其實...大家仍會否抗拒國產巴士嗎?

大家討論巴士公司應否
買國產巴士的同時
又無人提起買韓國
品牌的巴士?
如DAEWOOD(大字),HYDUNAI(現代)

買韓國車不如買日本車, 至少以往有維修經驗

原帖由 avbw15 於 2008-11-16 16:41 發表
我自己對國產巴士好反感
事關前年我搭直通巴行廣深高速公路
行行下有部中通過左我部車(當時行緊120)
之後目送佢走
過左15分鐘
再見番部中通
而架車係燒緊
所以我e+好抗拒坐國產巴士 ...

不過正如之前板友話齋,
喺英國都有試過好多Volvo同Dennis起火,
只不過係我哋唔知啫.

原帖由 S3BL104 於 2008-11-16 23:30 發表


不過正如之前板友話齋,
喺英國都有試過好多Volvo同Dennis起火,
只不過係我哋唔知啫.

不過有人話左英國個d 係人為多過機件問題....
就算ATR6 都係人為....
不過架HT7970 又點計?

原帖由 petcity 於 2008-11-16 23:33 發表


但同時有站友講，英國既燒巴士，絕大部份係人為
而非機件

呢樣我諗亦係我同你唔知姐

掛接BENZ好似係機件問題而起火?
有錯請指

就算唔計英國, 城巴都有幾部車係自己著火

早幾年我做過一次統計, 夏天某日由南頭搭311行深南大道至上海賓館, 途中有4架金龍, 2架沈飛, 5架广客擺街

原帖由 basiling 於 2008-11-15 11:49 發表
略

320果批車係巴士公司保養問題，保養唔得幾靚既車都係死

廣州既巴士大部分LPG，唔係用柴油，LPG車力水差過柴油車幾乎係公認的
當年香港如果真係入LPG雙層車，結果都係一樣

原帖由 basiling 於 2008-11-15 11:49 發表
講真深圳我搭左七八年都未見過燒巴士

淨係廣州今年都燒左5架以上...

原帖由 da54 於 2008-11-15 12:56 發表

又係 $ 作怪...
人地內地大城市都係用一踏、二踏果陣，
澳門就買三踏車....

講左好多次，澳門既三踏車係新福利要求整
人地頭軸輪拱上面排凳唔駛上樓級的

原帖由 iczer3 於 2008-11-15 18:20 發表
點解冇人提倫敦D Citaro掛接呢?

好似話LDN批O530G用D cheap零件所以搞到燒車收場

原帖由 AVW28 於 2008-11-15 18:38 發表
(以下我所講既野係冇特定對象)

抗拒的話，不如唔好係大陸搭佢d巴士？
係呀！你可能對內地的車負面，但內地人都係咁搭喎！
內地人都係人一個，香港人都係人，我覺得冇必要抗拒大陸既野！ ...

講得好！某D人係都要覺得自己矜貴D
不過大陸人唔坐公交就無車坐，咁最基本都要上到車至得...有無位坐又或者舒唔舒服係建基於「上到車」之上
而家慘在係有車黎死迫爛迫都上唔到車(香港既迫車同大陸既迫車比係小兒科)，又或者坐公交去唔到目的地

原帖由 basiling 於 2008-11-15 19:58 發表

我想問下邊度先, 如果係深圳, 特別係SBG, 好難比較......
因為
1, SBG批金龍宇通係用手波, 而且唔係用氣避震(19同59批宇通低地台ZK6128HGE除外)
2, 前中南批大宇都係用手波

如果你有試過230/2/10批自動波廣客, 我 ...

原帖由 basiling 於 2008-11-16 15:33 發表

你似乎唔係好清楚內地巴士的質素.
我近六七年日日都搭深圳巴士, 由广客前置(當時行20) 黃海第一代後置(當時行23, 6)到引入LPG行223, 209由冷熱混合變用全熱駿威再用全冷金龍再加番熱車行兩味. 我好清楚就算保養再 ...

又講深圳... 唔好下下淨係講深圳好唔好
同埋唔該唔好成日打住自己係深圳住過六七年就以為自己對整個內地既公交好熟

一個深圳能唔能夠代表所有地方既公交，一間SBG可唔可以代表每一個地方既公交公司，一款車可唔可以代表晒全國咁多間車廠？

[ 本帖最後由 LA16-3ASV465-51 於 2008-11-20 09:56 編輯 ]

