呔係被翻新, 唔係循環再做

原帖由 3av234 於 2008-11-14 11:59 發表
九巴耐唔耐就發篇新聞稿話自己點環保, 但o岩o岩睇到九巴份標書, 有感而發, 想大家諗諗九巴o既環保意識.

1) 早前上晒電視新聞話用番舊車引擎, 留待新車有需要時更換, 仲記得o個陣係用ES龍o黎做宣傳.   ...

1) 需要幾多舊引擎? 有邊 D 適用, 邊 D 殘晒?

2) 咁姐係應該換唔換?  

3) 無乳豬紙因為 .com.hk 轉做 .hk ga wor, 全部都自然流失果時換先有

4) 以我所見, 求其搵一架巴士, 都起碼有一組車胎係翻補胎黎ga la

[ 本帖最後由 EE9255 於 2008-11-14 13:14 編輯 ]

劏車就算唔洗留引擎,係賣俾漁船船主用仲有一定市場
咁樓主又知唔知呢點呢?

原帖由 3av234 於 2008-11-14 11:59 AM 發表
咁"循環再做車呔"呢件事去o左邊呢? 點解仲會有咁多廢舊車呔拎出o黎賣?

每條車呔只可番新3次﹐重覆使用。3次之後便不可再番新﹐用出來的品質及安全有關。

而九巴之前也講過﹐一部巴士8條車呔(雙層車計)﹐只有2條要用全新﹐6條可用/會用番新車呔。

唔好意思, 小弟做過環保行業, 而家已經唔只3R, 而家係6R.

Reduce減少使用: 雙面影印或用email代替影印, 多用替換裝產品 (如洗手液), 小心處理及儲存物料以減少破溢情況.

Reuse物盡其用: 選擇可循環使用的餐具(如避免使用膠叉或紙造濾網), 將包裝物料(如紙箱, 膠袋, 信封等)循環再用, 請供應商收回包裝材料以反覆使用.

Recycle循環再造: 回收廢紙, 碳粉盒, 膠樽, 鋁罐等, 捐出舊電腦, 電器和傢俬予慈善機構, 從工業廢料中分開廢金屬, 木材和塑料, 以便循環再造.

Replace取代使用: 以耐用的用具代替用完即棄的物品(如以玻璃杯代替紙杯),  以乾風機代替抹手紙, 選用環保的代替品, 例如可自然降解的清潔劑和垃圾袋.

Rethink反思: 行動前先問自己: "我咁做會唔會破壞環境呢?" 如果答案是肯定, 當然就該停止.

Redundant多餘: 保護環境最重要是身體力行, 假如只得空想而缺乏實際行動, 一切都是多餘的.  

好, 就算九巴真係保留膠牌做後備用, 做到Reduce. 九巴只係做到Recycle同Replace. Recycle, 因為佢標書真係會將廢鐵等回收. 但Replace只係將膠牌replace電牌, 但電牌最後亦做成電子廢物, 電子廢物o既重金屬水銀等有害物質, 污染環境比膠牌更嚴重, 咁呢個Replace又做得合唔合適呢? 又做唔做到Reduce, Rethink, Redundant呢?

小弟唔認同用新巴乳豬紙o黎比較, 首先新巴係更改價錢, 有必要改乳豬紙; 但九巴, 只係將自己個網頁資料由".com.hk"更改做".hk", 小弟試過多次".com.hk"都入到去九巴網頁o既, 咁九巴係咪為o左ISO交數, 就要作出呢個犠牲呢? 小弟見過唔少.com.hk o既乳豬紙o係係佢o地網頁更新後冇耐就"刻意"換成".hk".  明顯地, 九巴亦係做唔到6R當中o既Reduce, Rethink, Redundant.

至於佢新o既printout, 同其他o既通告, 難道會似麥當當咁用recycled paper? (雖然麥當當有冇用我都好懷疑). 九巴咁做唔做到Reuse呢?

舊車呔碎膠粒, 有幾多去o左拎去做遊樂場o既"安全"膠墊呢? 香港有幾多廢舊車呔, 遊樂場有幾多個需要呢o的膠粒呢? 多o左出o黎o個o的碎膠粒去o左邊, 大家心中有數吧.

即係話新巴城巴換電牌就合乎環保,九巴換電牌就會製造電子廢物?

原帖由 df9321 於 2008-11-14 14:26 發表
即係話新巴城巴換電牌就合乎環保,九巴換電牌就會製造電子廢物?

小弟從冇認為新巴城巴換電牌合乎環保.

[ 本帖最後由 3av234 於 2008-11-14 14:49 編輯 ]