【車站】有可能的顯徑站，慈雲山及何文田研興建行人系統

首先，輕鐵車站我無意見，一來我唔熟，二來輕鐵站個名影響無重鐵站咁深遠。
有無人會話自己個物業係「輕鐵元朗站上蓋」？係都話西鐵元朗站啦。

第二，以前有的例子不代表正確，用道路命名唔係壞事，省去「道」字都唔係太過，
問題係，在土瓜灣及馬頭圍這一次，用道路命名又省去道字，會直接將兩個區域的名字調轉。
唔係話A站唔近A區咁簡單，係「A站在B區」而「B站在A區」。

上一個類似例子係「荔枝角站上面的長沙灣廣場」。

馬鐵站名係命名比賽而來，烏溪沙站係近真係叫「烏溪沙」的地方，
西鐵錦上路係錦田八鄉拗唔掂數，南昌為何不叫富昌係因為南昌認受性較高，
屯門叫屯門係因為重鐵凌駕輕鐵，這些我都可以接受，但將原有地名調轉就有點兒那個。

真正土瓜灣係海心公園一帶，好明顯較南的才是土瓜灣，而家叫北面的做土瓜灣，
如果有區外人要去土瓜灣，約人去土瓜灣站等，等齊人後，佢地一係行餐懵一係搭一個站。

我只係比較固執於這些。

原帖由 K仔 於 2008-11-17 23:14 發表
圖中可見到顯徑站大約的形狀，港鐵內部是不是已有顯徑站的設計？ ...

我反而認為只是該形狀造成錯覺，那幾條線有可能是車站接駁到顯徑一帶服務區域的行人天橋系統。

原帖由 DIH 於 18/11/2008 22:05 發表

真正土瓜灣係海心公園一帶，好明顯較南的才是土瓜灣，而家叫北面的做土瓜灣，
如果有區外人要去土瓜灣，約人去土瓜灣站等，等齊人後，佢地一係行餐懵一係搭一個站。

抱歉，鄙人一直都以為偉恆昌一帶先係土瓜灣，
以南係紅磡。

不過幅圖咁叫法又幾離譜既。
(北面個站叫宋王臺或者啟德南咪得囉...)

[ 本帖最後由 238X 於 2008-11-18 23:43 編輯 ]

原帖由 238X 於 2008-11-18 23:41 發表


抱歉，鄙人一直都以為偉恆昌一帶先係土瓜灣，
以南係紅磡。

不過幅圖咁叫法又幾離譜既。
(北面個站叫宋王臺或者啟德南咪得囉...)

我個人覺得啦
如果個站係馬頭圍村附近, 就真係有d調轉左既可能,
但就咁睇個proposal, 個土瓜灣站距離馬頭圍村真係好遠喎....
其實我住同讀附近一帶咁耐,
我所認識既係, 由家計會開始落到翔龍灣, 再一直落去個三角公園都算係土瓜灣一部份....
當然, 而家個馬頭圍站個叫法係有斟酌地方,
但係, 土瓜灣站叫土瓜灣 personally 我唔覺有咩問題囉.....

原帖由 DIH 於 2008-11-18 22:05 發表
問題係，在土瓜灣及馬頭圍這一次，用道路命名又省去道字，會直接將兩個區域的名字調轉。
唔係話A站唔近A區咁簡單，係「A站在B區」而「B站在A區」。

上一個類似例子係「荔枝角站上面的長沙灣廣場」。

真正土瓜灣係海心公園一帶，好明顯較南的才是土瓜灣，而家叫北面的做土瓜灣，
如果有區外人要去土瓜灣，約人去土瓜灣站等，等齊人後，佢地一係行餐懵一係搭一個站。

建議中既土瓜灣站所在區域, 我唔認為係叫馬頭圍區
原因樓上篇回文有講,
至於馬頭圍站, 無錯你可以話係土瓜灣區,
但我會覺得偉恆昌 翔龍灣一帶會係更正宗既土瓜灣區....

其實最好就:
土瓜灣站 ->  宋王臺站 (反正又近宋王臺道/公園)
馬頭圍站 -> 土瓜灣站 (雖然比正宗土瓜灣偏南一點)

原帖由 lsc04d11 於 2008-11-18 09:37 發表
對於有關站名跟現實地方有點兒不符，亦有以下一些例子︰

南昌　對面的是富昌邨，而南昌需於d1出口出而過兩條大馬路

原來過兩條大馬路(其實只係過一個十字路口)就叫遠離車站

深水埗填海區本身冇地名，
當年第一個大型建築就係南昌邨，
所以南昌絕對有資格成為區名，
鐵路站名一定要較有區域性，
唔係話最近邊個屋苑就用邊個屋苑黎命名，
以南昌命名鐵路車站並冇問題

原帖由 lsc04d11 於 2008-11-18 09:37 發表
第一城　近愉翠苑，愉田苑同埋威爾斯親王醫院，第一城就……

其實最正確應該係叫圓洲角，
但若果唔用圓洲角，最適合嘅又真係第一城喎，
鐵路站名一定要較有區域性，
唔係話最近邊個屋苑就用邊個屋苑黎命名

另外唔好講到第一城站離第一城好遠，
其實行3分鐘已經入到第一城範圍，5分鐘到第一城中心

原帖由 lsc04d11 於 2008-11-18 09:37 發表
車公廟　常常看那些指南，都說車公廟站行去車公廟要10-15分鐘...倒不如叫秦石，o係正對面

認同

但車公廟站行去車公廟並不需要10-15分鐘，
10-15分鐘可以行到去大圍站了

原帖由 lsc04d11 於 2008-11-18 09:37 發表
荃灣西　其實在荃灣站的南面，亦不是荃灣的太西面，可能是「西鐵」卦...

荃灣西並非在荃灣站的正南面 (海濱花園才是)，
正確是位於荃灣站的西南面

原帖由 teddybus 於 2008-11-19 10:21 發表


建議中既土瓜灣站所在區域, 我唔認為係叫馬頭圍區
原因樓上篇回文有講,
至於馬頭圍站, 無錯你可以話係土瓜灣區,
但我會覺得偉恆昌 翔龍灣一帶會係更正宗既土瓜灣區.... ...

其實整條土瓜灣道都係屬於土瓜灣區，
馬頭圍係指馬頭圍邨及天光道一帶，
所以沙中線車站冇一個係位於馬頭圍

原帖由 teddybus 於 19-11-2008 10:15 AM 發表


我個人覺得啦
如果個站係馬頭圍村附近, 就真係有d調轉左既可能,
但就咁睇個proposal, 個土瓜灣站距離馬頭圍村真係好遠喎....
其實我住同讀附近一帶咁耐,
我所認識既係, 由家計會開始落到翔龍灣, 再一直落去個三 ...

同意, 雖然依家馬頭圍站個名係有d問題, 但將兩站名倒轉似乎問題更大...

由呢兩個站行去馬頭圍邨既距離差得唔遠(都係好遠), 所以兩個站都唔太適合叫馬頭圍...

至於土瓜灣, 你話係木廠街果邊又得, 你話土瓜灣街市果邊亦唔係錯,
但個人都係傾向近偉恆昌既站叫土瓜灣站...

至於近馬頭圍道/漆咸道北交界那個站, 叫馬頭圍唔太岩,
但唔叫土瓜灣又的確唔知叫咩好...或者可以叫高山道/高山劇場站...
再唔係有本事既就一個叫土瓜灣北, 一個叫土瓜灣南...

其實翔龍灣一帶可否稱為馬頭角呢？