回完各會員回覆, 又講下自己意見
因為本文太長, 所以要分開貼...請諒

國產車真係差到好離譜咩?我又唔覺
而家世界各地都開始引入中國製既巴士, 不論公交定旅遊車都有
而且呢堆出口車絕對唔差, 好多內地車迷睇完係外國既國產車, 都會有一個反應
就係「點解出口去外國既車做得咁靚, 內銷既就破爛?」
外國公司買中國出口車係貴過內地公司買同款內銷車唔少, 好明顯又係一個關於「錢」既問題
外國公司有錢, 但係內地公司呢?淨係睇公交公司
係大陸, 公交既定位幾乎係一種福利性既事業, 有好多地方既公交都仲係一蚊起步全程兩蚊, 擺明蝕比你;
蝕錢靠政府補貼, 政府補貼唔係補貼到你賺大錢, 只係補貼到唔駛蝕; 要加價亦都唔係易事,
試問聲巴士公司係咁既環境下邊度有錢買D價錢較高丶質素較好既車呢?
香港就唔同, 要巴士公司蝕錢?一個字：「難」; 條線蝕錢, CUT車CUT線, 公司蝕錢就嗌加價
所以香港既公交同大陸既公交靄境其實好唔同; 係大陸既角度, 香港公交事業根本就係私人交通而唔係公共交通。
香港既公交公司有錢賺, 自然可以買好車買靚車; 大陸公司賺既係雞碎咁多, 無錢又要換車加車就唯有就住就住。

講完公司又講下D車, 中國製既車亦都唔可以話差
相對係鄰近既發展中國家既既巴士製做業, 中國既巴士技術其實已經係先進
對比下印度, Ashok Leyland丶TATA出既公交巴士後置車普及嗎?有低地台車嗎?
Ashok Leyland既雙層車相信好多人都知仲係停留係中巴部APD1既年代...連後置引擎的都沒有
反觀中國產既公交車, 後置車十分普及, 低入口丶低地台都有。
我個人覺得, 國產車既弱點有二, 分別係對底盤機械同佈局研究唔徹底, 另外係車廂設計亦唔夠人性化
機械就唔在講, 唔好以為進口偈好靚國產機頭好差, 上柴機頭加雅寶都做到歐四排放; 而A波箱配B引擎唔一定夾, 夾左亦唔一定係好。
而一架車既底盤佈局直接影響到部車既車廂內局, 某些車明明低盤做到低二踏甚至一踏低入口, 但係後山可以高到趴係度
就以上年係廣州試過既安凱HFF6140G05D為例, 架車由車頭到車尾都係低地台
但係由車廂通道上去尾排坐位就要上四級樓級, 座上望向車頭既感覺真係更上一層樓, 同時亦突顯呢款車既底盤佈局研究其實十分唔徹底
至於外國產既車由頭到尾都係低地台既款式多不勝數, 其中有幾多款係高後山呢?

(下續)

(續上)

至於車廂設計問題, 除了因為底盤佈局影響外, 好多小節亦唔夠人性化, 令乘車舒適度大減
坐過大陸公交車既人應該都知, 尾軸上既座位係好似早期子彈頭COASTER咁, 坐落隻腳要屈住放係輪拱上面
呢個問題係大部分國產公交上都存在, 其實係可以花心思改善下;
有D車廠亦參考左外國既方法, 例如將輪拱附近既位改做「對頭位」
另外仲有樓級過高, 未有善用車廂所有空間諸如此類既間題。
係雙層車上問題更明顯, 下層車尾梯底有死角位, 樓梯過闊丶沒有防滾設備, 冷氣風槽過大等等
呢D都係國產公交車對於內部既設計唔夠外國的來得精密, 可能因為車廠認為只要滿足公司「有緊要有得用」既心理, 詳細原因不作深究
無錯近年各大車廠都引入外國設計入黎照dup咁滯, 但始終千里馬都要有伯樂, 呢D外國設計既車係大陸基本上好難遇到伯樂
因為成本問題導致車價貴(進口機件丶設計使用權等等), 而亦無咁多公司有錢買; 就算公司有錢買, 亦唔一定覺得你既設計好而買你。
如果大陸車真係要打入香港市場, 始終香港用左接近英式車廂佈局既進口車咁多年, 將一架完全係內地車廂佈局既車打入香港, 幾乎注定係失敗。
乘客坐車最緊要就係上到車, 上到車先有得要求有位坐, 有位座先有得要求坐得舒唔舒服
所以要打入香港市場, 最基本就要做好車廂佈局, 係D細節位花多一點心思, 將車廂佈局改為香港用緊既式樣...其實已經滿足左乘客對部車既要求
只於機於方面, 最主要都係質量同耐用丶維修保養方便程度既問題, 對底盤機械同佈局研究徹底少少, 部車已經好用好多。

其實我覺得, 外國車究竟貴係邊?除左間廠既GOODWILL同D材料外, 就係貴在D設計
近年各大車廠都引入外國品牌合作, 做一D國產既外國車, 係內地黎講係一級靚車, 但係世界眼中可能係低檔貨(唔係原廠製)又或者係舊model
既然內地國內自主研發既車尚未配合到香港既模式，配合到既其實又係外國都有既
問題其實就係香港既巴士公司既然俾得起錢買, 咁又何必要買國產?

我是打從在心中希望國產巴士能夠出現係專利巴士公司既車隊入面, 除了讓香港既公交有多點新意外
亦都俾我地同胞既車廠一個好既機會同空間去學習丶去進步。

以上文章係我由舊年開始留意內地巴士到而家既想法, 敬請手下留情, 唔好插得咁盡

[ 本帖最後由 LA16-3ASV465-51 於 2008-11-20 09:56 編輯 ]