慨嘆，點解咁大分別

原帖由 ASV50 於 2008-11-30 23:55 發表

港鐵巴士既司機壓力應該相對比其他公司既細?

最少路線冇咁多, 而且司機人數比較少, 可能可以造就一個大家庭既感覺..
*離一離題, 其實講待客方面, 前九鐵既職員態度都比前地鐵既好... ...

其實事實可能剛好相反

我覺得港鐵無論輕鐵定巴士，司機既壓力都畀其他公司大。點解？港鐵對司機有嚴謹要求，無論技術上、待客上、禮儀上，有complant會好認真咁調查，同埋做所有野都有程有序，both巴士輕鐵都係。

我見九巴有d司機戴晒耳環染到七彩著住制服通街走，但著港鐵制服既我真係一個都未見過會咁。係個人紀律問題定係公司管治問題？我覺得係後者。

再者，港鐵既司機駕駛態度正常d，應收則收，應去則去，唔會好似新九城d卡佬咁，自己鍾意快就快，慢就慢。猶其是九記，都唔知係咪人太多，咩人種都有，完全唔統一，都唔似一個團隊...

仲有，假如有意外係人為錯誤，港鐵既懲罰同手尾都畀任何巴士公司多好多。

[ 本帖最後由 4056 於 2008-12-1 02:33 編輯 ]

原帖由 lf5499 於 2008-11-30 23:28 發表
咁又掉返轉
你座輪椅係姐
但係咪推過少少上車都唔得先
再者 你自己座得輪椅就要預左自己負責
下下都要人地幫你?
係,特別情況係應該要幫下既
但上落車,講真 你出得街都預左
而且,你又唔係完全唔郁得,可以用拐杖行到既 ...

吓？
家吓個司機做緊服務性行業喎
你SERVE人
你需要提供服務俾乘客
何解要一個不便於行既客就番個司機？
邊個話用拐扙行到代表冇問題？
多一個人撐扶佢地就可以唔需要用咁大氣力上車
雖然司機冇義務去幫佢地
但在於情上係咪咁樣都唔肯幫一個傷殘人士？

家下唔係架車停正站頭、對母子要架車再駛前去載佢地
而係母子企正站頭但架車冇停正位俾佢地上
母子叫架車駛番前去站頭俾佢地上都唔係一件太過份既事
反而係個司機為求貪快就唔係遷就對母子
咁既工作態度係唔得既

攞得拐杖既人
大家都應該預左平常人行既路
對佢地黎講係件好辛苦既事
行少一載路就等於幫佢地一大忙
就算司機唔肯幫佢地上車
駛前少少架車都已經幫助佢地好多
都唔明點解唔駛前D
既佢地又容易上車
又唔駛有無謂爭執
何樂而不為呢？

或者新仔未經磨鍊
態度都仲以為好似係屋企咁可以大搖大擺啦

老實講 ,
公平啦 , 無論點都好都應該停埋站頭先上客架
如果乘客因為咁樣有咩事起上黎 , 車長責無旁貸

無障礙運輸攪左成十幾年(當年港督大力推行到呢個時間)
到今時今日都未全面無障礙化
可見投資者對巴士既投資問題
(日落工業 ? 應該係啦)

原帖由 天空之神 於 2008-12-1 18:18 發表
老實講 ,
公平啦 , 無論點都好都應該停埋站頭先上客架
如果乘客因為咁樣有咩事起上黎 , 車長責無旁貸

無障礙運輸攪左成十幾年(當年港督大力推行到呢個時間)
到今時今日都未全面無障礙化
可見投資者對巴士既投資問 ...

但係要留意一樣0野 低地台巴士今年計落不過過0左大約十一個年頭
距離最後一批「非低地台巴士」大限仍然有六年左左右0既空間

如果要全面無障礙 最優先解決0既反而係香港山多路斜(尤其港島)問題
唔係所有路面都適合低地台巴士行走
另一方面 假如將「非低地台巴士」全數換成「低地台巴士」
所牽涉0既龐大資金由邊個支付? 最終都係巴士公司轉介俾巿民
所以先會有易達巴士/易達轎車、復康巴士 提供另一個無障礙運輸0既途徑

大家留意，重點唔係年輕司機幫唔幫乘客，而係事發時及事發後口中「唸唸有詞」，即係根本無幫人的心。
已經唔係服唔服務性行業，或其他乘客時間的問題，而係「家教」問題、待人接物問題。

係呀，九巴咁多人，根本係無團隊精神架，幾千人有人等退休、有人等飛車、有人等追女，團咩隊？
這不是問題，只係山高皇帝遠，又生客多，好多人平日惡形惡相都無管理層知道。

世界好現實，人地幫你係人情；唔幫你係道理。一樣米養百樣人