回憶中的70

很記得九十年代初，仲係希牌時代，70曾用DM(Dennis Dominator）作掛牌，
有溫拿香煙廣告（紅、綠版本）同加德士廣告（0個陣仲係深藍色車身0既）。
維持左唔係好耐，就換番晒雞車，印象最深0既一架掛牌係CH5645馬伯良粉藍色全身廣告，
初掛70 0既G544係未有廣告0既，後來有粉紅色雅確表廣告，到膠牌時代就有深藍色汽車防盜器廣告。

呢個時代0既70號，間唔中都會有D特見0既，
例如荔廠有時會拉架8號0既大泵把或者黑金剛行70，
上水廠就會間中搵架BL行，M仔0係布牌時代就比較少見。

有無人記得ME@70最後一次是幾時？
我只記得果日因事去唔到，之後就一路飲恨....
(參考：ME25@70x 是2002年10月25日)

幾歲大時某年聖誕節，火車尚未電氣化，同家人親戚一行十幾人去粉嶺親友處玩，碰啱長假勁多人返大陸旅行，十點幾去到紅磡火車站，門外打咗幾圈蛇餅，只有照排，排咗十幾
分鐘條長龍冇郁過，問路過嘅稽查先生幾時至上到火車，佢話要等到下午兩點！大家惟
有離隊，有人提議不如搭巴士去粉嶺，左問人右問人，結果先搭8號落蕪湖街，轉20號(8/20
未合併)去佐敦道碼頭轉70，係第一次同九巴70結緣！佐敦總站一樣大排長龍，但係好密
車，5,6分鐘開一班，排到第三、四班就上到，嗰陣全線係勝利二型。總站開出差唔多坐
滿，中途站上車只有企位；當年沙田只有瀝源禾輋兩邨，其他地方全部係沙塵滾滾地盤。
巴士出咗沙田一路到粉嶺，只係大埔墟有少許燈位，所以雖然停好多中途站，搭到聯和墟
落車，只係60分鐘左右。最記得夜晚返九龍又係搭70，但係大人驚夜車危險，唔准我哋搭
樓上，坐樓下近距離聽雞車引擎沿途怒吼！

中學年代經常環遊新界牛河，多數係逆時針九龍＞上水＞元朗＞九龍，成日坐到荔廠
DM@70，雖然上斜冇力，但係輕飄飄感覺超得意！後來都嫌70牛河得唔夠喉，改去沙田
轉更兜嘅73A去上水！

2000年5月ME因漏油問題全面撤出70,74A等長途線，只掛區內線。響換掛牌前幾日坐一架
ME行70全程出佐敦，去到大窩西開始發力高速前進，MD機剛剛播出千嬅「最後的歌」，
非常切合當時心情！因為的確係最後一次坐ME@70！

近十年八年70大埔上水段站多燈多，愈來愈阻時間，已經幾乎冇興趣再搭；認真估唔到尋
晚最後一程 70 係接近全程罰企出佐敦！（上水總站開車時本有位，到粉嶺讓俾友人坐，本
來想大家輪流坐，但原來企住搭70更過癮！）

雖然係新界東都住左二十多年... 但係坐70既機會真係少之又少... 係上水住既6年,每次出九龍都係
同父母坐火車,無機會坐到70... 之後到搬左出沙田坐70既機會就更加無... 唯有入上水搵阿爺,如果
有時間都一定同70一樣咁耐既73A... 但係一直都好想試下70...
到左06年既暑假,係尖沙咀放左工要入上水食飯... 見又有成2個半鐘先開飯... 終於等到我等左好耐
坐70既機會... 由尖少咀行去佐敦道坐佢... 行到差唔多腳到斷,之後就坐到唔識郁... 同73A一樣入到
新界既感覺好正... 見到埔公耐唔耐又多個燈位,真係有少少無奈...
之後到左今年暑假,不斷有70取消既消息都諗住無機會再坐... 之前既第一次亦都會係最後一次... 到
暑假尾同朋友入上水燒野食... 幾個男仔幫手搵野吹水無睇時間... 飛的出到火車站已經開左尾班車...
唯有去巴士總站睇下有咩車... 見到原來70尾車重未開,當然咩都唔洗講就上車啦... 出到九龍就神仙啦...